[kit617]

咩牌子單鏡相機適合新手用?
會比較user friendly?

[lokgo]

sigma 都幾好

[laicming]

Pentax, 質優價錢平

[jazyee]

其实Pentax在70年代初勁过nikon, 直到今日仲生存紧正明底子打得好, 仲有一班忠实踴墩, 可以放心用.
唔好話新手, 其实以我所知到既就有几位国际级大师都系Pentax踴墩.

[pcn]

一定係nikon或是canon~
睇下自己想影乜
影人多..canon
影景多..nikon
我兩種機都有....

[Real Nobody]

點解一定係Nikon同Canon？？？點解唔可以有第三個選擇？？？點解容不下其他品牌？？？

小弟都係兩個牌子機都有，但唔覺得佢哋勝人一筹，當然佢哋各有優點，但同樣有缺點，可能專業級機種佢哋會佔優，但一般普通機種並不比其他品牌出色多少。。。

唔好意思，小弟實話實說，同埋鍾意鋤強扶弱（Nikon同Canon都係大廠，財雄勢大，大把錢請明星賣廣告 。。。做宣傳。。。），唔好見怪。。。

[kytherman]

如果唔計Nikon, Canon...Pentax應該都OK抵玩.

Sony我個人就唔多喜歡, 皆因Sony出的DC, 不嬲都特別易壞同有問題...起碼本人/朋友買過的DC都總係出問題...(可能命格相沖...=p)

而且就係Sony照牌面計, 佢既攝影機開發計術點都唔夠上述三間廠fight...

[chrissam08]

其實Nikon 和 Canon這些大品牌. 品質各有千秋, 不過大廠有始終有優勢. 在配件上特別齊. 鏡頭都多D啦 , 連參考書都多D, 本本有提起!
不過作為新手( 包括小弟 )要注意的. BODY 是電子産品. 好容易就過時. 一般一兩年就話要升級, 多多錢都追唔掂! 所以投資在BODY 就真的要量力而為. 反而鏡頭的投資就可以勇少少. 襟用好多! 而且二手有價 !

不過如果第一步入錯會, 以後想轉會損失就真係有排計 !

[yin1988]

SONY DSLR唔係用緊MINOLTA技術咩?
DSLR開發計術點都唔會太差掛
DC唔敢講
但DSLR真係唔錯