[Devila]

我係一名對相機 0 知識嘅新手, 依家想買一部又輕, 又可以隨身攜帶, 無論日拍同夜拍都有水準, 舊電又可以耐用啲, 過相落部電腦個時又希望可以方便啲, 同埋可以耐用啲, 因為我成日都要出trip, 唔係成日係香港, 所以唔係咁方便上維修中心........我知我好多要求.......希望各位幫幫我, 比啲有用意見, 我一月尾又要飛喇.....半年後先返.....今次一定要買到咖喇.....唔該哂咁多位~~

[alexlam49]

你話題好空泛喎,
不如你話我地知你對相機規格有D咩要求先啦,
想買DC定係單鏡, 用嚟日常記錄定搵食用, 有無咩牌子特別喜愛?

如果唔係太高要求, 求其2,3千蚊都有部唔錯既DC架,
CANON有幾個系列有出用AA電既版本, 啱哂唔方便差電既人, 影到無電咩, 是但搵間鋪頭仔都有電芯賣, 再唔係帶多幾粒差電, 點都好過你買原廠電.
而且而家既DC再唔係傻瓜機咁簡單, 有哂手動模式, 可以學習下點樣用"光圈","快門","ISO"去構圖,
如果你要方便隨身攜帶既, 我就唔建議你買單鏡反光o勒

我而家都重係用緊CANON DC(但而家正在搵緊部好既單鏡) A700, 而經講緊係年幾2年前既貨色, 你可以留意下呢個系列同埋 "POWER SHOT" 系列既機, 但絕對絕對唔建議買卡片機, 好睇唔好食, 有好多場景會影得唔好睇! 就算部機有所謂既"場景模式", 點都唔及你手動去調教.

[Devila]

其實我想要部機仔, 又細又輕袋得落褲袋就最好, 冇咩牌子特別喜好咖, 就係因為我對呢方面 0 知識, 所以想各位專業朋友幫我睇下邊部抵用好用.....我聽人講sony影夜景唔得, canon個外型又好似鈍鈍咁, P牌又好似幾重.....其他牌子就冇咩人用過唔知.......我係日常用, 同埋出trip用囉....., 我會帶電腦係身, 所以過相落部腦個時希望方便啲~