[cindysiu]

1.)請問用咩光圈,快門及ISO, 攝影在馬場上的賽馬
技巧呢?

2.)另如果加"遮光罩"對攝影效果有沒有用呢?

[DCDennis]

1.以我的個人經驗，可用1/15或1/30，快門先決模式，iso用番100，再片用pan方法拍攝。

2.你開玩笑咩，半專業級怎會不識用遮光罩呢？一般則光都有幫助的，影向正光就無能為力了。

[cindysiu]

To; DCDennis

我現在已經更改我應是入門級, 我真的是新手, 而且亦是小女孩一名,
不懂得攝影,只不過用數碼機,放便不用沖曬,先買下來,
而我之前亦不懂什麼光圈,快門,AE LOCK , 玩下玩下先知DD,
我星期日會去馬場先問下各位意見, THANK!

另外遮光罩我只不過覺得好型,所以有小小意思想買, 但 NIKON 5700
遮光罩好像"水泵"(是膠的), 又買不落手成$180-

Cindy

[vgar]

Cindy , 呢到每個人都會經歷過新手的階段 , 沒有人天生懂得攝影的 , 只要多聽多問多試多影 , 你總會成為專家的. 而且討論區的設立 , 也是為大家互相交流心得嘛.

早幾年我也喜歡帶部F401入沙田馬場影馬的. 用什麼光圈快門我會視乎當時天氣而定 , 一般快門我會用 1/30 至 1/250秒 , 光圈我則用F4至F5.6. 因為一場賽馬中 , 如果你影最後400米直路至終點 , 你只有廿秒左右給你影相 , 所以在馬匹入閘前你要做好測光及決定好用多少數值進行拍攝 , 到馬匹入直路後你便要不停影 , 到時你無時間調教的了.

你部5700支鏡最長280mm, 如果你企歡眾看台樓梯影的話 , 拍攝角度可以廣闊一點 , 但可能會連觀眾人頭也影埋 , 以前我用一支 210mm 的鏡頭影完後我要自已裁到 16比9 , 將人頭裁走.

你亦可以走到跑道旁欄杆影的 , 但那裏的拍攝角度細好多 , 只有幾秒你可以影相 , 但就可以無人企你面前阻你拍攝及可以 close up 馬匹及騎師細節.

如果你到沙圈近距離影馬匹散步形態 , 你要在一場馬就黎開跑時去沙圈搵位企 , 因為當時9成馬迷會去出看台睇馬 , 到時無乜人同你爭位. 但一跑完馬 , D 馬迷便會瘋狂跑返落沙圈的了.

你仲可以試下到400米前的轉彎位影 , 那裏無咁多人而且可以拍攝到一群馬四在彎位散開準備入直路 , 一群好似衝緊過黎的效果

我以前的影法會係 2場沙圈 , 2場企欄杆 , 2場上觀眾看台 , 2場在400米前影.
其他時間就睇下馬迷百態囉. 但我只會企遠少少 zoom 過去 , 不會企太近影 , 費事阻住人度馬仔呢......

[vgar]

如果鏡頭夠長 , 在馬場外小巴站上的天橋上也可以一影轉彎位的啊

[vgar]

遮光罩在沙田馬場作用不大 , 到下午2-3點後 , 看台已經將陽光擋隔的了 , 看台設計應該係向東面的 (除非你影晨操吧)

[cindysiu]

To: vgar

我真充心多謝你給我意見, 希望我到時可以影到"滿意"一,兩張給你一個交代,
而我亦是第一之入馬場,到時希望可以找到好我位置啦. !
thank you very much.

Cindy

[vgar]

傻瓜 !! 洗唔洗用到 <交代> 呢個字眼呢 , 大家互相交流下 , 互相學習下咁大家先有進步嘛

第一次入馬場 , 個體驗幾得意架 , 全民都係 { 上.. 5號.. 上.... $@<.%^...... X ! }
何其壯觀 ^_^

P.S.:馬場上有些露天攤擋賣的熱狗好好味架 , 但我已幾年無入去了 , 唔知依家仲有無得食了.

[kam]

vgar兄，沙田馬場的露天攤檔今季已經無0左，快餐店的豬扒包都幾好食架($12)

[cindysiu]

Thank you 曬呀各位!

[kam]

cindy,跑一千、千二、二千、二千二、二千四米，馬匹會由終點倒圈跑去起步點入閘。而跑千四、千六、千八米就由終點前四十米處出跑道，順圈跑去起步點入閘。

[vgar]

Cindy , 唔洗客氣 , 大家都係 [SIU] (蕭/邵) 氏宗親會姐.

Kam , 依家無晒露天攤檔啦 ? 太可惜了...... 夏天時 , 一杯凍飲 / 一隻熱狗 / 一支甜筒 , 好正呀 ^_^

[kam]

vgar,真係無晒，多o左一個叫做「好賞食」o既美食廣場，地點在看台一樓，有冷氣，不過企位多過座位。
夏天時凍飲、甜筒真係正，流動賣甜筒o個位阿嬏見無人幫襯就話：「唔食無得中！」就激氣d