[aizekcam]

請問有無買過呢支鏡遮光罩，我去x成買話無得配......但係說明書上話係HB 33架，知唔知可以去邊度買到?!大概幾錢呢?

[cherrykenny]

上代理訂咪得囉，但應該唔平，可能支鏡一半價錢！所以好小人用！

[aizekcam]

Hi cherrykenny 唔該哂! 你提醒我，今天打電話去代理問，佢話已經係街有得買啦......代理訂價為$85蚊，我會去搵搵.......thanks.....

[kenkong]

Hi aizekcam，

你卒之買左D50拿！恭喜恭喜！

[aizekcam]

Hi kenkong, 係呀!買咗啦! 價錢都好吸引......因上次中秋節去Disneyland, 帶咗部F80及一支鏡去，還好應付得來，於是立下決心囉.....加入你地DSLR行列.......而家試吓支kit 鏡如何......再決定買多支其它......當然希望質素可以, 輕身及不可太貴啦........而且有機會和你及其它師兄在此分亨心得，想起都很開心呀!!

[kenkong]

Hi aizekcam，

你試下支kit鏡先，若干人話佢唔好，我懷疑佢地有冇認真用過（甚至有冇用過）....，只係知佢用hybird（即膠鏡片）便斷言唔好。其實佢馬上它見到的好處便是便宜和輕，而質數方面它有非球面鏡又有ED鏡片，應該不太差。

[aizekcam]

kenkong, 我前兩日去維園度試過幾張，出乎意料之外，真係唔錯，雖然我無印出(因並不是真正試機)，但係PC Mon度睇就好sharp ，色彩好鮮艷，真係驚喜........但我就嫌佢光圈稍細及唔夠tele唧，但咁0既價錢嚟講，真係無話可說呀........其實我比較鍾情支18--70個支鏡架.......還有，想請教一下，很多師兄都推介支sigma 70-300mm APO DG Marco, 係唔係好正呀! 有Marco 同無Marco最大分別係邊呢?.......Nikon 有支70-300 G 及 ED兩支鏡都好似唔錯，前者價錢$750咋.......鐳射個sales話揀支G鏡就係夠.......質素好、價錢平，最好仲輕身呀!

[kenkong]

Hi aizekcam，

如果光圈大就自然會重D，價錢貴左亦唔在講。其實通常kit鏡真係抵用的，當產量高時，開發成本佔的比重低了，廠便可以用更有競爭力的價錢去銷售。

有macro便可以往影到近攝，一般冇macro的鏡不能在太近的詎離對焦。

支sigma 70-300mm APO DG Marco我冇用過，唔敢講。

支 Nikon 70-300mm f-4-5.6G真係好平，我都有睇過，但卒之買左支 Nikon 70-300mmf-4-5.6D ED，個支D鏡可用左FM2上，而且有一片ED，不過真係貴好多（要$2200）。

你也不妨看看支AF-S DX Zoom-Nikkor 55-200mm f/4-5.6G ED，呢支係DX鏡（不能用在film body），但輕身而且有兩片ED，和你用緊個支kit鏡同期推出的。

[aizekcam]

kenkong，多謝你的意見，其實係買D50之前都有諗埋呢支55-200mm，但見D評價就麻麻地，或者再找找多些評價作參考先，我知價錢去到$1600(永成) 所以如果有得選擇，就考慮一下其它。而你用緊支ED鏡真係幾好，仲可以用係你部FM2上，我都有部FM2架，可惜在我來說就重咗D，我都希望可以慢慢康復多D，可以再孭多支鏡去影相架。

[kenkong]

Hi aizekcam，

支AF-S DX Zoom-Nikkor 55-200mm f/4-5.6G ED只有255g重！支70-300mmG就425g，而支70-300mmG就505g。

用支kit鏡影多D先吧，好似記得你有長些焦詎的舊鏡，也可用的。

[macau88]

請問 KenKong AF-S DX Zoom-Nikkor 55-200mm f/4-5.6G ED 大約幾錢呢? 係邊到買平d? 唔該晒. 我係新手, 用緊D50 , 請多多指教

[aizekcam]

kenkong, 重量差一倍有多，我會多試用支kit 鏡先.......遲些再考慮吧! Thanks!

macau8，我問過永成支AF-S DX Zoom-Nikkor 55-200mm f/4-5.6G ED 大概$1600，不過而家有無跌價就唔知(問咗有兩星期)。

[macau88]

唔該 aizekcam 先. 我平時都係影下人, 風景咁, 好少用marco. 想買多支鏡, 但budget 有限, about 3k 唔知有咩見議. 最好買左暫時可以一鏡走天涯, 請各位師兄前輩指教

[aizekcam]

Hi macau88, 如果你想買支一鏡走天涯的鏡頭，相信只能選擇副廠鏡頭如sigma及tarmon等，因據我所知Nikkor暫時還未有支好似sigma咁由18~~200mm之變焦鏡，不過呢支鏡的質素及價錢我還知，或者如有資料再告知或希望有其他師兄及師姐可提供。而現在你擁有支kit鏡都可應付一般攝影，如可以的話多買一支鏡，不妨考慮kenkong師兄所講個支70-300mmf-4-5.6D ED。(只是個人小愚見，各師兄師姐可提意見)

[kenkong]

Hi macau88,

本來我昨晚打了一大段野，但因為一邊打字一邊同我老婆傾其它野，time out 左冇晒！

正如aizekcam所講，要一鏡走天涯的鏡頭，相信只能選擇副廠（因crop factor的原故，影風景支鏡最好最wide有18mm或更短）。

Sigma 有支 18mm-125mm、有支18mm-200mm。
Tamron有支18mm-200mm。

如果你可以提高budget到約3800，nikon原廠有支24-120mm（比鏡有VR防震），算係抵玩。24mm x 1.5= 36mm，一鏡走天涯算係勉強，但如你長裝呢支鏡係機身，支kit鏡放入相機袋（支kit鏡咁輕，唔怕啦）到有需要wide過24mm才換上去，也未賞不是一法。

再唔係就賣左支18-55mm kit鏡而買番支 18mm-70mm kit鏡，乘1.5即全片幅的27mm-105mm，亦可一支鏡玩住先。

不過我覺得最好都係唔好強求一鏡搞掂，zoom太高倍數終歸要在質數上妥協。