[MacauEric]

我昨天睇到朋友用菲林機影的黑白相，感覺好正，我知很多數碼相機都有影黑白相的功能，我就係想問問大家，影黑白相有咩應該要注意呢？又會唔會有Ｄ特別 setting 要 set 呢？因為我部 S602 如要影黑白就只有在 SP Mode 入面，所以光圈、快門都係自動的，咁係唔係會好難影到好的黑白相呢？

[Edward Mak]

你可以用dc影彩色相，之後在電腦中轉黑白，彈性會較高．若果用photoshop轉黑白，仲可以加d效果tim．

[MacauEric]

好囉，終於有人應吓我囉！你個方法好似唔係咁好喎？！咁到最終都係唔曉影黑白相，如果將來我用傳統的單鏡機咪死火！！咁多位有冇Ｄ好方法教吓添呀！

[hktsoi]

如果只是想一試拍攝黑白的滋味, 可以買一筒Kodak T-max 或 Ilford XP-2, 當一般彩色菲林去影. 影完找一家One hour沖晒便OK.

但是如果真的要學習拍攝黑白, 便要先學習Zone System的測光方法, 再學沖菲林和晒相的技巧, 那麼才能掌握黑白攝影的方法。

[MacauEric]

嘩！好似好高深喎？咩係 Zone system 的測光方法呀？仲要學沖菲林？？我部ＤＣ來咖喎？咁咪即係唔洗旨意學到！:~~~( 如果真係要用番菲林機來學，咁咪又要交好多好多學費囉？（我係指買菲林同晒菲林）！

[Edward Mak]

　　我個人覺得在數碼相機中用黑白mode影和在事後在電腦轉，的分別只係在dc中即時看到黑白成像，但所用的攝影技巧是一樣的啊．
　　至於hktsoi兄所提的沖菲林和晒相的技巧，我都想學啊~
　　不過若你用的是dc，何不學用電腦的執相技巧，一樣都係黑房技巧，不過係數碼化而已．不要以為用電腦執相很方便，個個都做到，其實當中有很多技巧，不是每個人都可以執得好．（個人意見^__^)

[hktsoi]

其實就算用DC, 也可以應用到Zone System的技巧, 因為Zone System是科學化的測光和曝光方法, 所以不論是用菲林相機或是DC都是合用。在Photoshop上的Curves及Levels可以找出Zone0到ZoneX的分佈, 不過一般教Photoshop的書本是不會提及, 原因這是攝影的知識, 不是電腦知識。

[MacauEric]

Edword 兄我都同意你的講法。但 hktsoi 兄，因為我 Photoshop 同攝影都係新手，可否再詳細少少，如果真係好複雜的話，唔知有冇相關網址或與書籍可以提供，等小弟學多Ｄ，唔該… 唔該……！

[Edward Mak]

hktsoi兄：
請問zonex的分佈是否=直方圖in photoshop?

[kEvOLUtiON]

kodak have this film which you can bring to a kodak express to develop, I believe it is T400-CN. darkroom development is not hard but it's very boring, i just developed a film but during the process i almost slept, so dark and so boring! maybe buy the T400-CN, ask them to put it in a CD and add some contrast or special effect to it.

[hktsoi]

本人的網頁http://www.photo-workshop.com/magazine/magazine.htm剛提及Zone System的題材, 有興趣可以入內一看。

[MacauEric]

唔該晒 tsoi 兄，睇完這篇文章後，又學多咗嘢，我會嘗試去找找所提到幾本書睇睇，不過文章的開始用音樂的創作技巧去比喻攝影技巧，我明白筆者想講的是什麼，但有關音樂的發展過情，我相信筆者並不太熟悉了，並很不認同他說：

>> 『而且無論是多創新的樂曲，都不會離開五線譜的範圍，否則正是俗語說「離譜」或更甚「離晒大譜」。』

這句說話就真是沒水準了（恕我直言），就以近代一位很有名的作曲家 John Cage 的 4"33' 就是一個好例子了，這首曲真的很有名呢，有興趣的朋友可以上網找一找，關於 Cage 的資料一大堆呢，外國人不懂不打緊，相信譚盾先生大家一定認識吧，他也加入了很多不能在五線譜上可以表達到的聲音，那我相信沒有人說他所創作的樂曲是「離晒大譜」吧？？....... 死火，講講吓變了講音樂添！:p

* 我對那篇文章的作者對攝影的知識我絕不懷疑，不過我覺得如真的要找一些對比來比喻時，應找些自己比較熟識和對口的東西來作比較，否則那就有很大的機會令人有所誤解了！這也正正是一個好例了反影了近來討論區中，有很多人用不同級數的相機，或不公平的方法去為相機作比較，所出現的問題一樣，有時真叫人摸不著頭腦呢？！

[MacauEric]

呀！死火，睇真Ｄ Tsoi 兄的回應，才知道是你的網頁，希望你不要介意，希望你以後唔好睇到係我的問題都唔答我啦！：）

[hktsoi]

大家交流交流, 多謝你指教才真。

[hktsoi]

我的意思其實好解單, 任何學問都有學習期和成熟期。在學習的時候當然要由基礎學起, 學習前人的經驗, 到了有一定時候, 便可以突破前人的經驗, 再創新領域。人的文明是這樣進步的。

但甚麼是創作, 甚麼是突破? 沒有舊又怎會有新, 沒有框又怎去突破?你所說的例子正是由有譜至無譜的高深境界, 無招勝有招。