[stocklaz]

想請教這個問題, 起源係canon 那兩支定焦鏡

50mm f.14 usm
50mm f1.8 ii

對於相片成效來說, 有很大差別嗎??? (因為價錢實在分別很大!!! 前者要成二千幾, 後者就只需 五百幾.....)

無論用於film slr 還是 dslr 都想請教大家

[oldpear]

單單從最大光圈來比較, 分別不是那麼大, f/1.4和f/2.0的中間級數為f/1.7, 而實際使用時, 我相信都很少機會用到最大光圈, 大光圈鏡頭的最大優點是快速對焦, 但自動對焦的年代由機器代勞, 相差半級的分別又不是那麼明顯。

50mm f/1.5 USM 用了兩片高折射鏡片, 在最大光圈時相片邊緣的失光極少, 50mm f/1.8 ii只用普通光學玻璃, 但兩者都採用高斯式全對稱設計, 據經驗後者要收細至 f/2.8 或 f/4 才有合理的表現(指相片邊緣的銳利度)。

個人意見是, 選擇鏡頭也要配合身份, 非頂級SLR用f/1.8就夠了, 否則一支標準鏡已經貴過機身妹仔大過主人婆, EOS 1V/EOS 1Ds絕對配得上f/1.4, 非全格式入門級DSLR(D60, 10D)配f/1.8已經夠用了, 因為根本用不到高折射鏡片的邊緣部份, 犯不著為半級光圈花大量金錢, 省下來的用來擴充另外的配件好過。

[stocklaz]

明白, 謝謝...

現在又想多個問題.... 經常都有人提醒, 不要用鏡頭給予的最大光圈影相, 應該低一兩級, 咁先會影得好. 但又唔係好多人講當中其實係甚麼原理. 試想如果買一支tele zoom, 70-200, 個光圈係4.5-5.4左右啦, 咁影的時候要再減一兩級, 咁咩變左得返 f8 ??

回應提問的那兩支鏡, 我想都應該唔會買1.4, 因為我是想買 eos 30, 支鏡同部機差唔多錢.....

[沙皮狗]

#1 先前看過一些解釋的網頁, 要圖文並例先至明... 簡單d 講, 其實係因為用到最大光圈, 咁就差唔多成塊玻璃都用晒, 邊位的的凸透鏡興凸透鏡之間走的距離拆射較多, 所以普通鏡出來的細緻度較差, 要做好這些邊位的拆射控制, 要花很多的技術手工作成的, 所以價錢亦較高.

有說 nikon 新出 for DSLR 的鏡頭, 就是因為知道 DSLR 會把邊位裁去, 所以可以用一些邊位控制較一般的鏡片去做鏡頭, 所以大光圈邊位失真的現像不成問題.

如果係新用 slr 的話, 用六百蚊買住支 50m 1.8 玩住先啦.... 定焦鏡初時較難用的... (構圖上較唔方便. >_<) 不過用耐左, 就會發覺大圈的影深好好玩 ^_^ 咁就追求 F1.4 的了.... 之後會想買支 F1.2.... 再之後... 轉用 contax F1.0 ^_^

[Velsper]

因為通常鏡頭最佳表現都不在光圈全開/最細
通常會約f5.6-f11
(每支鏡唔同,所以要自己試試~~)
"縮一兩級"其實係朋友經驗

1.4/ 1.8思迷...
以"大光圈"考慮, 1.8 便宜又大碗
同一鏡頭用上1.4 價錢肯定三級跳

(不過用1.4都唔係貪佢f1.4)

[沙皮狗]

Velsper 兄耐無見了 ^_^ 今日有物節目? 又要溫書做功課乎?

[沙皮狗]

唔記得問埋... 咁貪佢物好呀?
因為貪佢 USM? 好似貴左 d 呀......

[Velsper]

^____^
只要努力多一個禮拜~~

[沙皮狗]

恭喜恭喜... 一個星期後.... 咁可能要"地方"要你幫忙 ^_^
我六月要交功課. ^_^

[Velsper]

考慮鏡頭因素有好多
解像力, 變形, 色散, 抗光斑, 顏色還原, 散景 等等.

小弟不知canon表現如何,
nikon例: 85 1.4 散景要比 1.8 好看點,顏色應濃一點)
(價錢是三級, 重量是一倍
應不應買? 呵......)

[oldpear]

假如設計合理的話, 大光圈和細光圈鏡頭在相同的光圈值的表現相差不遠的, 當然, 「粗製濫造」的不在此例, 實在的說, 70mm-200mm f/4.5-f5.6 和 70mm-200mm f/2.8 一同採用 f/4.5 或 f/5.6時, 量度相片邊緣的失光現象也相差不遠(但是仍然可以分辨出來)。大光圈鏡頭在糾正像差色散等問題下了一番苦工, 涉及精湛複雜的工藝, 額外的製造成本遠遠高於製造另一支同焦距小光圈鏡頭, 製品的良率亦非常低, 這便是大光圈鏡頭昂貴的原因, 小光圈鏡頭的鏡片全部可以用最簡單的方法製造, 因此售價可以平民化。另一方面, 恆定光圈變焦鏡的鏡片尺寸亦超過實際所需, 進一步增加了製造成本。(70mm-200mm f/2.8其實可以很簡單地改成 70mm-200mm f/2.0-f/2.8, 但廠成為保證質素往往將廣角端的 f/2.0 捨去。)

返回標準鏡的選擇問題, 短焦距定焦鏡頭不存在色散和變形的題題, 所以不會用到低色散鏡片和非球面鏡片, 而採用高折射鏡片, 使相片邊緣所獲得的光度也接近中央部份, 但是, 當收細一兩級光圈時, 無形中將高折射鏡片的優點抹殺了, 那麼用了這麼貴的鏡頭來幹嗎? 當然, 能力範圍許可的話儘管選用最好的, 但是我亦想補充一點, 這兩支標準鏡的規格截然不同, f/1.4那個含七片鏡片, 重量290克, f/1.8那個六片鏡片130克, 我寧願選擇較少鏡片和較輕盈的那個, EOS 30也算是入門級SLR, 配 f/1.8那個恰如其份了, 相反地, 若EOS 1V配 50mm f/1.8卻有點兒寒酸。

p.s. 兩支標準鏡的自動對焦驅動馬達也不同, 成本也不一樣, 但實際對焦速度不會相差太遠, 而 f/1.4那支乃設計於「專業」用途, 防水性能也好一點。(但是EOS 30的防水很差喔! :p)

[沙皮狗]

係呀... 我當初也想買部 eos30 + 50 1.8 + 28-135 3.5 IS 來玩下的... 不過計下計下.. 無錢. >_<

[stocklaz]

咁用"小白"算唔算妹仔大過主人婆呢, 支70-200 f2.8L USM IS 價錢非常厲害, 而且使用極其不便, 加上...... 我並唔健碩..........用起來並唔好看...... (對不起, 話我唔pro 都係咁話... 唔好睇的話, 我唔敢在人面前影相........)

to velsper兄 & 沙皮狗兄,
你地讀咩大??

[沙皮狗]

支小白 IS 真係好重呀.... 比不過又真係幾好用. ^_^
比我.... 或者選小小白算了... 話晒輕好多. ^_^

velsper 兄就仲努力緊..... 我過關好多年了 ^_^

[stocklaz]

啊.... 我都畢左業...

小小白?? 冇is 那一支, 都要成1300 g 喎........ (健身....)