[ming68899]

向Sony代理及維修提出極大忿怒


本來本人也曾對Sony的代理同維修都滿意.

但近月本人的A850用的CF咭死火（部機係11月買，影得2000shots)，認唔到CF咭．當堂大鑊，幸好MS槽仲用得，
飛奔20分鐘去買MS作用住先．

於是第二日即送去Sony旺角通惠9樓check 機，都係認唔到．留院檢查．

翌日，有位先生來電通知話你部 Sony A850條CF槽的針俾我的CF咭的孔位整孿．

佢話保養唔包，要付錢．我話我點會知D CF咭的內裡孔位係點睇得入去，

如何分到D針孔位係孿定直．我亦都說你話如此的狀況，的確使我對Sony的產品非常失望同埋好hardfeeling.

那男子便回覆今次唔收錢，下次同樣情況就要收$300多元零件費．

好喇，係上星期我帶同幾張CF咭上去Sony旺角通惠9樓取機，我將兩張SanDiskCF咭給櫃檯的Sony姐姐幫

我放去入機內，都係認唔到．（其實D CF咭係上去之前一晚，我將D CF咭係card reader同係Sony A350試用

同check過，認到同影到．又有一張係新的．）死火，我應承了去幫朋友影一個晚宴．即時要取回機，

那櫃檯的Sony姐姐給回我一張紙証明當時即場check機都係認唔到CF咭．


又用MS棒影了一晚，我係今日一早11:10am去Sony旺角通惠9樓給維修部跟進．同時留下一張SanDisk II CF咭

給跟進．在今日下午4:36pm，又係那位維修部男子來電話，他說我今次又係俾張CF咭的針位整孿了針．

我話當時我係給CF咭你地櫃檯的Sony姐姐幫我放去入機內，都係認唔到．個張 CF咭我係Sony A350同

card reader都用得，o甘我點樣會知到係A850機內就孿呢！況且個張CF咭係新咭．他死口都要我給$300

幾先肯整．我要佢給我一張由Sony發出的文件以証明A850內的CF槽係給那一張SanDisk II CF咭內針位所整孿，

好讓我向SanDisk代理追究！

今次的經歷的確使我對Sony的產品及維修十分失望同非常不滿．不久我一定會轉去其他品牌．亦本來想買部

Sony LCD iDTV我想都係將Sony此品牌飛走．


十分勞騷，不過係此處分享一下一次谷氣的經歷．

當我取回CF咭，我會將那CF咭影相上傳給大家參巧下！

[亡女相心]

節哀順變>_<,做冬大日子要開開心心,

[arguan]

我年半前買左部SONY Z, 兩萬蚊的, 一個星期後發現個MON 有花痕
SONY 唔肯換, 話係我自己壓個KEYBOARD , 整花個MON, 又話我冇用塊保護布隔住個KEYBOARD, 但佢指引亦冇教要咁做
豐澤過左七日又唔肯換.. 維修要2500蚊

最好都無奈用到而家, SONY QC維修保養的確令人失望. 香港特別差

[ming68899]

所以從今天開始，我會逐步將家中的Sony產品會換走．

有錢你估驚買唔到好好東西．

[impala]

現實D講，是否付$300去更換該CF插口，化算過二手賣出去，除非你想騙下一手。

[ssannwong]

一部萬四蚊行機, 保養連換一個$300零件都唔包, 咁真係不該~

好聲好氣令客人滿意部Full Frame機仲好la, 第時個客捨得買多一兩支Sony Zeiss鏡乜都賺返哂la

不過做維修d人, 點會理品牌d生意? 做多單36做少單又36, 總之話規矩咁就咁, 少做就少煩少錯

[chris262]

我最近都拎左支58閃上去整,發覺原來自己用鴨仔電盒,整壞左既

但我去到,什麼都冇質疑我,更加冇唔禮貌
亦有詳細了解點解會壞,同更換過哂入面既零件, 亦唔駛錢

會唔會係個別case?

