despairr33
註冊: 2007-11-03
上載我的肖像
|
 新手購入400D本應高興不過應注意小事項 Post time: 12 月 4 日 |
|
|
較早前我已經開始留意DSLR在購買時應留意既地方,如Body本身既CMOS有無死點,LCD光點/死點,快門有無不尋常聲音,鏡頭有無塵或轉動時有無不尋常異動/怪聲...etc.在各方要點下同時要選擇一信心之選地方買機已免不愉快事發生,最後我選擇在豐澤出機,因為多年來家中電器都習慣同一地方選購,今次也如是...盡管當時在這用$5880 Kit Set (街價$5480~5680)加一張4G ultra CF card $620(電腦廣場就賣$445)因為想一次過買唔想走黎走去買card也可以立刻用,對一個新手來說買相機都想買得安心,小小差價也可是等嫻...不過最後也事與願違:
買機當日 - 當時都已是晚上九點幾,行過豐澤走左入去睇相機,先試過傻瓜機也試過DSLR但最後都係買左400D,其實心中一直想投入單鏡反光世界,雖然心中還怕太早用DSLR會用不上!在Check機過程中因為唔想阻sale收工況且所以祇係試LCD光點/死點,心中不太擔心因為有十天試用所以祇係我去check下機身表面有無明顯花痕,到臨走時亦心中緊記sale同我講過幾項要點,已免真係換機時唔方便:
1.)除了必要使用外,其他保留原封不拆袋
2.)唔好弄花機身
3.)唔貼跟機Screen Protector留待十天後回去先再去補貼(當時我有堅持則左先但又唔想真係要換機時sale難做所以最後都無則)
試機十日過程中 - 買機當晚自已剪左一片透明膠用膠紙貼四角充當screen protector,到第六日發現Body閃光燈回電不正常(回電慢),第七日回店問sale識唔識check,因太技術性唯有聽佢話自已親身上CS維修部check一次,我用食飯時間走上去CS.當時CS check過機身表面正常無花痕祇係機底有一過用腳架後既印(跟機送既腳架)但係真係發現閃光燈回電有不尋常CS叫我留下維修,我重同CS講豐澤答應祇要有CS既defect report就可以換機所以無放下維修一心回豐澤換機.
換機當日(第八天) - 我出示CS既defect report跟住sale細心check我退下既400D我又check下有無問題,跟住sale有搵第二個同事check,之後收下我卻退既400D再出一部新既400D我再試,裝下鏡頭後又試下LCD光點/死點加閃光燈,不過我發現有一個光點sale唯有pack番部機正想再出另外一部時,先前收機既同事取回我放下既400D話唔換得機,佢發現機身有花....當時我好突然唯有睇下甚麼花痕,結果發現LCD上真係有兩處分別1cm和0.5cm類似用了很粗糙既布抹下所留下之十分不明顯既花痕,結果大家都估到豐澤真係唔換機...不過再令人激氣既係他們既回應:
Sale A>無奈,加上像錄音機既回答祇有一句:[唔好意思,根據條款機身有花痕,代理唔會換所以唔可以換比你]
我明白他有難處咁唯有叫上一級既sale同佢講條花痕唔係我整,跟住重激氣:
Sale B>他語氣堅定,表示:[重之部機係我出機時我check無問題,到過左我手現在就有花痕,我唔係話係你整重之以家就係花左,所以無得換]
當時我重激氣越講越係我問題我要付上責任嗎!?我於是再叫上多一級既sale再同佢理論:
Sale C>他明白我既理據,不過公司既條款也無能唯力,不過他答應再再嚐試向代理申請換機....
結果,我要Sale C寫下這次事件(一條唔明顯既花痕在換機時沒有即時發現,最後係"第三次檢查發明不明題花痕")落紙,我自已同佢地寫字樓解決....不過到現在還是無結果!!!
呢件事我覺得我已經做了一切消費者應該要做既事我並沒有違反他們既條款,部機唔係我整花.相反可能係佢地係我出機時之前呢部機又第二個人試過,又或者係我退機時佢地收左我部機之後唔知發生過甚麼事...呢件事似是閉門事件,公說有理!不過在我黎講換唔換到機唔係要點,反而已經打破了我以後在豐澤購買東酉既可能,如果他們既處理方法係咁唔公度往後去任何地方買都可以,因為待遇都係一樣都係check機時睇唔到既,部機過左你手你就要付最後責任,咁還有信心保證咁我估我唔會比多小小都去豐澤買況且連新手都要知試機時應該要試d乜野佢地d sale都無做到邊幾樣全部要靠自已去test,上樓買好過起碼平5%都一樣跟原廠保用.
|
|
manpo79
註冊: 2007-04-17
上載我的肖像
|
| Re: 新手購入400D本應高興不過應注意小事項 Post time: 1 月 14 日 |
|
|
我出示CS既defect report跟住sale細心check我退下既400D我又check下有無問題,跟住sale有搵第二個同事check,之後收下我卻退既400D
============================================
你為什麼不當時說,sales收左先花,當然是sales 問題
如果佢地一早見到花,就不可以收你機
收左就當是佢地機,不再是你
|
|
