Alex Chang
註冊: 2006-06-14
上載我的肖像
|
 我和iPhone的一曰情 Post time: 9 月 9 日 |
|
|
星期六收到3的電話通知,星期日就懷著興奮的心情去出機, 由於小弟無信用咭所以未能享有1000元autopay月費扣減,
最後以5460(機價138)+1個月台費(498)預繳出了部黑色16GB,回家後把玩一番,這刻還非常喜愛,玩到2,3點先訓,其實係俾個i-tune攪咗個幾鍾,原來乜都要經i-tune先過到落部機度,咁即是唔係任何一部腦都可以溝通到,你估人人都用Mac,人人都有裝i-tune咩.開始覺得有d失望 ,不過d音色又真係幾好,我喜愛jazz,攞番對多年前買的B&O hadephone細聽,好有當年discman的感覺. 漸漸就從優美的歌聲中走進夢鄉.
一覺醒來差d瞓過龍,但番工途中在地鐵車箱內還不忘拿出來把玩一番,上上網,聽聽歌再睇埋MP4,嘩!從未試過上班路上咁精神,仲覺得自己好型,連d靚靚OL都望多我兩眼.
到了lunch,班嘩鬼即刻走過黎八吓,由於全公司侄得我有iPhone,連最潮果個都未換佢部2G iPhone, 我覺自己好有優越感. 但當我想同friend玩吓視像call先知原來部嘢係無視像通訊,勁失望 ,咁叫咩3G電話, 影完相又唔可以用MMS send出去,下下都要用e-mail,你估個個人的手機都有得收e-mail咩, 白痴! ,說明書都唔俾人,上網搵就淨得英文, Apple淨係照顧d英文人同d淨係識用e-mail同人溝通的IT人.打去3個CS hotline仲嘔血,火都黎埋, 等鬼咁耐同噤幾廿次先有真人同你講嘢,一個yes or no 的問題答到一舊舊,癈話連篇. 最後在放工前作出一個果斷的決定---趁我未傷害佢之前
決定同部機講分手,結束我們短暫的20小時的情緣. 唔好怪我,勉強冇幸福..........
放工後去先達準備買甩佢,點知而家通街都係iPhone3, 至前我仲以為放到7,8千點知買出價都只係6千幾,最後以5600放了,
算了,總知無饋就好了,條友話用了一天都叫二手,俾佢吹脹! 拿著手中的一疊銀紙走過店舖看見櫥窗內的iPhone又有一份失落感 ........男人就是這樣。
|
|
