[fred lau]

如題：有甚麼濾鏡？可令風景的色彩更鮮艷？我是新手，剛買了一架s602，謝謝。

[沙皮狗]

第一樣要買的是 CPL 偏光鏡. 佢可以過濾多餘的光線, 令相片的色彩豐富一點, 唔會咁白.

如果係要風景更靚的話, 可以再買張顏色 filter, 是淺淺地燈黃色的, number 好似係 81a 定 81c 咁上下的. (因為我都無買, 所以唔多記得.) 佢主要作用係補番少少橙黃色比 d 樹呀, 草呀咁的... 感覺會有少少似有陽光射落黎咁的. 佢另一個作用, 是修正偏光鏡的色水, 因為用了偏光鏡, 相片會少少偏藍的.

仲有, 要影風景的話, 要用細光圈, 因為只有咁先可以影到前又清, 後又清的... 所以腳架好多時都要用到的.

如果想天色唔好都影到的話, 咁一張漸層中灰濾鏡都要的... (或者叫做漸變 ND filter.) 佢主要可以減低一部份的入光... 比如天空咁... (所以方型的漸變 ND filter 比圓型的實用... 不過要買方型的, 就要再買一些方型架先可以用到.)

簡單一點的, 一個偏光鏡, 一個腳架對我來講是必需的.
其他的, 我只知道會有幫助.. 不過我都未有錢買. (雖然都係百多蚊就買到的.)

如有錯誤, 煩請各師兄更正補充.

[fred lau]

dear 沙皮狗：
很多謝你在dc fever中的回覆，(有關如何影得天更藍草更綠.....)
請問，
在哪一間店可以買到你提到的濾鏡呢？
我在旺角的相機店問過，
我只買到pl鏡，
你所說的淺黃鏡81a or c 和中灰漸變濾鏡，
在哪裏可以買到呢？
還有，你所說的中灰漸變濾鏡，是在天陰用還是天晴用呢？
我弄不清，天陰時用，不是會把天影得更灰嗎？
還有，我買的pl鏡，在晚上影相時要除下嗎？
謝謝你的回覆！很高興認識了你﹐
我叫fred lau........

[沙皮狗]

你可以去旺角的隻成. 永成, 或者萬成... 或者中環士丹利街找找.
萬成呢, 在先達邊, 好多小巴拍的那條街, 向太子方向行兩步就到了.
永成呢, 就在西洋菜街(唔知有無記錯街名.) 行人專用區呀, 有三間百記的那條街, 好似近 body shop 那邊的.
CPL 價錢應是 $150 左右吧.. (我買的是 58mm, 比你部 602 的 55mm 大少少吧.)
PL 和 CPL 是不同的, 記憶中, 好像 PL 不太適合比變焦鏡用的... (記憶中)

如果你是買方型的 filter, 咁你要買:
(Grad ND filter 漸變減光filter)
"Cokin 121M 180 大洋" with "P mount : 80 大洋" with "55mm Ring : 30 大洋 "
(以上是以前師兄寫底比我的, 不過我未買... 記憶中, 這個方型架外可以加 CPL 的.)
如果你是買這方型架, 咁 d 橙黃色 filer 也可以買方型的.

如果你唔想咁煩的, 也有圓型的 filter 可以買, 不過我提議你帶埋部機去, 試下加晒 UV, 顏色 filter, CPL 再用最大光圈 F2.8 試拍數張, 因為我估加咁多圓形 filter, 有幾會會出現黑角的.

顏色 filter 你可以問一問 d Sales 的議見, 那些 Sales 比老豐百記的 pro 好多的. (相對地.)
(當然, 他們知的, 也肯定比我多很多.)

漸變灰 filter 如果是大藍天, 咁應該唔洗用,
如果是晴天, 不過個天好白, 你都可以試下用.
如果是陰天, 也可以試下用, 希望能表現到 d 雲的層次感...
還有, 如果你想影流水是又要天空做背景, 咁就好多時時要用. 如果唔係, 天空一定會曝光的.
實際幾時我也不清楚, 因為我還未買呀, 不過好多師兄和書本都話咁多 filter, 係 CPL 和漸變灰 filter 最實用.

晚上己經唔夠光的了, 你仲減光.... 一般都唔會用的, 除非你想控制入光, 如拍倒影或其他特別情況.

我只是學了皮毛, 如有錯失, 煩請各師兄更正.

[ThunderBird]

大部份DC都可用 PL.
PL 比 CPL 效果更好的.

如果你用Auto White Balance , 81A,B,C,D, EF 等 CC Filter 可以唔駛買.
Auto White Balance 會幫你修正番D色,加jor等於冇加.

天白,用漸變藍
天空與地上景物光差大先用漸變灰.

[沙皮狗]

OH.... thanks....
好彩有師兄更正... 唔係我又誤人不淺了.
好彩, 好彩.

[ThunderBird]

你條死仔,我成形住你有心講錯,引人出Post .....

[沙皮狗]

下.... 你太高估我了, 我一直都係得半桶水架乍.... 而且成日係左耳入右耳出. >_<

[ThunderBird]

攝影尤如太極,不拘泥形式,要盡忘招式,身隨'意'動,左耳入右耳出正合此理!!

[hkhei]

其實我想知點解我地要用clp？
好似話係比auto focus o既機用
咁點解dc 又用到pl o既？
thx

[seahung]

其實後期的加工一樣可以做到filter 的效果
可以用photoshop ... or photoimpac
後者簡單D

[Dicsal]

cpl filter就幫你唔到，呢個program唔知可唔可以幫到你！^^
http://www.mediachance.com/digicam/filtersim.htm