[andrew]

貪錢 means 你明明係收開 X 咁多錢既, 而響冇改變過其他因素既情況下, 你就想收 X + a 咁多錢.. 咁你就係貪 a 呢個錢
保持質素即係唔想亞 a 又話影, 亞 b 又話影. 留返比兩三類人影.

1, 影會/活動主辨者要有一些 sample 相, 攪活動時用黎比人睇 (試影)
2, 攝影者參加外影活動時影 ($)
3, 攝影者私下與model 約定的私影 ($)

2 & 3 為什麼要收費呢?

1, 如果你唔收費比人影, 主辨者又如何攪活動收人費用? 因為其他人已經可以直接找 model 免費影了.
2, 一直咁落去, 會形成一種 model 就是免費的氣候, 咁樣會令一些高質數的model 也不想做, 變成只有一班條件比較差的model 不計較金錢去讓人影.
3, 攝影者方面, 如果是輕易已可以影那些 model, 便可以不用太認真去影, 因為一點損失也沒有(特別係 DC)...

如果以為做免費 model 可以成名, 你打錯算盤了, 免費 model 不嬲都有.. 現在有.. 以前都有.. 那個是出名的???? 一個都冇 ^_^ 其實十多年前業餘攝影的 model 都是免費的.. 影會活動是只要分擔車費的, 但當時的 model 質素和現在的相比是很大..

所以model 們好應該反思.. 想想自己想行一條什樣的路.. 想呢個世界變成什樣是你自己做成的. 小弟只希望一直有好質數的model 影.

本來小弟是想三月份攪個外影的.. 但因為所找的 model 要做免費model, 相信都攪唔成架喇.. hehee..

[talie]

yeah~~我覺得呢個topic真係應該講下~

你三月想搞外影?
有model肯免費幫你手,我諗你應該會好高興喎~~

[andrew]

如果咁樣, e.g. 是但搵幾個免model.. 免費外影.. 一定好多人參加啦. 咁樣你認為如何保證所有攝影師都是認真地去影model 呢? 兒戲的我不想呀.. 做model 的會希望被不認真的心去影嗎? ** 我也打算請化妝師呢 <-- 唔通又免費??
我認為金錢是一個不錯的測試方法去証明攝影者的誠意. 講真業餘model 收的.. 是有限錢啦.. 又唔係話幾萬.. 幾千蚊影一次.. 哈哈.. 其實係車馬費. 一點心意啫.. 哈哈..

p.s. 請問 flora 姐, 免費做不做? hehehe

[Flora Wong]

唔係嘛! 我做 Model ?

我都話係專業化妝師喇!
唔會做任何公開模特兒的.
可況我更沒有這個條件啦!

未玩我呢!

[andrew]

免費專業化妝師呀?? hehe

[Flora Wong]

免費有代價的. 你話呢?

[Melody~~]

但係有些攝影師未必肯比錢new model喎~

[eric919]

我覺得睇大家點睇啦,你話要比錢,大家冇必要搵你影(top model另計)
我覺得係睇人黎收囉,仲有收錢唔好太貴,因為攝影師比你個份,又要晒返相比你地,如果比著我要我比錢影,我晒相比你都一定唔多囉,條數都係一樣姐

仲有model係講名氣的,有名的model當然要收錢,但係人都話要收錢的,攝影者都會倒轉黎諗返,係唔係都要比,咁不如搵個top model影啦,起碼model唔駛你教乜都識晒,仲有如果係model都話同我講收錢,咁我影少日算啦,我鍾意影相,為的係興趣,影少個冇所謂

如果收返少少車馬就唔過份,獅子開大口就唔好啦,咁只會做壞自己個名,收返D車馬用黎買化妝品同衫我覺得都冇問題,好多時model同我地去影相都當係出去玩一日姐,大家都係為興趣而開心,又何必斤斤計較呢?

如果係攪活動收人錢的,咁我都覺得好應該比返份model

P.S.如果我講左D令大家唔鍾意聽的野希望大家唔好介意

[eric919]

Flora講得冇錯,免費有代價的,化妝師有代價,model一樣有代價,好多時就算係model公司的model,想多job做同多人識,好多時影廣告硬照都冇錢收的,咁咪當係sale自己囉,咁sale都要有個目標,唔係本本雜誌都影的,就好似而家大家講的話題,免費唔免費黎人囉,新model始終都要有第一步,第一步就講錢又會唔會有人理你呢?除非好似天仙咁靚咁我都冇野好講,不過都唔會比大家影到,是否應該收費見人見智

[Melody~~]

咁eric你覺得私影時model應該收錢嘛?如果要收應該收幾多才合理?

[Sammanfish]

我覺得new model應該出多d外影~
or影d靚相出黎,等多d人識&識做下d pose先至收錢(如果唔係根本冇人會理!)
至於車馬費我都覺得應該收ge

[andrew]

其實你地自己定左自已個位.. 哈哈... 我冇野好講...

[andrew]

melody 可以收 $1000 一個鍾. Sammanfish 可以唔收錢等出名啦..

[Sammanfish]

如果一個新model你可以收得咁貴而有人理你o既話我冇說話好講!!!!!!!!!!!!!!!!!!
係呀~我蠢呀ma!
有錢都唔去收呀我!
\ . /
原來所有野都係我錯!!!!!!!!!
你地鐘意啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[李尋歡]

同你有冇經理人合約呀,
冇就人地有自由收唔收,
關你叉事咩!