[impala]

問題出在是否正常使用之判斷。使用鴨仔電盒都算正常使用(除非電池爆炸)；但拍攝了2000張相後，估計換插CF卡都有幾之，針位損壞，好自然是曾經一次錯誤壓入CF卡。

[ming68899]

問題是當新整好取機時，我交兩張CF card 由Sony CS姐姐入card都係認唔到card,再留機同CF card俾維修部，回覆都係孿針．但那兩張CF card 我可以用在Sony A350個　CF 槽．　真是莫名！

就算在第一次入廠係我不小心整孿針．但當取機時我係無入過CF card的．

[logistica]

係就快d走啦! 咪同我地爭鏡!

[impala]

你都表明不會付費更換，技術員可能只是將孿針弄直，就以為可以過關。事實當然不能，因cf卡針位是很精巧，當然不能這樣維修，必須整個構件更換。

[garyinpayton]

港「網絡打手」組織嚴收入豐
本報記者詹勝

以操控網絡民意為生意的「網上黑社會」並非內地獨有，其實在香港各大論壇上早就已經存在。

他們組織嚴密，行事隱秘，收入豐厚，因為香港沒有專門的法律針對這些組織。所以說，他們可以稱得上是不受法律監管的「幫派」。

香港排名前五位的某著名論壇網站負責人對本報記者表示，香港的「網上黑社會」相對內地來說，更商業化。他自己所認識的「大佬」就有數十個，每個「大佬」控制了數百「打手」。這些「大佬」先負責接洽「生意」，然後下命令給「打手」。「打手」之間則等級鮮明， 「金牌打手」負責發布主帖，這項工作技術含金量較高，因需要仔細揣摩行動的內容以及達到的目的，將其精華在不超過一百字的帖子上表現出來。隨後， 「普通打手」就一擁而上回帖，製造輿論效果。據了解， 「金牌打手」的每個帖子大約收費港幣五元，而「普通打手」則收費一元左右，以全職學生居多。

由於香港收費較內地高出十倍之多，曾經有「大佬」引入內地「打手」（有人戲稱「網上大圈」），但效果並不理想。一是香港和內地的網絡語言的差別太大，二是因內地一般都是採用人海戰術，一個主帖竟然出現了數千回覆，回覆內容機械化，這樣反而起到了反效果。

「網上黑社會」的行動一般涉及到廣告或者惡意的商業攻擊。該負責人舉例說，年前，筆記簿電腦市場的競爭激烈。某大電腦商通過顧問公司聯繫到網上幫派「大佬」，出價一萬五千元（現金交易），要求三個月時間，在各大網站慢慢出現一千個投訴，針對對手品牌的筆記簿電腦，包括：速度、保養服務等。結果這種花樣百出的惡意攻擊「滲透」得非常成功，令對方銷量大跌。

電腦學會副會長籲港府監管

針對， 「網上黑社會」沒有法律監管的情況，香港電腦學會副會長、香港青年聯會政策研究部委員吳傑莊博士表示，目前，港府只是把網絡監管的重點放在「知識產權」以及「個人私隱」方面，沒有重視這些活躍在網絡上的「黑社會」，令市場產生不公平的情況。他呼籲，港府未來應該針對網絡暴力以及「網上黑社會」等，採取更多措施。

[bhcs3867]

我早兩個月部46吋Z系電視睇睇吓左邊有双重影像，但幾分鐘後又完全正常。因未過保養期，於是打去Sony。兩日後有維修員帶埋一箱嘢來。點知即場試機完全正常。該兩名維修員問我之前點樣壞法，我講完佢地打開個箱，原來係個全新Penal。佢地用咗唔駛一個鐘換咗個Penal，試埋機，無收錢走咗。

[飯窯]

人地講事實並不能扣帽子話人地係打手
不過show出修理單據當然會增加說服力, 若不如此難分誰對誰錯

[ayanan]

我想 最主要是人的本質問題,來源自於維修那位人兄...企業請到此種人...唉. 幫產品維修本來是品牌企業應有的責任...但在維修部D大佬以為你送產品比他維修好似來求他...擺高姿態. 其實維修部那人自己要修理一下.

Sony 其實是好野