[lpjbm]

請問，不少半專業的數碼機種機中，光圈值都能在長焦距中去到2.8咁大。請問效果和傳統135的相機有沒有分別。因為在135的相機中，長焦距加大光圈能得到極淺的景深，拍攝大頭人像時經常使用。在數碼機中能否得到同樣的淺景深效果？謝謝解答。
我用緊Canon EOS50+Tamron 70-210mm F2.8LD+Canon 28-80 F3.5-5.6，還有一支Tramon的倍焦鏡。
間中影下人像，去旅行試過帶埋去影野生動物，需然重Ｄ，但效果算幾好。現時打算全部賣晒佢，轉投數碼機的懷抱。大家認為是否係時候？因為Canon的數碼機身勁貴，只係買個數碼body已足夠買齊全套半專業機。如果數碼機已能做到一般業餘拍友的要求。傳統相機在這個範疇，豈不會很快就插水式被淘汰？

[stocklaz]

唔得, 因為一般數碼機 (即是非 dslr) 的鏡頭其實是很短焦的zoom 鏡, 只因它的ccd 細了, 所以在計算上要倍大了個 zoom range, 固此有一些所謂6倍七倍的鏡頭, 其實比較slr 的鏡頭都好像支100mm 左右的鏡.

如果你很鍾意淺景深效果. (其實都很奇, 為何很多人很熱沖於此...) 都係菲林機最好, 連 10d 或 d100 都會差d...

賣哂佢?? 你可以, 但最好係買個數碼body.

[dede]

唔好以為"半專業的數碼機種機中，光圈值都能在長焦距中去到2.8咁大", 就可以做到淺景深。

如 Nikon 5700 為例(此機夠資格做半專業的數碼機種機中的代表), 其實際的最大焦距袛是71mm, 而在最大的焦距時, 她的最大光圈袛可去到f4.5, 呢部半專業的數碼機其焦距己是少有的了, 唔好睇那些DC的相對於135mm的焦距數字, 要睇其實際的焦距才是其景淺的基本根据, 咁其他的又有乜可能比此機更好, 而此機也不能做到很好的淺景深, 近距離拍大頭相都還可以,

如你玩開135mm的, 又有了如你手上的設備, 你在轉了全所謂半專業的數碼機種機, 就づ為可以達到你的要求, 你就會好後悔, 就算你願降低你的要求, 也不如你所願。都係保留你所有手上的鏡頭, 另買一部dslr數碼單鏡機的body, 是最合你了, 鏡頭一樣合用, 袛係付出萬餘圓的dslr body便有一部好機了, 點都好過你用成七仟餘的去買一部"半專業的數碼機種", 除非你厭倦了那重重的單鏡機, 袛拍生活照, 風景照, 又唔再要求淺景深, 咁又唔同, 點都係?帶方便很多。

[lpjbm]

　謝謝各位前輩的指教。我都估到有Ｄ問題，因為傳統135片幅的鏡頭，口徑=焦距/光圈值。我支210的長鏡，口徑有成77mm。但見那些大光圈長焦距數碼機，口徑只得46mm，我估計到係感光CCD的大小問題。不過我識Ｄ唔識Ｄ，不知道這樣的變化會對景深產生什麼影響。我其實也不是太熱愛淺景深的效果，不過如果影大頭人像，這確實是一個很常用的手法。
　我想轉投數碼的陣地，其中一個主因是傳統菲林拍攝的結果，有太多因素由曬相的師傅（如果真的算是師傅的話還好）決定。我試過將同一張底片（負片）交由不同人曬，結果簡直完全是兩張不同的照片。有時好師傅可遇不可求。自己俾足心機影出來的相，結果由他人決定，有點不甘心。有想過以後只影正片，不過與人分享甚困難，正片曬相十分貴，而且也有上述負片的穏憂。
　其實也不捨得賣了現有的器材，不過又唔夠錢（亦唔捨得）買dslr。有想過一個折衷的辦法。就是買一個film scaner，影了正片後只沖片，然後自己scan了再用數碼沖曬輸出相片（俾人scan好貴，快圖美沖正片加scan要成80蚊一卷）。不過film scaner都唔平，要成五六千元。若果有film scan功能的平台式scaner 三成千已經很不錯。不知各前輩有何意見。

[stocklaz]

我都會覺得你用film scan 會係幾好的idea. 例如去曬相店只沖不曬, 都係廿元左右. 而film scanner 都唔一定要買到五六千元那類, 那些一張相最大resolution scan 出相會成七十幾八十幾 mb 咁大!!! 一般用家我覺得買五六百美元的那類中價film scanner 都好好 (畢竟自己部相機本身的鏡頭都唔係原廠頂級鏡, 用部頂級scanner 都有少少浪費.) 加上 scanner 好跟電腦產品去流, 好快會out (冇divers 比你跟最新的 os) 所以除非你有很多很多film or 工作需要, 都係用d 中價野好d...

今天有聚會, 自己負責影相, 有一部 slr 連直身, 一部 數碼s602, 用左部 slr 影左半個鐘左右, 一下子唔適應返部 602, 太輕, 手震得強了... 數碼菲林, 各有各好.

[kevin_chiu]

你係經常拍人像, 好建議你肉痛d, 買部10D!

