[angela0320]

請問Fujifilm FinePix F50 fd 好唔好用？

我次前一直用 Fujifilm FinePix F410，我一向都覺得富士機影出黎d色比其他機靚好多，所以特別鍾情富士機.......最近我部f410個zoom制壞左，而且個model都好舊勒，就諗不如索性換部新機~~~

睇過好多資料，有說F31 fd都不錯，而且我唔知其他機會唔都其實影得咁靚，所以我好三心兩意唔知買唔買好~~~~

以下是我選機既要點：

(1) 色要靚：影出黎好sharp、層次好靚.......<-----我唔係攝影師/友，不過
我好鍾意影相 <景&物> 都like，所以差過F410既話，我會接受唔到.....

(2) 冇閃燈都有防手震：因為我係化妝師，所以經常要影番d job相比自己，
但係拍野唔可以開閃燈，我對富士既感光度有信心，不過之前F410唔用
閃燈就冇防震，所以好難影到一張清楚既相........

(3) 28mm？？？其實我唔係好知係咩，係咪廣角鏡呀？即係影得闊d？如
果係，其實冇我都唔會好介意，反正F410都冇.......

(4) 拍片冇得zoom？？？哩一點都幾介意，因F410只係拍到120秒，我覺得
好唔夠，但不竟係5年前既機，都算勒~~~但希望部新機可以有好既拍片
功能！

(5) 閃燈勁：F410係全黑既環境中用閃燈可以影到好似開晒燈咁光，我見過
好多朋友部機都做唔點樣野.....

總括黎講，我最在意既一定係影出黎既相要夠sharp、冇閃燈都有防震、全自動、影相快........

如果唔選F50 fd，有冇其他富士細機都好用呢？還是有其他牌子既機都ok呢？

多謝大家幫忙！！！感激不盡！！！！

<p>
</p>