[chanleon]

40D Body $8900 +A16 $2800=$11700

40D Kit Set =$11500

400D Body$4680 +A16 $2800=$7480

如果買左我唔會換機打算長用(因有記念價值)

有無師兄幫下手?

又唔知Kit Set好定Body+A16好


救命呀!!!!!!!!!!!!!!!!!!!!!!!!!!!!!

[kenneth_kkh]

如果你仲未買, 我會建議你買40D. 原因係400D同40D真係分別很大, 同時你會長用, 即係會對功能涉涉有所要求, 如果用400D你會好快覺得唔夠用, 到時就會後悔. 另外價錢表面上相差很多, 但40D現價確實超值!

至於鏡頭方面, A16適合新手, 原因係未知自己嘅喜好, 有的人會喜歡收藏, 有的人喜歡功用＋價格, 所以都係買支唔太貴又合用嘅好。

[pongyee]

40D X 2

[makisiu]

40D x 3

........(雖然我用400D.....~~)

[beibei]

這的問題成日都會有人問. 即係以前買350D, 定係30D好咁樣? 其實都係個句, 睇你點映, 映的咩? Budget幾多? 閣下的要求係最主要.

40D真係可以比你用耐好多; 400D都出左咁耐, 話唔定遲多半年又有後繼機. 而且40D無論係功能, 手感, 表演; 都會比400D強. 你成日映, 就買40D好的. 如果你映得唔多. 咁400D都ok ...

Lens來講, A16幾好 .. 買得過! 配400D or 40D都可以.

[beibei]

同埋買400D的話，可以考慮買二手．現在個價都抵玩!

[露魅皇]

唔好意思,我唔想太隨便就開topic問我d新手問題,
所以揀左呢度問野,希望有師兄見到可以回回我~

我諗左好耐終於決定買(供)我人生第一部單鏡黎學影相同長用,
我想問下樓主講40D body $8900呢個價係邊到先係呢個價??
因為我早幾問左幾間都係貴d~

同埋買鏡頭邊d鋪頭會較平或者信譽較好??

我都係看到呢到d topic先令到我打算 40D配A16~

[Real Nobody]

梗係40D好啦，鬼唔知咩！明知故問．．貴啲又新啲就梗係好啲啦．．．根本級數同定位都唔同．．．不如你問Mark III同400D邊部好．．

[beibei]

我諗佢都知40D好. 如果佢講埋Mark III, 當然係Mark III好. 不過考慮到錢的問題, 想的錢使得明智一點吧, 所以先會咁問!

如果有錢, 梗係玩FF; 重駛比的"x1.6"架factor攪來攪去.

不過大家見有的師兄賣機, 都係話買左係度擺多, 少用, shutter count唔夠三千.. 就會感受到.

所以話睇下佢想點用; 如果唔係搵食, 普通映下相, 過下DSLR癮. 部400D夠用啦. 有要求的, 想pro的, 重係想長用, 梗係40D. Mark III都唔輕架, 出街重搭搭, 唔係人人岩拎. 而家的DSLR個life cycle又短, 又映得唔多的話, 咁就浪費左的! (當然有錢的話, 又作別論).

大家都講左咁多, 其實個選擇都好明顯.

[bluesky915]

我都係揀緊 400D 抑或 40D (出面連鎖店冇貨. 冇得試)

由於係第一次買 DSLR, 所以都有好多考慮 - 價錢, 輕重, 拎的手感及靈活度, 影相次數.... 等等.

諗0左好耐再加埋好多人的提點, 我真係好想直接買架 Digital III 的, 但現時我的偏向是 400D (Digital II). 主因係女生對機的重量一定要留意, 可能初時拎上手就唔覺重, 但拎得耐就唔輕. 次因是價錢跟影相次數, 有時真係擺落架機幾個月都唔奇.

[gwu1]

I could see stock for 40D in many shops in MK 3 days ago.

[Canon1ODuser]

學我咁40d + 16-35 2.8 L,咁先夠照嫁 !!

[id_903]

請問邊到買至抵呢？唔該 ..

[beibei]

始終唔見樓主表下態, 得我地係度自己吹水!

[JunchoonAKD]

一分錢，一分貨。

400D好處係輕巧，機動性高，售價相宜。
不過亦可能因為輕巧，手感並不太好。
如果女生使用還好，男生使用，就會覺得機身太細少，
如果配上一些大光圈或Tele鏡，就會有頭重尾輕的感覺，
平衡感不太好。

其實如果是從DC第一次接觸DSLR的朋友，
我覺得如果預算可以的話，40D反而更適合他們。
功能跟400D相比，40D有更多適合及方便DSLR新手的輔助功能，
例如Live View, Auto ISO, 高光色調優先等功能，
都大大幫助他們成功拍攝的機率。

而雜訊控制，連拍速度，ISO值都比400D優勝，ISO可以1/3調控，
加上鎂合金防塵防水滴機身，雖不及MK-II, MK-III這樣完面保護，
但用作外戶拍攝，亦已十分足夠。

除非預算實在不足，又或者打算試試400D之後再換新機，
否則40D真的是不二之選。