[boriskit]

本人之前用開MZ2入門相機,現在轉用了7HI,有D問題令我好廢解:

1.光圈最大只有f2.8,在室內對焦拍攝若果唔開閃燈,經常會有"手震警告"
,快門大約1/15-1/2,就算用ISO800也好,所影出來的相經常輕度模糊。
在沒有開動閃燈情況下,請問相機有甚麼SETTING可以令我在室內拍到
清晰的相?或我在室內拍攝用7HI應該注意甚麼技巧?

2.有陣時當一連串影相,部相機有充足電源下自動熄機或RESET。
請問是否相機過熱所致的自然正常現像?

3.相比其他相機有最大光圈值f1.8,而7HI只有f2.8,這是否意味著7HI質素唔
夠?

4.本人想買一支適合7HI的腳架,我應該注意甚麼?
7HI的重量為550g,我睇中一支1000g多少少的腳架,這是合適嗎?
若果單看輕便為主兼內置水平珠,請問有甚麼好介紹呢??

5.有沒有途徑讓人學攝影的?平均幾錢??

Thanks......^^

[hkhei]

1)o係屋內影相，好多時都唔夠光
所以用閃光燈都幾難避免..如果快門唔夠快，咁就最好減少焦距
咁樣都冇咁易影到矇o既相

2)唔太清楚...可以睇下說明書

3)光圈大小同質素冇乜直接關係
反而你諗下7hi係28-200mm zoom lens..佢仲可以有f2.8-3.5光圈...
其實都算大

4)腳架穩唔穩主要係睇佢o既設計，1kg o既gitzo同1kg o既鴨記腳架都有好多分別

[dede]

1. 用到ISO800, f2.8都經常輕度模糊，是否你用都最大的zoom(即zoom到最埋)，如果是，不用咁大zoom，就減少郁機機會，試下唔好用zoom先，如果唔濛，即是你的手震問題

2. 相機是到時到候會自動熄機的，此乃正常，但會自動RESET就唔知啦，可話問下代理

3. 很少相機有最大光圈值f1.8的，很多相機都是f2.8，連 Nikon 5700也是，唔通你話佢唔好咩，質素與此無關

4, 5 ......

[Velsper]

1)
還是要落支腳架比較好
iso800本身小弟唔建議用
所以唔用閃光燈時
叫佢企定定好d
室內可以用跳燈

2)
對的

3)想好質素,你用f8去影啦~
(包你驚喜)

4)小弟到現在還是用送的DX-5
因為DC輕,不用太重的腳架~~

5)最好是自己不斷影下相 ^__^ (DC唔駛晒咁貴)
比人教,更受用

[boriskit]

多謝你o地o既指點!!!

綜合各方意見:

1.我在屋企影的對像係狗仔,我想幫佢影D生活照!
若然我用閃燈影相,隻狗對眼都不其然會刺眼,顯得冇咁精靈;
若然我近距離影相,隻狗萬一舔相機鏡頭咪大鑊??;
若然我用腳架屋企影相,對於隻狗一舉一動好難走位捕捉,冇咁方便!
講起o黎真係好矛盾....@@....仲未諗到一個十全十美的辦法!!

2.長此落去,相機自動RESET,會否對性能做成傷害?(尤其CCD)

3.我只有一個好單純o既諗法,光圈更大,快門相應更快,減低震機情況...
若果我帶相機出街玩,為的是簡單拍攝,是否有需要經常帶埋腳架??

4&5.THANKS!!!!!!

[onon359]

手震警告最好解決方法一定係用腳架!! ISO去到800影出來的相就算唔朦都好極有限(玩粗微粒高雜訊作品則例外)