[iceluk]

黑店--中環士丹利街鍾沛攝影器材行

我打算買 KM 的快門線...
較早前曾問鍾沛的報價為$320
今天有空打算回去買...
那個白頭髮的sales 跟我說 $360
我說前天才說是 $320丫
他說只餘下一條... 最平 $350
我二話不說就走了...

這是甚麼做生意的手法？
這不是十元八塊的問題
而是信譽、商譽的問題
太不公道了...
我以後也不會再去...
錢在我的口袋
賺不到，是他沒本事
蝕底的是他
而且... 我以後也不會去...
更會告訴所有我認識的朋友...
這間鍾沛是黑店

[300V]

請問你有冇落到訂??^^

[tom811811]

都唔關有冇落訂事 , 有啲舖頭 sales 答人說話求其 , 有時大支嘢 , 試過尖沙咀某店老板同我講唔係有錢大曬 , 一定賣比你 , 說話一出 , 此舖險些要找工程公司重新設計再裝修(最後老板親說sorry 了事 ) , 事原我要求老板賣支 135 f2L 比我 , 我願多加錢(仲係水貨) , 情形是這樣的 , 此行業真的需找定幾間合心水信得過舖頭有幫襯 , 舖頭 sales 個個自以為是專家 , 當你班消費者是豬囉 , 不過又反影時下青年對人處事態度及個人質素 , 遠不及70年代左右的人質素好 , 講多咗 , 長咗 , 各手足唔好見怪 , 只是吐心聲吧！

[kccl]

好多舖頭都係咁o架啦。我有單仲離奇。
上星期去旺角荷李活對面間veto(黃綠色招牌有個"龍"字o果間)，問個靚仔s80 送258m 轉1G 要加幾多錢，佢話加$180，之後食完飯念住反去買，因為個唔見個靚仔，所以問個啊叔，點知佢話要狗加$250，我當然唔買啦。去近亞皆老街間問個啊伯仲衰，$3900 連1G，問佢係唔係行貨，佢話連15個月保用，再問清楚佢先話水貨，嘩... 水貨 都要賣咁貴???當人佢水魚???佢d 牌明明寫明"正貨之都"，我一聽到係水貨當然即走，仲邊走邊"x"佢。
條氣唔順反去荷李活對面間搵反個靚仔再問，不過個啊叔應該認得我，一入去就跟住我，我聽到佢話現金照價再減即管再問佢，佢報個價係標減兩佰，再問轉1G 要加$270，問佢點解次次報價都唔同，佢話\"係咁o架啦，今次唔買下次可能更貴"，再問點解另一間會賣水貨，之前問過佢地係唔賣水貨，佢竟然話o果間唔係佢地，唔關佢地事，咁都得???無論招牌、標價牌、職員證都係一模一樣，咁都可以話唔關佢地事，最氣頂係佢好串咁話"你都週圍格過晒價啦"，條友態度本身已經唔好，仲要咁串，佢講完後即時頂住條氣，買得咁受氣我寧願唔買，即走。即使佢最平我都唔會幫襯佢。

[iceluk]

re : tom811811
我下次如果在中環有野要買... 情願行多兩部去好世界...
你說得對丫...
真的要找間合心水的...

re : kccl
間野態度咁衰...
我都唔會買...
俾錢仲要受氣...
賺唔到我錢，係佢蝕底，唔係我！