[Kiddo]

小弟初到貴境，見有很多攝影高手在此，特來請教。
小弟用 Minolta Dimage 7 於晚間拍攝人像，當時街燈昏黃，用閃燈加慢快門，可做到前後皆清，但人像蒼白背景極昏黃，仿如CG 效果，很不真實，曾試用手動白色平衡令背景變白，但這卻令人像變藍，相信這是街燈與閃燈色溫差距引至。請問各高手有何方法減低前後色溫差距
謝謝

[Philippe]

這個問題我研究了很耐.這是因為前後的白平衡不一致.很多雜誌都教人拍夜景要用大白天白平衡.背景發黃似乎是理所當然.有人講過在閃燈前貼張黃色透明膠紙可解決,我諗佢係指一叠.我試過發覺都要好黃先致可以較接近膚色.
另外加filter有一個好大決點就係濾光之餘都會減光,尤其係咁黃.不單令閃燈輸出大大減弱.亦好難有咁啱色的filter.主體距離遠近亦有影響.主體近閃光燈勁所以要黃D,主體遠要冇咁黃,根本冇辦法掌握.
我最近試在鏡頭前加淺藍色filter.即在閃燈後快速放filter在鏡頭前.由於主體在黑暗中已給閃光燈完全曝光,餘下時間不會太影響畫面,而且今次較色的是背景,就算冇咁準都唔會太礙眼.結果是確可以改變背景色溫但仍有問題.我發覺都要用到好藍先可以完全糾正色溫.可惜filter致命的減光令到曝光時間太長,不適合影人.我又試過較淺色的filter,雖不能完全糾正色溫,致小可令黃到發橙的背景變成黃黃綠綠.另外有個副作用就係有效減小了圍在光位邊有如霞氣的光染.由於有減光效果,通常都要加一級曝光補償.
我覺得相機廠家應該開發有兩段白平衡的機種以適應閃光燈照片.

[sing342]

可在閃燈上加?色片，然後白平衡set燈光級，相信可解決。