[at8888]

想請教各位師兄，使用數碼相機應怎樣以較佳的方式去測試白平衡，有些如使用鎢絲燈的場合，如酒樓及餐廳等等使用閃光燈拍攝出來的效果也都是有嚴重偏黃的情況，即使是之前已用了相機內設的白平衡選項設定，但仍然未合乎理想。是否真的需要自行用白紙或DC Camera Lens Cap對著鏡頭測試較準，如使用又以那個較準確呢？很久以前曾看過一些前輩在使用攝錄器材時都會以此方式測試，但已忘記他們是怎樣去測試，白紙離鏡頭多遠及若現場需要使用閃光燈拍攝是否需要測試時一併使用呢？煩請各位師兄賜教！

[Philippe]

你是用Panasonic的相機嗎?自設白平衡是不適合使用閃燈的場合的.因為閃光燈的色溫是固定的,強行設定成其他白平衡會引致閃燈的部份偏色.聽聞Panasonic的相機一用閃燈自設白平衡便會失效,會被強制使用閃燈白平衡.
你可以看看以下的文章

http://photo.popart.hk/userarticle/article.php?articleid=68

[rickwok]

用閃燈是不能set白平衡的，會偏色。

真的介意酒樓燈光太黃，可關掉閃燈用現場光。

set白平衡的方法，請參考你的相機說明書吧。每部相機都可能有分別呢。

[micros]

用閃燈時 set wb 做閃光或者日光就得﹐搞咁多做咩﹖

[Philippe]

用閃燈時 set wb 做閃光或者日光係OK既,如果你諗住完全唔要現場光由得背景黑晒.

[micros]

NO
如果閃燈係主要灼源﹐背景 under 與否都無關﹐wb set 日光/閃燈 就 ok。

如果要埋背景光﹐wb 都係日光.閃燈﹐背景由佢黃﹐除非處理埋閃燈o既 wb。
閃燈同背景光差多遠o既﹐無可以 check white 取中間值﹐咁只會令兩頭都唔到岸。

[Philippe]

如果要埋背景光,除非保證到主體絶對不受現場光影響,否則設定白平衡做日光或者閃燈的話,剛剛閃果一刻就冇問題,跟住主體就會開始黃,的而且確白平衡係要用中間值的,不過就唔係正中間,要視乎情況.

[micros]

保持人物遠離強光係基本動作﹐唔係就好難搞。
無比較就唔會知差幾遠﹐check white 可能睇落無問題﹐但同用日光/閃光 wb o既拍埋就可能無偏藍。
呢o的真係無絕對o岩定錯﹐睇下要o的咩﹐睇下個人可以接受o既平衡點係邊。

[Philippe]

同意白平衡有個人喜好,但係保持人物遠離強光係基本動作就唔係好同意.成個酒樓都係光,點樣保持,同埋其實唔駛強光,弱光一樣有問題,除非黑晒.

[micros]

成個酒樓都咁光﹖唔係台前射燈o既位置又有幾光呀﹖閃燈一打就蓋過晒啦。
弱光都有問題﹖弱光時係快打都唔會快到吸足現場光(以穩陣唔 blur 講)﹐對人物o既色溫有幾大o既影響呢﹖
似乎你係都要挑骨頭﹐認真無謂。

[Philippe]

唔知點解我有預感你會咁樣回應.通常未實際試過用長快門在室內配合閃光燈既人都會覺得我係挑骨頭.影過既人就會知,強光係冇問題既,尤其係而家好興唔好閃光燈影相,強光簡直係救命清泉.因為唔用閃光燈都會有正曝光,最麻煩就係唔用閃光燈又唔夠光果D所謂弱光,四周己經光晒但係人又硬係暗,加光人四周又爆晒,但係用閃光燈就正正發生樓主話偏色的問題.唔好以為閃燈可打過呢D偏色,無論前簾或者後簾.

[kentlho]

C Hing
Im a new guy on DC.
I think a very stupid way to get it.
If put a yellow filter on the flash light .
Try to make the light become a bit yellow.
And change the WB to Bult.
Is it possible to reduce the problem???
Thx for spent time on my notie, If Im wrong .
Pls forgive me.

[Philippe]

這是我一開始便提出的方法.但有人說冇必要.
http://photo.popart.hk/userarticle/article.php?articleid=68

[micros]

改閃燈色溫當然係方法﹐但dc 限制較大﹐閃燈可能會好吃力。

[icekinhk]

例如夜景人像...
閃光wb 同日光應該都約5500~5600k
開閃只能夠應付被攝者 / 被閃光照到既範圍
個背景用自然光, 5500k 色溫會偏溫, 我唔識搞......