[micro_ever]

我發覺點影都係對唔到焦....
尤其是 微距 + 室內 + 唔用閃光燈
真係矇到你唔信.......比我果部4,5年前買o既fuji仲差.......
有無高手指教o下......可以用5400響室內影相o既方法??
唔通部機真係唔見得"黑", 要"光明"正大咁響戶外影相先用得??
我都係買部5400學影相o者....攪到我好挫折呀..... >___<

[402368]

如果用閃光燈會好過唔用,就應該係手振而唔係對焦問題.
用腳架2秒自拍試下,如果無事就係手振問題.

[micro_ever]

自問自己手勢都幾定, 又唔覺係手震問題喎~~

因為我仲有一部傻瓜DC, FUJI FINEPIX 50i,
佢都有少少夜盲, 不過手定o的,
室內影微距(無閃光)都ok無問題, 對焦得好準,

部CP5400我試o左幾十張, 乜光圈快門都俾我玩過晒, 都係對唔到焦.....
腳架o既建議都幾好.....不過如果影生活照, 下下都要拎個腳架出o黎都咪話唔煩........用閃光背景又會好黑.......點算呀...... >____<

請問高手們......響室內影相, 最常用o既光圈大小同快門速度係幾多??

[kh0101]

use 場景拍攝模式 ,indoor....
or use can use f4 to 5.6 , 1/30 to 1/60 ,don,t use auto 對焦 , use 人手5- point 對焦 .

CP5400響室內對唔到焦係咪死症??
Ans : ALL DC is not well 對焦 in dark indoor or area.

i also have 5400 , i have no problem in indoor .you can try more.

[402368]

室內對焦係煩D. 你有無用ZOOM? 我用A95, 唔ZOOM的話9成9對到, ZOOM盡的話8成對唔到.

影生活照我用F2.8 , 1/15 , 開閃光燈但減1EV. 如果真係對唔到, 用手動對焦. 好多時我會SET死5尺(DC景深闊, 5尺或以外都會清的).

[micro_ever]

謝謝各位的指教, 在我今日努力的鑽研下, 有以下成果了~

1) 以我家的光暗來說, 調最大光圈(2.8)都沒問題, 快門用1/4-1/8, 手要定定定定定.......總算拍到清楚的照片~

2) 原來微距的定義真的是"微距", 超過一呎使用微距根本不能正確對焦 (不要笑我......我的傻瓜DC比cp5400還要聰明, 只要對正中心, 多遠都可以用微距功能的~)

3) 在室內不要意圖或企圖以黑色物件作拍攝對象.........我用同樣的光圈快門跟不同顏色但細件的物件拍照.......在不算很光亮的室內對焦不到黑色物件呢.....(可能5400對自己同色的物件"同性相拒"了~ =p)

p.s. 請問kh0101......怎樣可以"use 人手5- point 對焦 "呢?? ^^|||||

[Philippe]

在對焦menu裏選手動就可以揀在畫面中九點其中一點為對焦點,這可以避免相機對錯不是心目中的位置.但對於光線不夠沒有幫助.5400仲有一個問題係手動對焦並沒有距離顯示的(非常失敗),令到估估下的手動對焦更加估估下.
1/4至1/8秒快門實在太慢,手持拍到清晰照片的機會太低,建議還是用腳架好.
不單是黑色物體,所有淨色物體都有對焦問題,最好同時有深淺色就會容易對到.

[micro_ever]

我仲未搵到Philippe所講o既對焦menu....... >___<

更加唔知點樣可以揀在畫面中九點其中一點為對焦點........(真係弊弊弊...)

我試過1/8以上較快o既快門喇, 不過就係偏暗, 除非有後期製作喇, 如果唔係都會幾黑o架......腳架......除非好認真要影家庭大合照喇~ 如果唔係....只不過snap shot家庭生活照, 無乜理由standby定一個腳架o既..........^___^

其實嚴格o黎講, 我所指o既黑色物件, 係一半黑一半粉藍.......都係難對焦......可能就如Philippe所講"所有淨色物體都有對焦問題"啦~~ 我認命喇.....半夜三更唔好玩微距咪得囉~~ >__<

順便問一下, 清潔鏡頭係咪用麍皮布好過鏡頭紙?? 係咪所有麍皮布都可以o架?? 我買o左一塊made in china o既相機麍皮布, 信唔信得過o架?? 會唔會"一抹鏡成千古恨"呢?

[Philippe]

Menu第二頁, Focus option, AF area, mannual就係.跟住對焦時用方向掣揀就得
唔好意思記錯咗係九點對焦,應該係五點先啱.
普通人都以為手持相機一按就乜相都影到係理所當然,事實上多數DC都唔得(除非用閃光燈,這也是為甚麼auto mode一定強制用閃光燈).有防震的DC勉強得,DSLR用高iso加防震就真係可以在室內低光環境下就咁映.唔知點解多數人都淨係強調DSLR快,靚,好小人講佢低光時的好處.
如果你係微距有問題,可以試下人工加啲照明例如搵盞燈之類
麍皮布我未用過,但係我形住佢會好似眼鏡布咁好難保養,我抹眼鏡係唔用眼鏡布而用紙巾的.眼鏡布點都有啲油.
建議抹鏡頭最好用鏡頭筆,可以大力小小都唔怕整花鏡頭.

[micro_ever]

謝謝Philippe o既意見呀~ 等我返屋企再試o下o的function制先~

可能我有o的高估o左普通DC o既能力啦~ 有o的o野應該係由基本技巧開始入手o既~ 又可能睇到太多人comment CP5400, 所以先會咁懷疑佢o既功能~ 我諗玩熟o的應該會有進步, 不過好多謝大家俾咁多建議我呀~~ ^^

我好鍾意玩微距, 所以會考慮用多o的輔助燈 / 強光之下用微距功能o既~~

不恥下問的一個問題: 我未見過鏡頭筆呀~ 係咪好似marker咁o架?? 用o黎清潔o的乜o架? (油跡指模之類??) 點用o架?? (畫完洗唔洗再用布抹??)

[Philippe]

鏡頭筆的筆端是凹球形配合鏡頭面.攝影器材店有售,大約六七十蚊.
筆面是由碳粉組成,直接抹鏡就得,碳粉會慢慢消耗.對去除手指紋等很有效.用時先吹去可能刮花鏡頭的硬物,用後再吹去殘餘碳粉便可.
有大及細呎吋,DC要買細.

[micro_ever]

好似好神奇呀~~ 等我得閒搵下先~~ 謝謝Philippe o既介紹~ ^___^

[kh0101]

5400 have 1 cm super micro ,it is very usefull in take micro photo,
在同級機種來說,它的效果是最好的(我覺得)....
手動對焦對,DC來說是不能和單鏡機比....但在5400還可以.

[micro_ever]

謝謝各位高手指引, 今天總於成功在室內使用微距功能了~~

我試過上述各種方法, 成效最好的就是scene mode (indoor) + 無閃光 +微距 (由於scene mode用唔到5點對焦, 所以無得揀焦點......唔係次次都對準物件, 不過物件唔算離開中心點太遠都ok~) 好開心呀~~ ^___^

下次再挑戰m mode.....決心一定要學識自己一手一腳用微距唔要auto mode功能!!

5400都幾好玩, 我雖然唔知同級機種會有幾好, 不過好鍾意nikon o既成像顏色.....

[kh0101]

NIKON DC 影micro出名超正....
如果你戶內影人,加枝sb flash ,人又光D,背景又通D,又係正....