[brivenie]

我想問點樣影d貓貓狗狗佢地隻眼先唔會反光呀??

[沙皮狗]

你所指的是什麼反光呀? 因為我覺得如果眼有少少反光, 會有神好多的.
(影人都係咁.)

不過如果開閃燈, 佢地就會把 "銅"孔收到好細同埋會變色, 會好怪異的.
所以一般最好唔好用閃.

如果真的想要佢地的眼黑洞洞的.... 我估..(估架乍).. 拍佢地時, 佢地頭小小向下, 環境只要唔係太光的話, 應該會無反光的.

[robotech]

用內閃唔好向正面閃，又或是用外閃 bounce。

[沙皮狗]

用內閃唔好向正面閃? 好似........ 好高難度. >_<

[brivenie]

唔好意思呀....我對影相唔係好識....所以我唔係好明咩叫內閃同外閃wor!!!!

to:沙皮狗
好似好難控制d貓狗個頭gor wor!!!

[robotech]

唔好向正面....即是唔好對正瞳孔，唯有影佢地既三七面。
又或者事後執相。 :)

[brivenie]

但我見到有d相係可以正面影嘅?
有咩手法ga??
佢地可以影得好清楚同靚gor wor!!!!

[robotech]

要用到外置閃燈，將 d 光反上天花或牆，咁就唔會影到瞳孔反光，而對眼又有立體感。

[brivenie]

wa....好似好囉同好[覆]雜咁wor!!!

[沙皮狗]

唔可以控制就唯有.... 等..... 好多國際級高手, 為影一張相, 往往等幾個月的.
當然, 我都唔係高手, 所以.... 出術 ^_^ 用食物, 玩具, 手指等引佢地的視線向下, 咁咪搞掂羅. ^_^

用唔用閃燈在於光線足唔足夠.
如果在室外大晴天, 洗鬼用閃燈. ^_^ 咁你鐘意點影都得. 正面七份面高角度底抄, 怎至大頭物都得.
如果是在室內, 最好在邊窗位, 盡量用多些自然光. 唔夠光就再開大室內光線補光. 再唔得先用閃燈.

一般附在相機上的細閃燈, 就是內閃. 要另外花千幾二千蚊去買一個附加的閃燈就係外閃. (照字面解就得了.)

robotech 就算影 3/7 面.. (做物講到好似影女仔咁的 ???) 我覺得最好都係唔好開閃燈. 雖然咁樣佢地的眼晴唔會有怪光, 但閃燈仍會另佢地的瞳孔收到好細的, 用 photoshop 後作救唔番的, 除非你劃番大佢.

robotech 講的是很實用的外閃跳燈技術... 不過我都無外閃, 所以我都唔識, 只係知道效果會好好. ^_^

一句到尾, 我覺得影物都係, 光線最緊要, 盡量在好陽光下拍攝. (咁就物光都唔洗理.... 除左你要玩大背光咁都無你辦法. >_<)
要佢地眼內無反光... (眼晴無神. >_<) 就唯有靠角度. ^_^
如果你要影到佢瞳孔內的正確色彩, 可能比較難, 我估這幾天中午無物太陽直射下, 或許可以拍得到. ^_^

[robotech]

陽光底下影相效果當然靚，不過如果攝影對象係貓，我自己會比較鍾意用閃燈，主要原因係貓眼同其他動物眼睛好唔同，光線充足底下，瞳孔只剩底一條線，而呢類蛇眼我自己唔係太喜歡，總覺得怪怪咁。
想影亮晴晴有神釆貓兒眼，一支外置閃燈我覺得係少不了，其實唔只影貓，室內影人，用外置閃燈效果亦柔和得多。

呢張用了內置閃燈向貓直閃，因為避開直接閃向瞳孔，所以仍可見大而明亮眼神，不過整體效果就比較硬。



而呢張就用外置閃燈，將閃燈向天花反射閃光，貓眼瞳孔明亮有神，而且立體感足，整體感覺亦柔和得多。

[沙皮狗]

thanks. robotech 好有用的參考呀. ^_^ #2好靚. ^_^

brivenie 你有否注意到, 就算用外閃跳燈, 都會有 "眼內反光" 的....
你先前所問"點樣影d貓貓狗狗佢地隻眼先唔會反光呀?? " 是否這些反光呀. >_<

[brivenie]

係呀係呀!!!次次同隻貓貓影相都無一張靚嘅!!
robotech個張真係好靚呀!!!

不好意思呀...我對相機lee樣野真係好差.....唔好介意我問d好簡單的問題呀!!
我想問點樣為止外置閃燈同內置呀??係點樣ga??

唔好意思

[robotech]

我估計 brivenie 所指反光，同影人時出現紅眼現象相似，而非指正常球面反光。如圖...




內置閃燈，是指相機附設閃光燈，通常射程範圍比較弱同近，而且位置大多設於機頂，拍攝時會直接閃向攝影對象正面，效果比較生硬。
外置閃燈，一般較高階相機機頂會設有外置閃燈連接位，而用家需要另購閃燈接駁使用，而外置閃燈亦有平有貴以及不同功能。

以下網頁寫有使用外置閃燈心得可作參巧...
http://www.artview.com.tw/talk-hardware/t-hw-1.htm

[brivenie]

我明啦!!!
咁that mean DC係做唁到lee個效果啦??rite?