[tallgirl]

終於買左人生第一部靚相機啦! 好開心, 配左20MM/1.7餅鏡

DSLR又嫌太重, GF1個SIZE剛剛好, 所以小妹想在此請教各位CHING, 點影到下面既相?

1) 影夜景, 有車軌, 係咪要較快門先決? 13可以嗎? 如果唔用腳架, 可以影到呢種效果嗎?
2) 有日光, 影風景, 但有野郁動如人, 流水, 瀑布等, 點可以影得清楚?
3) 我依然唔識點較ISO (我知我笨..:P)
4) 係乜野時候先要用光圈先決?
5) 我試過影微距, 但都係好矇, 要點SET?

希望各位CHING能教路, 因為小妹越來越鐘意影相了

[PCChung009]

1)可以用快門先決，但一定落腳架，用F16 快門1/6 or 1/4s 如果唔用腳架，就要推高ISO，但推高ISO會有noise 要注意。
2)較光圈、快門、ISO ，睇你的影的技巧
3) ISO 你睇http://zh.wikipedia.org/zh-hk/%E6%84%9F%E5%85%89%E5%BA%A6明白一下
4)大多數用於室外用，室內用手動好D(個人意見)
5)影微距，要手一定，一定落腳架多禹

[hktsoi]

想學攝影, 可以上課或是看攝影書自學, 在這裡想找到正確答案是很困難的

如果單是拍攝夜影, 而不想用三腳架, 手持拍攝, 一定要用高ISO和大光圈, 快門先決是用不上, 光圈先決還比較合理, 是什麼原因自己想吧

如果有拍攝過香港夜影, ISO 100 f8 要4-8s, 如用到f16, 對不起, 要用ISO12800才可以手持拍攝

你想要拍攝車流跡, 要用手動曝光, 快門最少要有2秒, 不然那裡有車流跡, 時間越長, 車流跡越明顯, 但是三腳架是必須了

其他的不說了, 要說要花一整天, 上課學習吧

[tallgirl]

唔該晒兩位師兄

我今晚會去尖咀試下, 有機會post上來比你地評下分啦

我會努力架!!

[tam_dominic]

恭喜 tallgirl 和 1 號女友 共享 1.7mm 薄餅.

1) 影夜景, 有車軌,
..... 係咪要較快門先決?
==> 手動曝光較比好. 因為夜景光差大自動曝光( 快門先決)燈光容易過曝.
手動不難, 只要先試拍幾張便可.

..... 13可以嗎?
==> 13秒 車燈巳移動了 一千幾百呎, 光的軌跡巳很長了
==> 13 光圈 街燈巳可形成星狀放射線
係唔係擔心 13 唔吉利呀 ?

.......如果唔用腳架, 可以影到呢種效果嗎?
==> 只要相機在曝光時不振動便可以了, 如選自拍後 相機放在圍牆, 檯面, 用豆袋承扥,.....
但腳架是設計來專門是這樣用的, 方便走位取景 ar ma. 用適當工具會唔會好d呢 :-)

2) 有日光, 影風景, 但有野郁動如人, 流水, 瀑布等, 點可以影得清楚?
==> 假設對焦巳正碓
1/125 秒 橫過路人巳清楚, 1/250 秒 飛濺水花亦巳清楚
多試幾張不同速度, 放大睇吓就知啦
叫 1號女友做多少少, 佢唔會介意架.

3) 我依然唔識點較ISO
參考吓 "攝影基礎訓練" notes, 留下email 地址, 即會寄上.

4) 係乜野時候先要用光圈先決?
==> 當你要用某光圈特性時, 又唔想手動, 可用光圈先決.

5) 我試過影微距, 但都係好矇, 要點SET?
==> 請參考 "攝影基礎訓練" notes "3. 影像模糊"

以下節錄自 "攝影基礎訓練" notes
=======================================================
................
2. 光圈 與 散景
.....光圈是在鏡頭 讓光線 進入相機的圓孔. 數字愈大 光圈愈細
.....(ie. 1.8, 2, 2.8, 4, 5.6, 8, 11, 16, 22 …. 每大一級 多一倍光量)
.....最佳光效的光圈 是 該鏡頭最大光圈 減 2至3級 (eg. 最大 F2.8 用 F5.6)

細光圈 (F16, F22) 光點會呈放射狀, 像加了 星濾鏡片
大光圈 (F1.4, F2.8) 焦點外的 :
......光點 - 會呈 光圈的形狀, 如心心鏡, 波波鏡(反射鏡)
......景物 - 會化開 是謂散景(bokeh)
......散景可簡化背景, 以突出主體. Eg 人像
(請參考 “景深” 說明)
....................
4. 自動曝光 – 可選擇 :
..... 快門先決(Tv mode) – 人手設定 快門(eg. 1/30 秒) 由相機調整 光圈
......... 可用iso 調整光圈大小
.....光圈先決(Av mode) – 人手設定 光圈(eg. F 5.6) 由相機調整 快門
.........可用 iso 調整 快門速度
=======================================================
"知識不是力量, 行動才是力量"
快d同你1號女友, 去影吓車燈軌跡la.

注意:
有些天橋是會振動的. 導致長時間曝光的相模糊, 有腳架都唔掂 :-)
入黑後燈光照不到的會很黑, 但燈光則很亮. 光差非常大 應該避免.
夜景應於 天黑齊前拍攝 是謂 魔幻時刻(Magic hour)


Happy shooting !

[tallgirl]

唔該晒 tam sir!!!!! 好詳細啊

其實你有無考慮開班教人影相呢?? 我第一個報名! :p

[wowo4686]

我都好想學影相，聽人講gf 1唔錯的...我在考慮中..
雖然學影相去睇多d相展有冇用架呢？
我知聽日尖沙咀文化中心露天廣場有個相展，
打算去偷下師....聽講仲有d course可以報讀下，
話唔定有攝影course...呵~

[plutoKiD]

我都想買機學影相吖..
有咩機可以介紹下?
我想買C記嘅機...
應該買DC定DSLR吖?
我有心學架..

[chris053]

有心學就梗係買單反la!!
單反:500d /50d /7d
DC:S90 /G11