[先力電影器材]

http://www.hotspotimage.com/bbs/viewthread.php?tid=7863&extra=page%3D1

[先力電影器材]

兩個都有feedback
原文轉載

發表於 2010-6-30 11:40
話說小弟約了一位model六月廿九日拍攝，咁大約廿號msn同佢傾好拍攝主題、wardrobe、時間、地點等，佢仲主動表示其中一款衫佢無，會自己去買，小弟當時覺得這個model真不錯，做事認真、好有心希望拍攝效果好。
到拍攝前一個星期開始，msn一直唔見人，驚佢唔記得，咁小弟廿五號send個email提佢六月廿九拍攝，留了電話號碼畀佢﹝之前大家未交換電話﹞，到廿八號晚佢終於覆了email，表示無問題，仲買了衫，叫小弟廿九號朝早打畀佢確定拍攝。於是小弟第二朝十點就電話覆佢，以為一切ok~~

中午收到佢sms話，「你會唔會畀番錢我，條裙都唔便…」小弟心諗咩唔便?!，於是打去問佢，原來係唔平，要六十蚊，又話「之前的攝影師都畀番錢架，仲同我一齊買添。」小弟當時實在有點不高興，第一sms叫人畀番錢你，但又唔提幾錢，想點?! 第二，六十蚊係小數目，但一切拍攝所需支出，理應事前說明，而不是買了以後，才提出要影師負責，幸好只是六十蚊！

準備好晒地方、燈拍攝，算了，最後小弟應承。

相約兩點旺角等，正當小弟點幾鐘出門口之際，又收到sms話遲幾個字，於是稍作推遲，兩點四到了旺角，打畀model，佢竟然話「你咁快到咗旺角！」

「咁不如你講實幾點到。」佢又答「我要遲啲呀，你上去拍攝個度先，我到call你。」唯有自己先過去拍攝地點﹝本來擔心佢唔識去，約佢旺角地鐵等，然後的士過去十分鐘搞掂﹞，期間打去了解佢位置，但似乎剛剛出門口。

三點八終於收到電話，「到了~~~」小弟於是搵佢邊度落車，位置喺邊，走去接佢。原先計劃兩點半開始影，預四點半結束，結果係四點有多先開始！不幸的是，小弟之後有約，五點半要離開。model話「約遲啲唔得呀，你個friend咋，點解唔約佢遲啲？」講到好似我有錯咁！這個model真係唔太認識咩叫承諾，守時，只顧住就自己，太自我中心喇！

小弟當時心情開始不太好，時間緊迫，拍了個半鐘結束，心想這個model事事為自己計足，就計足佢。時薪二百，本來預拍兩小時，加裙錢六十，總共$460，現拍攝個半鐘，$360啱數，齊頭畀$400，條裙佢自己要番。個model不斷嘮嘮叨叨，話我應承咗人畀錢…小弟不禁較重語氣對佢講，「你遲到、遲幾多又唔講清楚，如果我唔打畀你，我係咪要一直企街呆等！你打亂我的schedule，浪費我時間，邊個賠畀我」佢竟然話，「我講咗sorry囉，我認我係慢，女仔整嘢係慢啲，好多model都遲到架喇…」

為甚麼可以這樣，這個model推卸責任，滿口不知所謂的歪理，錯事多人做就變無錯?!自己慢但又唔預早準備?!小弟問佢，我朝早十點就打畀你confirm拍攝，你無起身準備咩？佢又堆出令人聽到想爆炸的理由，「我要瞓覺呀，我尋晚好夜瞓，我好眼瞓呀，你知唔知？」小弟真的不知道，有責任要知佢尋晚夜瞓好眼瞓，我只知你接咗job，就有責任做準備，要守時。真係無話可說！

