[m328]

在影近野的時候,應怎樣選擇 ISO呢?
如何可影夜景較清一點?

[Gary Cheung]

本人都係初哥...............但都可以試下答你的問題, 我都有部v3, 唔好話夜晚, 連日頭好多時都對焦唔準, 所以好快就換左機, 唯有張張都影完即刻放大check下, 唔掂影過張啦........現在試下答你既問題啦, 無論影近定影遠, 都係同iso值無關既, iso只係要泥増加ccd既感光敏感度, 例如環境比較暗既時候(如夜晚), 個快門速度會變得好慢, 用手唔用腳架影相既話張相就會因為手震而變到有"鬼影", 此時張iso值調高, 就會増加快門既速度, 咁張相就冇咁易受手震影響喇........但需注意iso值越高, 雜訊就會越多, 所以光線充足既話最好都係用iso 50.............你話影夜景唔清究竟係指對焦唔準定因為手震起左"鬼影"呢??? 以上篇野可能可以答到你喇..........

[dede]

打完一大篇，才見到 Gary Cheung 的答覆，他已將主要的話左比你知了，我還掂都打左成篇，就當為補充一下啦。

影近野的時候，與選擇甚麼 ISO 無關

ISO 的運用：
低 ISO 雜訊少，但感光比高 ISO 弱
高 ISO 雜訊大，但感光比低 ISO ?
影夜景要用較長時間，長時間暴光 d 雜訊都通常較大，但很多DC在慢快門時會自動啟除雜訊功能，但有 d 也沒有，如用腳架的都是用低 ISO 好，無必要時都係盡用低 ISO，取其雜訊較少

影近野的時候，袛要用 Macro Mode（十字制那個"花"符號），唔 zoom 時對焦範圍由 10 to 47 cm，用 zoom 時就由 27 to 47 cm。袛要用全自動模式，再配合適當的暴光補償 (EV)，光線不足時，根据上述 ISO 的特性，改用稍高的 ISO。袛要對焦點準確又唔手震，便能拍出清?的微距照片。

要清楚知道自己 Canon IXUS V3 的特性，才能運用，拍得好的夜景
曝光模式：
1. 不支援光圈先決
2. 不支援快門先決
支援全手動曝光

快門速度： 1/1500 至 15 秒
全自動由 1 至 1/1500，要慢過 1 秒，就要改用手動模式
在廣角端（唔 zoom 時）光圈 f 2.8 to f7.1，用 zoom 時光圈便會由 f4 to f10

ISO 感光值： 50, 100, 200 or 400
選擇 AUTO ISO 時，在 50 與 150 之間自動控制，手動模式時才可全段由自己選擇

拍夜景要用腳架，用時間制以防按快門時郁到部機，先 SET 去 Manual，再按 MENU 將 Long Shutter 設定 On
此時快門便可調低到 1 秒以下（最長可慢到 15 秒），如慢過 1.3 秒，便會自動啟動除雜訊功能 ( Noise Reduction )
用最低 ISO（上面己說過，在必要時才用高）
光圈與快門要看當時所拍的景物的燈光所佔畫面的範圍多少而作調較，沒有一定則，拍攝沒有公式化的，多試，拍完後在 LCD 上看看，如看來比正常的稍為光些的，便差不多了。
夜景對焦是比較困難，很多時對唔到焦，以至拍出來的相片唔清，可試下找一些光亮的點來對，半按快門，看對焦是否正確，才再全按下快門來拍。

慢慢拍才可拍得好，試下啦。係咁多啦（好長氣），講完。

希?你明白啦

[talent man]

dede兄你所講的Macro Mode（十字制那個"花"符號)的主要用途是什麼??

[dede]

Macro Mode，主要用來就係影 Macro（微距=微小距離，簡稱為微距），拍攝很近的物體，如昆蟲、花、任何細小的物件，或在它的對焦範圍內拍攝任何東西，人體的局部也可。
微距的特性是：景深很淺，所以對焦點要準，對焦時同拍攝時都唔好手震。