[chiwah3362]

本人有部Canon Power shot S50.我覺用AUTO拍的照片麻麻地.但我對手動功能一竅不通.所以得不到令我滿已的照片.有朋友告訢我傻瓜數碼機AUTO都是這樣.因為先天不足.如果我學會手動功能是不是就可以影到好D的照片呢.定是我朋友說學都無用.因為先天不足?????
請各專家指點一吓.多謝

[Excalibur0991]

小弟自問只是半桶水, 但愚以為用手動或者auto並非一張靚相既關鍵, 並不是把模式轉盆擰多一格, 由auto改做manual就會有好既作品誕生.

其實即使用auto都有不小既創作空間. 現在既dc在曝光方面即使在auto都算準確, 況且又可作曝光補償, 又有不少場景設定, 如果能善用這些基本功能, 效果唔會差得去邊. 反而如果你不懂怎樣用手動, 胡亂咁去調教光圈, 快門, 可能反而敗壞了你既相片, 更可能敗壞了你當時既興緻. 始終使用手動要求對攝影有一定既認識, 在你未掌握這些概念之前, 最好還是利用auto帶給你既方便, 而最重要既就是享受攝影既過程.

小弟冒昧舉個比喻, 好像一個廚師, 先要考慮煮個甚麼菜, 用甚麼材料, 要煎, 炒, 定係炸, 然後最終才決定使用邊種刀, 邊種爐具. 所以愚以為閣下可以先從取景, 構圖等方面著手, 主題目標要明確, 先決定要"影甚麼", 然後才考慮"怎樣影". 若從這條路走, 攝影既技巧就會自然慢慢上手. 而且愚以為學習攝影無需圍繞住部相機, 閣下大可以在日常生活時, 即使在搭車, 行街既時候, 多觀察身邊美好既景物與週圍既人和事, 隨身有相機的話就馬上拍下來, 就算無相機在身, 都可以自己細心想想該怎樣構圖, 如何拍攝. 總之, 要學會觀察到別人看不到既美, 鍛練出一對攝影師既眼睛, 對小弟來說才是學習攝影最大既得?. 而我敢肯定這個過程亦會帶給你無窮既樂趣, 以及一些新既體會.

[vaworld]

Certainly yes, many famous photography use fully auto camera to take great pictures.

The most important factor of a good picture is the eye behind the camera.

[大雄的回憶]

我用CP2100影到靚相 ,
之前A60 用auto效果奇劣 ,
有人話A60用手動先可以映出靚相 ,
唔知係未真 ?

[呀超]

我用 MINOLTA Z1，只得 3百萬，真係一般過一般，但o的相要來擺上網及晒 4R完全足夠，手動曝光有須要，光圈對張相的質素影響好大。歡迎參觀小弟的作品。

[Philippe]

只要不是腦埸的超爛相機,不是晒海報的話,絶對可以. 傻瓜數碼機只是創作空間較小, 攝影局限較大吧, 要拍出一張曝光正確沒有缺陷的靚相是沒有問題的.
其實即使傻瓜數碼機也有一定的手動功能如不同測光方式,白平衡,曝光補償等,好多人都全部設定成自動,就咁提起相機用閃光燈一閃就算.於是背光,曝光錯誤,顏色古柽的相通通有齊.咁就話部機唔掂實在係太唔公平喇.

[Excalibur0991]

同意 Philippe 兄所言.
而且小弟認為一張照片的好壞並非完全在於曝光既條件, 反正就算些小over或under亦可在後製中拉回, 而且現時很多傻瓜dc都有曝光包圍, 曝光補償等, 應該冇得賴部機. 站在初學者既立場, 愚以為取材及構圖既好壞, 在照片中既影響大過曝光既準確度, 而且構圖既缺憾係後製時無法補救的. 我記得自己剛開始學影相既時候, 大部份係衰響構圖及取景角度方面, 唔知各位網友是否一樣呢?

[chiwah3362]

多謝各位寶貴的議建及經驗.攝影真是一門高深的學問.多謝各位朋友.

[chiwah3362]

1