[firemanq]

我地影淺景深其中有兩個因素:
一是焦距, 二是物距
如果唔考慮marco...
一是利用長焦距使景深淺...我地需要走到好遠好遠再zoom翻唻
二是走近主體...但不能zoom in...

咁好似有o的茅盾喎...應該如何取捨呢?!

~~有錯請指正~~

[kam]

一、二都分別拍一張，睇下自己喜歡那一張
二 可用大光圈做淺景

[firemanq]

可能係我問得唔係好清楚...

首先回覆kam兄,
查實用dc影既話, 跟本好難做到淺景深 (marco除外, 所以我話marco唔考慮)
我係用dc既...未有料玩film...所以就算分別影一張再比較都未必睇到個分別...
雖然dc未必有分別, 但係相信film應該有分別, 我係想知道可以既話應該點取捨會好o的...
第二, 基本上兩個情況都會用一樣既大光圈, 所以問題就在於點取捨...

o係回覆kam兄既同時亦都已經再解釋過個問題...再請指教 ^^

[Velsper]

小弟會用盡tele
不過, 用dc學相好處係叫你唔好咁依賴景深

[dede]

唔難取捨，
取第一，捨第二。理由？你自己也都知道了

[firemanq]

Velsper兄,
......"用dc學相好處係叫你唔好咁依賴景深"......
你既意思係?!
小弟唔係好明...>.<

dede兄,
小弟才疏學淺...真係唔明理由?!
......係因為個淺景深效果會好o的?!

[dede]

你都講得對了：
>>我地影淺景深其中有兩個因素:
一是焦距, 二是物距<<

還有一樣光圈，你後來都補充了。三大要素你都講了，袛要按著此定義，就是景深的運用了。

再補充一下，文字多些少吧了。

焦距越長，物距越近，光圈越大三者同時使用，缺一也不能做成淺景深。至於甚麼才是..越長、..越近、..越大呢就沒有定義了，因有很多因素影響，鏡頭的實際焦距是與感光材料的面積有關。

可簡單的說，統稱 tele 的便是長焦距鏡頭（超越標準鏡的焦距），半身相的距離可稱為近物距（剛影到全身相的都還可做到淺景淺，看要淺到甚麼程度吧了），至於光圈就視乎你的鏡頭焦而定，舉例如你用到很長的 tele，物距又近到支鏡的最近有效對焦點，就算你用到細光圈也會很淺景深，相反如物距很遠，例如影風景，就算用到最大光圈，景深也會很深（當然也不及細光圈的深了），一樣會前清後清，不細心看或不放到很大，都很難很得到。

此乃其中一些因素吧了，說也說不清有那一固定的公式或配撘，所以以上的三大要素就是原則，拿著此原則來運用，最重要的要自己找出來便是經驗了。

我以前都係拿住一部好普通的135相機，見人地拍出來的人像相如此淺景深，自己如何拍也拍不到，後來經人很簡單的一說，無單鏡反光鏡可換鏡頭的，你都唔使諗，我便明白了，就不再用我的雞相機企圖拍這些了，直至我有一部單鏡反光鏡時才來一試，初用標準鏡(f1.4)的一拍便拍到完全唔同，雖效果不及又失真（因很近才可），但因此就明白了

你說的第二點是走近主體...但不能zoom in...，如你用的是在鏡頭的標準鏡範圍，用到大光圈，物距又是取到對焦點的最近，也還可以做到，但就有可能成象會有失真變形，如用鏡頭的廣角端，用到最大光圈，最近距離也於事無補。

以上全排除 marco
最後都是那句，不要想以 4X 以下的 DC 能拍出淺景深的人像照，實際焦距冇 50mm 以上都難以做到（唔係相當於 135mm 的焦距）

[firemanq]

明白 ^^

[jackctn]

How to 影淺景深, if the camera is canonS45 which is only 3X optical zoom.

Can i do this effect with "tele adaptor"??

[dede]

又係呢個問題，點解你地咁鐘意淺景深呢，明知做不到都還要做，我勸你無謂浪費金錢了。為求淺景深，換機吧，最實際。

上文已說得很清了，"實際"焦距唔夠長，再加也作用不大，看來淺少少吧，了而且你部機又不是設計給你來加鏡用的。

慢慢看吧

其實s50係咪都冇乜可能做到淺景深的效果

[stocklaz]

用番你自己部相機本來的用途吧, 宜家太多人希望買到一部萬用相機, 一部機搞好所有環境..........

但係現實是, 就算係大師級的高手, 佢都會有很多部相機及鏡頭的......

例如, 我有602, 也有o記的舊機is 3000, 602 有f2.8, 而is 3000 就最細都係4.5, 但係602 ccd 咁細, 一轉換過去, 咩都冇啦, 部 is 3000 連用 f 5.6, 在淺深景上, 都贏足成條街.....

(所以可以想象, 135 mm 機, 有f 1.8, 可以有幾令人興奮)

[hkhei]

要散景..都係換返35mm加支長鏡啦.....