[ngankm]

小弟是新手, 用的是Nikon E5700, 影人像又缺乏經驗, 想請問下在酒樓影合照時如何設定相機的"光圈", "快門", "ISO" , "WB" , "閃光燈" 和 "點測光"呀?? 在跟主人家敬酒時又點set?? 請指教.....Thanks!!

[呀超]

快門：閃燈用的快門 ( 不要太慢，會受現場光響 )

光圈：5.6 可以喇 ( 如果閃燈唔夠力可開大 4.0 或 2.8 )

ISO：100 得喇 ( 如果閃燈唔夠力可調至 200 ，小心 noise )

WB：自動得架喇

用閃燈唔使測光架，相機會自動調節

敬酒時都係一樣 ( 自動對焦要夠快 )

還有一點要注意：閃燈要夠強力回電快及用不完的電

[呀超]

更正：( 不要太慢，會受現場光影響 )

如果酒樓有位比你退後，盡可能唔好用 wide 過 35mm，任何人都不喜歡被變形。

[ngankm]

超哥, 我仲想問你閃光燈是否應該教到最強?? 快門1/60 可行嗎?? 仲有你話盡可能唔好用 wide過35mm, 咁意思是否應該zoom小小來影?? Thank You again~!! ^^

[呀超]

閃燈輸出較自動得喇，強力閃燈好處係閃完一次之後回電比較快，可即刻閃第二次，特別係敬酒時，不會錯過機會，廣角鏡 wide 過 35mm變形程度開始嚴重，尤其是相的兩邊，禮堂影大合照要注意這點，無位可退無計喇，因為講緊 100％紀錄相，沒有任何藝術成份，人物要夠光及構圖肆正係需要的，如果因為ｃｐ　５７００　器材所限唯有盡力喇。

[Philippe]

我搭訕一吓,唔好見怪.
內建閃光燈通常火力較弱,其實影擺酒相唔係咁掂,尤其係團體相因相機唔夠廣角可能要離好遠影.至於係咪要開到最強咁又唔一定,否則如敬酒等近距離相會爆光.建議你一定要買枝外閃,否則俾人埋怨相唔靚就唔好啦.
快門1/60 應可避免手震,但用閃光燈不用太擔心快門問題,反而閃燈光力最緊要.
越zoom得多變形越小,但小心光圈會變細,手震影響會變大,需要更快的快門,安全快門最小要有1/焦距,即zoom至100mm最小要有1/00快門以上.所以閃燈一定要夠勁

[icbear]

如果用ISO100可能只 capture 到主體, 但background 會漆黑一片, 若想攞多d 現場feel, 建議可用高一點ISO (200-400, 視乎相片既noise 勁唔勁)。本人用開CP4500, 發現機身內置閃燈既output 是不夠力水的 (esp, 廣角影團體的時候) , 不知CP5700 的表現如何, 如果唔夠火力, 真係要配支外閃了!

以上如有錯請指正!

[呀超]

如果想多o的現場 feel ，要用慢一點快門，高 iso 只會令閃燈輸出減少，因為閃燈根據光圈大小及 iso 速度來決定輸出量，而快門速度再高都不會高得過那一閃，另外較慢門等閃完之後再吸多些現場光，咁咪有多o的現場 feel 囉，高速 iso 對閃燈有幫助，可減小輸出及回電快o的同耐用。

[Philippe]

我比較贊成用高iso多於用長快門,雖然長快門相係最靚, 但先決條件係所有人唔可以郁. 我自問就冇本事搞得掂斑姨媽姑姐喇.
寧願背景黑些都千萬唔好有鬼影.

[ngankm]

請問如果用"夜間人像"模式來影合照可行嗎?? Thank you very much!!

[micros]

其實預設程式都係光圈、快門、閃燈模式同對焦模式o既組合﹐幾時都係自己 set 好過俾個 program set﹐有時 program 係會令係死得根慘。

[Sebuc]

我覺得"夜間人像"模式唔適合o係呢種場合用, 因為所有人一見閃完燈就當得, 好快會走散晒, 唔知原來閃完燈仲曝緊光. 樓上人兄講得o岩, 呢o的場合好難控制.

[ngankm]

小笫真係十分感激各前輩的指點......Thank you very much~!!!