[Edmond2002]

急問~!後日幫同事影婚宴相!好多問題<_>雖然佢有請專業攝影師,但我D相佢話會下午在酒樓到播!同埋係由朝影到晚.得三粒電夠唔夠呢?
希望各位高人幫幫手!我得部Canon 350D同埋支原廠鏡(18-55mm)+一支Sigma70-300mm,我相信Sigma無用啦咁長!咁得支18-55mm夠唔夠用?如果借支Sigma 25-200係咪會好D?同埋如果無閃光燈係咪死梗?如果借到支420EX咁有無用呢?無柔光罩點算?同埋部機白平衡好難set,點算!好緊張,好緊張!THX ALL!

[six_seven]

睇你都係影接新娘,器材模式應該輕便唯主,要好似記者咁,有殺錯無放過,因為程序關係,唔會等你,分分鐘要閣下主動支排程序,好處係掌握到,但要閣下有經驗先得.

以閣下之器材,一機一支18~55,一支閃光燈就夠,唔好諗住換鏡,借多部機兩機兩鏡會好d,三舊511都夠,但要帶定叉機,有外閃就預多兩排,即係4粒x3排=12粒唔少得,叉機又係帶定,帶唔到咁多都帶多兩排E2電.

CF咭要多,帶兩張2G好過一張4G,三張2G起碼o架喇,有HDD過相會好d,但又要帶多d電,安全d咁啦!

set好一個WB 影Raw+jpeg會好d,到左場地set好支燈測好晒光就要影了,時間好緊,無得比你睇mon.,之前一兩日set好部機,做好準備.

[micros]

用咩焦距比較個人﹐普遍係中距最常用﹐不過長短都一樣可以有用。
你睇返其實唔少攝影師o既作品都係講穩陣﹐其中一個特點係角度與視角無甚變化﹐咁係因為佢地都係一支中距 zoom 走全場﹐頂多加支 wide zoom。
wide 同 tele 各自o既效果﹐唔係 zoom 可以做到。
有心機o既應該摟多o的角度﹐正莊影咩你就唔好影﹐要影o的佢無o既﹐唔你搵你影做咩﹖人地出得o黎做你都唔使同佢補飛啦。

成日見有人問心得﹐結果 10 個人其提出 20 個方法﹐仲要有o的係完全相反方向o既。你跟得邊個﹖聽咁多只會令自己亂。
其實咩都係講基本功﹐如果你根基夠﹐你平時點要影o野﹐到場照用返一樣o既方式就得。
根基唔夠﹐即係自己都會信心﹐推o左佢好好o的。
平時再多練習﹐特別係無得慢慢o黎o既題材﹐如 sport 同 街頭攝影﹐練好預測同反應能力。
一半一半o既﹐大膽o的放手去影。你個位好好﹐唔使做足大路o野﹐大有發揮空間。

你要記住﹐攝影講o既係個人視覺﹐你唔使跟任何 standard 去影。
目的只有一個﹐就係用你o既工具將你見到o既同想講o既記錄低。

[荒木先生]

我試過係國際展貿中心影春茗樓底高冇可能用天花反?射閃燈燈光~會場也不會為你提高燈光
果次我用iso用400 , 外接燈係sb-800,用auto燈就可以,
快門固定在1/30光圈f.4 鐘頭係標準變焦
咁set用係因為希望用閃燈令拍攝既人都唔會變黃,光圈太大會令合照時其他人out focus 太細吸光唔夠
我用1/30係想吸多點現場光黃黃地既現場光令氣份更金碧輝黃,用得1/30你就要叫朋友們都企定定影相喇^^
果次係我影宴會最滿意既一次

[JSmith]

第一，你只係負責snapshot，唔駛咁驚。你唔係做backup，你只需要影一o的個攝影師唔會影或者影唔到既野就OK

第二，照計一粒電影一個section應該冇問題，只要你唔係瘋狂咁影。多一舊電會穩陣一D。

第三，主要用18-55，帶埋支70-300無妨，支tele用佢既用處，用來偷影下D賓客或主人家都係幾好既snapshot，勝在夠自然。不過你就要預先計劃住幾時係唔好換鏡，咩時刻一定要支18-55 standby。

第四，外閃係一定要，你冇都冇辦法。冇柔光罩唔緊要，用白咭紙閃燈tilt45度打出都OK，天花唔高就打天花，不過小心注意WB。

第五，WB set auto 或者白天就算，唔好咁煩。

第六，最好影RAW+JPEG，RAW可以返屋企慢慢汁

第七，你要有足夠memory card，當然最好係快card，2G起

第八，室內要set高ISO，情願多noise都唔好全部都鬼影鬆郁蒙

第九，上網睇下人地點影，玩乜野構圖、角度、主題，有好有唔好，自己參詳下。亦都睇下人地用乜野setting

第十，趁重有時間，去練習下

記住，你只係snapshot，唔好俾自己咁大壓力，放鬆D，enjoy去用相機做記錄。

[Edmond2002]

已經攪掂啦!唔該晒咁多位!350D 2粒電夠晒影^^我個日都係近住個師傅影!所以無咩太特別!不過見得人經已好開心:-D 多謝咁多位!