[火焰BaSaRa]

拍攝時光圈越細, 對焦點前後的景物會越清晰
拍攝時光圈越大, 對焦點前後的景物會越模糊

請問以上說法成不成立?

[Excalibur0991]

當然成立啦, 應該冇人敢話你錯. 對焦點前後方清淅的範圍稱為景深, 而閣下提及的現象是攝影入面其中一樣基本技巧.

http://www.dcfever.com/glossary/glossary.php?glossaryID=1

[火焰BaSaRa]

咁好似我下面張相咁, 如果想成張相左右d人同背景都清晰, 係唔係應該用越細光圈越好呀?
可能我用的光圈唔夠細.

http://community.webshots.com/s/image8/2/18/77/120521877nUhkzH_fs.jpg
http://community.webshots.com/s/image9/2/20/13/120522013ztNtRN_fs.jpg

[火焰BaSaRa]

仲有一個問題, 唔好意思, 咁如果我影相時係想每張相都全景清晰, 例如好似我上面影果d相咁, 通常都係好遠咁影台上面表演的人, 可以係一個人表演, 又有時會一大班人表演, d相又要影到背景, 比如後面的主題背景板, 咁係唔係只要我用最細光圈就可以做到呢.(當佢現場光線足夠)

[Excalibur0991]

閣下想要多d景深的話, 光圈當然要越細越好. 但又唔係話一味用細光圈, 景深就可以要幾深有幾深. 景深的深淺還取決於1)鏡頭的焦距 2) 主體/背景與相機的距離.

我估計閣下用的是dc而非dslar. 一般dc既景深都唔淺得去邊, 通常大家遇到既問題係景深唔夠淺, 而甚少會遇到閣下既問題(唔夠深)

其實, 閣下提供的兩張相, 背景都算清晰, 景深已經足夠.

[呀超]

千其千其唔好誤解細光圈長景深、清晰度。細光圈可令景深加長，清晰度提高，但不能與該對焦點的清晰度相比。對焦點與背景不能絕對一樣清晰。

[火焰BaSaRa]

多謝你的意見^^

不過唔知點解, 好似第一張相咁, 中間主體個人就好清晰, 之但係後面d小朋友就唔係咁清晰, 一來我用的是Kodak DX6490, 由於影相位置比較後, 焦距都幾長下, 二來光圈唔係細, 會唔會就係你所講鏡頭的焦距和主體/背景與相機的距離影響這張相

[火焰BaSaRa]

呀超, 明白, 不過有咩方法可以個個都清晰呀, 因為我過幾日又會影

[呀超]

行前小小，用盡 38mm wide ，光圈收細。因為焦距愈短，景深也是愈長。

只得一個方法，如果光線不夠令光圈收不細，只有提高 iso。

[micros]

其實你o的相﹐景深已經唔淺。後面o既小朋友都幾清啦。
係可以試下用另一個方法﹐就係行遠o的影﹐可能情況下最遠﹐收光圈。
因為行得遠﹐人同背景o既距離比例上會短o左﹐我見係o的相人同背景唔係好遠﹐應該無問題。
但要留意快門﹐因為焦距長o左﹐要小心快門速度太慢。
同用 wide 行前影比﹐行遠影o既好處係前面o既小姐用後面o既小朋馳大細比例比較接近﹐用 wide 前面小姐會大﹐小朋友就比較細。唔好處除o左係要留意快門外﹐可以就係現場唔容許行遠影。
睇下你要清楚見到小朋友面孔o既程度係點啦。可以o既兩個都試下。