[tedted]

請問部機在觀景器望出去有好多黑色點點, 唔知係咪發霉! 如比俾人抹機, 請問知唔知大約幾$度呀? please help!

[402368]

係個mirror或對焦屏有塵,鏡頭有塵觀景器係睇唔到的.

用鏡頭布試下抹,也可用吹氣泵,但好多時只係將d塵吹去第二度,吹唔走.

試下自己抹先,唔會影響成像的.

[Excalibur0991]

我都有呢個問題, 個d唔係塵, 係相機入面果塊類似海棉既物體老化, 然後跌出黎既粒粒. 我自己就拆左個對焦屏出黎抹, 問題改善左.

俾人抹機同自己抹既分別唔係好大, 倒不如乾脆搵人換左果d老化既海棉體, 一了百了. 當時天祥曾經報過價, 好似係$400幫我換晒d海棉體.

正如402368所講, 呢個問題唔會影響成像. 但係機背既揭門裡面一樣可以有海棉體老化, ?果度既粒粒如果跌左落菲林度就絕對會影響成像, 唔講得笑. 最好都係確認一下機背有否同樣問題.

[tedted]

唔該哂兩位, 部機仲有另一個問題, 今日玩玩下拉菲林個掣唔知點解突然拉唔倒, 按下快門亦無反應, 觀景器完全睇唔到野, 漆黑一片, 好似係某地方lock左咁! 真係抓哂頭, 睇黎呢部野都係有d問題, 定係俾我攪壞左?!

[Excalibur0991]

>>今日玩玩下拉菲林個掣唔知點解突然拉唔倒
sorry, 我唔係好明呢句, 但係根據你其它既描述, 好似部機既快門正處於開啟狀態, 所以塊反光鏡鎖上左.
你部機當時是否處於光圈先決模式?
鏡頭蓋是否關上?
問題發生前, 你是否按過快門?

[402368]

反光鏡鎖左,觀景器就會睇唔到野. 如果你set左光圈先決模式,鏡頭蓋關上,按快門,咁個快門可能開好耐.

你可以打開機背,除左鏡頭,睇下個反光鏡有無鎖左.

[tedted]

部機好似係冇光圈先決模式, 部機係咁樣的:
http://hk.geocities.com/tedted147/xr500.html

請問我打開機背, 只見到有塊野係關埋左, 請問點先知係咪反光鏡鎖左呢?

[402368]

如果從後面睇,應該係快門,從前面睇,應該見到塊鏡,好似咁


如果只見黑色一片,就係反光鏡鎖左,可用小工具試下鬆返佢,要小心.
如果你識日文,睇下個site

http://shinshu-no5.cocolog-nifty.com/expshinshu/2004/12/ricoh__xr500.html

[nocturnecmf]

你係咪按完快門後, 即刻上菲林~
好似玩連拍, 但快到個快門未完就上菲林

有0的機種會lock死, 咁要送廠搞的~

[NaHO]

我部 FX-3 都試過咁，呢個可能係 控制快門速度o既部分唔順所致。

試吓將快門速度掣扭到 B快門 同 最快快門 之間，然得彈吓個快門掣。

而之後影時，當你拉菲林前將快門速度掣扭到 B快門 同 最快快門 之間 才拉菲林，再扭返你想要o既速度才影，試多幾次咁樣影，之後可能有改善。

[tedted]

咁應該係反光鏡鎖左啦, 因為拆左鏡頭黑色一片睇唔倒塊鏡, 而且好有可能係好似nocturnecmf所講咁, 因為事發時我正係咁樣玩緊部機, 咁咪好斃?! 要送廠搞...! 唔知出面d相機舖有冇得整又貴唔貴呢? 想問下各位意見, 部機支標準鏡有霉有小花, 係用都可能要買過支標準鏡, 咁再+埋整機$, 部機咁舊好似唔係好值咁.