[hellothankno]

我近派看雜誌，它有一則是DIY相機的介紹，以一個單筒的望遠駁到一部(3x光學變焦)Digital Cameras到，結果可以由3x增到10x光學變焦的效果，我想問大家是否試過????如果真有其事又有甚麼要注意的地方????
這方法用於菲林相機可行嗎????
thxthx

[darrenhon]

無可能啦,呢個世界上無咁便宜既野既.
我以前傻仔就試過啦,我講d經驗比你聽啦.
第一,望遠鏡無可能安穩咁"放"係鏡頭前面,你可能要另外買個腳架黎裝望遠鏡,但係要兩者順利咁組合在一起(包括角度同位置)已經係一大難事.
第二,由於你zoom到好遠,你個望遠鏡同相機既軸心一家要完全重疊,斜少少或另"咩"少少都唔得,甚至你部相機移少少位(少於1mm)都會導致相片完全失敗.
第三,暗角已經係小問題,由於望遠鏡無諗過你會用黎影相,鏡片製作都唔會太認真,就算你克服到以上兩點,畸變,色散等問題將會極嚴重.

[小小生]

我試過,只有鏡頭直徑很小的DC才有可能
而且部DC的鏡頭要和望遠很夾才安得穩
影出來的相,中央部份還可以,但周圍(包括全張相一半)慘不忍睹
如果你已有相機和望遠鏡,玩下可以,但要買就不要試了

[dcnut]

以前見過雜誌介紹用swaroski之類的天文望遠鏡，可於eyepiece部份連接上Nikon995之類的小鏡頭DC，連接後等於將DC架置於望遠鏡上，用來影天上的星形月亮。未知要否另購轉接環，但支望遠鏡就可能已經過萬喇。

[darrenhon]

如果你玩天文攝影又唔同玩法啦.主角係望遠鏡而唔係部相機.
天文望遠鏡又已經係另一個field,swarovski都唔算出名既品牌.過萬其實都唔係大數字.
普通望遠鏡唔好旨意可以影到星星,影月亮都好難接受,因為就算幾百倍既望遠鏡都唔係放到好大,星星都依然係得一點咁大.仲有好多technical既問題.
基本上出面有adaptor可以將相機裝係eyepiece前面,要四五百蚊左右.
我個人覺得天文攝影係玩開天文既人學攝影.玩開攝影既人去玩天文係難好多,而且花既錢都會大好多.

[小小生]

香港的天文攝影世界知名,有些人家裏有過百萬的射電望遠鏡,勁過天文台
所以花錢也是天文數字
要問天文攝影的問題應該去坐井會那些天文學會,清楚一點