[jeff_otis]

新手一問, 大家拍攝時會在什麼情況下使用[ 光圈先決 ] 及 [ 快門先決 ]這兩種模式呢?兩種模式又會有什麼優點及缺點呢? 還是只是取決於攝影者自己的習慣而使用呢? 請各位指教及分享一下, 謝謝!

[JSmith]

我大部份時間都係用光圈先決，因為要先決定景深

[jeff_otis]

多謝您的分享, 那可不可以理解作我們在拍攝人像時會偏向於 [ 光圈先決 ] 這個模式呢!

[JSmith]

係諗大部份人拍攝人像都會偏向用「光圈先決」，
在我而言，我只考慮我需要甚麼效果既相，就用甚麼模式。

[waigoryu]

I'd like to control everything...
I have no choice, M mode...

[Philippe]

其實相機俾得咁多個模式俾你,係每一個模式都有用的,應該跟據需要而決定.

我咁講好似好衰,我要先聲明冇針對任何人,有D人用光圈先決只係為左避開個P mode,因為大家都話P mode係傻瓜模式.其實用光圈先決都可以好冇意識的,只要光線夠或者開閃燈影相,基本上任何光圈都可以影到一張清楚既相.影人像開大光圈固然最容易,又有淺景深又唔會手震.其他時間保持住唔好太細光圈已經OK.

我就曾經見過有人用光圈先決去估快門,當時光線唔夠,又冇腳架,但係支鏡有防震,佢想影深景深,於是就用f8啦,點知快門真係太慢,就開f5.6又試下,點知都係唔得,最後f4就去到佢安全快門喇,其實一開始佢已經知道自己安全快門,用快門先決己經搞掂.

快門先決比較小人用係因為比較容易出現光圈唔夠大或者唔夠細既情況.

全手動有時係有用的,例如光線好穏定既太陽光或者室內燈光,用手動可以鎖死圈快門去避免因顏色影響而不停需要調較曝光補償,用閃光燈時也可以強制under自然光而減小光圈變大或快門變慢的問題,但任何情況都用全手動大可不必,尤其光線變化大的瑒合,盞搞到自己好忙,仲會趕唔切影添.

其實而家D相機個P mode都好先進的,鎖死曝光值後一樣可以改光圈,快門而唔會出現光圈唔夠大/細,快門唔夠快的情況.用得著就用,唔駛刻意避開佢.