唔係成日人像的, 咁買部717, 7Hi, 5700 依d 2/3" CCD 的都唔錯.

film, 沖印, film scanner(要錢要時間), 加加埋埋都唔少野!

[hkhei]

ccd size影響了景深....
可睇睇http://www.photo.net/learn/optics/dofdigital/

如果你係要淺景深o既話...都係留住你o的器材吧~~
而且...用五千蚊買o既dc，o係性能上(對焦速度、反應等)絕對及唔上你o既eos50...

[dede]

不過如果影大頭人像<< 咁近距離, 半專業級的dc, 袛要她的實際焦距有得50mm以上而光圈在最長焦距時都有f2.8以上, 都唔難做到d淺景深的效果, 5700都有70mm, f4.5。 自己多d留意要買的dc規格, 實際焦距及在最大焦距時的最大光圈吧。

影菲林曬相的金錢就係最大的開支, 袛沖唔曬又真係好想法。現先排除購買 film scaner 的種種問題(金錢和折舊、時間等, 又排除film scaner的品質、性能), 來說說用film scaner的效果。

如用film scaner 就等於影完的菲林就直出,拍攝技術有如影幻燈片, 冇得在曬相時補救拍攝的錯誤, 如白平衡不對, 曬相時也可加filter補救, 暴光唔正確也可曬相時, 用"曬"(即暴光)的時間長短來相就, 雖由曬相機的電腦來定, 也都會曬得唔錯,
但你用film scaner scan 出來的就是原底片一樣, 如要逐張後期用PS執相都幾係野, 如每張在 scan 時調較咁同用ps執冇乜分別, 或更難, 看那scanner的軟件。

除非你影相時加不同的filter來糾正不同的色?, 暴光又準, 沖菲林的時間及藥水的新舊也洽到好處, 否則用film scaner簡直就是痛苦, 如要scan出來的resolution高, 時間又耐, 1:1 scan 出來又細, 要scan到好似500萬的size, 咁都要看那scanner做唔做得到及做唔做得好。

都係曬出來再用普普通通的scanner來scan入電腦仲正, 不過又走返轉頭, 就係"曬相錢"....

[stocklaz]

用film scanner 的確係會用好多時間改相, 但係一般人去曬相店曬相, 都唔會有dede 兄所講的功能自動提供喎. 去 lab 就會有, 間相店都係直出, 太黑的直頭唔會同你曬, 變相係完全冇得改, 又冇得救 (我想就係問者所講冇得控制的原因 )

用 d100 的用家最享受的就是在自己的電腦再改相, 有人喜歡, 有人唔鍾意, 我就一半半, 而film scanner 的速度, 我記得有位仁兄講過, 大約兩分鐘一張film (出相質素係二千萬象) , 是年多前的model, 唔知最新的會否快d.

用普通scanner scan 相同用 film scanner 係冇得比. (仲有, 唔好去快記比佢幫你scan, 個resolution 唔係好好, 好似係 1800 乘 1400 左右...(試過一次, 只作參考用)

自己改始終唔同, 可以代表到你自己的創作, 咁先係你自己的作品嘛...

當然就係看看d 有用過 film scanner 的用家自己的意見,
http://www.pcphotoreview.com/pscScanners/Film,Scanner/PLS_3126crx.aspx

(要用到film scanner 其實都係一個無奈, 第一係d dslr 個body 始終太貴, 第二係現在 dslr 的質素始終同菲林有 d 距離, 價錢與成果比例唔係太好...)

[dede]

我都試過第一次曬返黎d相唔係好, 再拎去同一間叫佢曬返光d或叫佢唔好咁黃咁都得喎, 佢仲叫我下次如有sample就拿給他們作參考會比較唔使浪費時間, 咁即係有得調啦, 而且仲係一小時有取, 咁應該唔會係lab的成品, 拫我所知, 每部不同牌子的電腦曬相機都有佢地自己的軟件參考標準, 也可手動調較的。

[stocklaz]

"自己改始終唔同, 可以代表到你自己的創作, 咁先係你自己的作品嘛..."

這是重點. 最好係自己搞好, 然後叫店直出.

[dede]

我講的是菲林呀, 點"自己改始終唔同, 可以代表到你自己的創作, 咁先係你自己的作品嘛..."
唔通張張scan入電腦, 再執, 再曬? 咁曬出來都未必是好, 而且如果我一影就幾筒菲林(工程工作要用很多相), 咁都幾慘
又唔通自設黑房??

[stocklaz]

係呀dede 兄...... 真係咁玩呀....... 用菲林影完沖左, 然係scan 入電腦改相再出..... 你沒有看錯, 我也沒有打錯字..... d 人就係咁玩啦~~~

不過當然唔係通通都scan 啦~ 通常影左100張相, 最美好的唔會好多, 跟住就集中創作那些.

不過講講下已經唔係個topic 的問題.

[dede]

咁你慢慢玩啦

[lpjbm]

　stocklaz兄所言甚是。即使用數碼機（我在n年前都已經買左部Kodak的280，二百萬像素），我都會自己執相，這是其中一種樂趣。當然，不會每張相都需要執。但一些重點照片經修改後確實能有不少善。
　我考慮緊買Minolta 7Hi，因在此站見它拍出來的相片真不錯。而且一些人像照也能有足夠的淺景深效果。可惜冇得試用，但我唔急，再等耐Ｄ收多Ｄ料再決定。謝謝大家。