最後，算了，我給model $460結束拍攝。

http://www.dcfever.com/models/view.php?id=1747


個model feedback
發表於 2010-7-1 04:27
琴日的事我是有錯 我會認 我係有唔岩 Sorry
但整件事都不至於你說的一樣 刪刪減減把整件事都說得過份了
我自問無你講得咁差 態度無咁惡劣
事實上 我已經提早一個多小時 通知你我會遲一些到 而我都無你所講咁遲先到達
一開始你沒有交代清楚拍攝地點 只約我去旺角等 我出門口去到地鐵站先收到sms話去土瓜灣
土瓜灣地鐵去唔到 我又要即時折返去搭小巴 已經浪費了不少時間
到左土瓜灣又幾經波折才meet到你 步行去拍攝目的地又費了不少時間
到達後 大家又要準備一輪 種種原因才會導致4點先開始拍攝 難道用在這裡的時間全是因為我遲到？你這就忘記了?

一早在拍攝前 我們已講定拍攝fee是以job來計算( $400/job )
而不是用鐘數來計算 再者 我的收費不是$200/hr 這點你應該比我更清楚 因為我已經收平了很多
正因為以job來計算 我已強調如果真係因為我遲到令拍攝效果唔好會俾你補拍
因為無可否認真是遲了開始拍攝 亦沒有拍夠大家共識的鐘數 記得當時你仲好樂意話無問題
但點解宜家又要將成件事講到咁樣?
臨走果陣 可能大家講野語氣都重左 事實上 大家都有做得唔夠好的地方
但當時你都主動提出不如大家都唔好咁勞氣 但點解事後你又要在背後搞到咁樣的局面?

我只能夠說 我有錯 但不是完全是你所表達的
如果我有不是令你要當眾鬧我也請你將整件事情原原本本的講述 事實的我絕對承認亦會道歉 但請勿斷章取義
錯我唔怕認 我會講sorry 但我都希望你以後話人前時把全部事實說出來
希望各位都唔好誤會我的為人 thz


個影師亦留言
發表於 2010-7-1 07:00
Daisy，其實你講咁多，你最緊張都係最尾個句「希望各位都唔好誤會我的為人」，你sms話聲譽對model好重要，咁你就應該努力做好自己先可建立聲譽，我無意與你筆戰，打爛你的飯碗。不過小弟翻查msn history，確實老早跟你說了拍攝地點，你唔係只看了小弟25號send給你confirm拍攝，約實你旺角等的email，而忘記之前msn傾過的內容嘛?!一個正常的model，都不會只知約邊度等，而不問拍攝地點就出來應約！煩請翻看msn history。
拍攝費用方面，同樣請翻查你的msn history。
你話「因為無可否認真是遲了開始拍攝 亦沒有拍夠大家共識的鐘數 記得當時你仲好樂意話無問題」難道你想小弟發顛咁喪鬧你乎?!面對住你不斷話「電話講咗畀裙錢又唔畀...」坦白講，小弟有一刻真係想鬧你，但咁做亦不恰當,唯有又收番肚裡啖火，話唔好咁勞氣。
你話俾我補拍，小弟想講合作係建基於互信，雙方存在不滿如何補拍?!請不要天真，處事不要一廂情願。
另外，錯當然要認，但更要識改，只認不改有何用，更不知所謂。
小弟言盡了，不再就此事留言了。

[miracle1026]

話邊個"好多"model都遲到話???

[loverceci]

= =遲到根本就唔岩..
應該要真心say sorry..
其實唔係個個model都必然遲到的,
1,2min我覺得冇咩問題.
但過左10min就有大問題,個model要反思下!!!!

[lizzy_mi]

自我中心的人，就讓她跌多幾次吧，也許慢慢地，她會成長起來。

[vincentma1207]

我之前同佢合作過又無咩問題bor
佢d態度幾好又幾nice
人誰無過呢 而且佢都多次sorry
值得俾機會吧

[阿伯影女]

唔值得俾機會，因為作為一個消 費者，另文章太長，無心機看，如有問題可即時走

另香港大把這些無良 model ，被龍友影一些相以為自己可出名 ，至於有人說" 之前同佢合作過又無咩問題 " 的話是廢 話 ，依種女人有油水自然準時 ，不會經常發生造案，有些model 更想用影 相作為援 交!!!!