[Ｃ/\/\}}]

Szelam.com 將會重新開將，特別舉辦人像攝影活動與大家分享我的喜悅。

主題 ： 烏溪沙水著活動
活動日期 ： 2003年6月15日(星期日)
活動時間 ： 2:30pm-6:30pm
集合時間 ： 2:00pm
集合地點 ： 馬鞍山公園正門
活動地點 ： 烏溪沙
模特兒 ： 四位Models ( Sze Lam、Kathy Fong、WaiWai、Yoki)
化妝顧問 ： Meggy Li 及 Maggie Yeung
參加人數 ： 名額 30 人 (不包括工作人員 )
報名方法 ： 詳情請到 http://www.szelam.com 查看

[亞典波羅]

clam 姐:

其實我唔會參與今次個水著活動, 不過有些問題想向妳查詢, 如果你認為答到就答吧, 答唔到就當唔知就算, 我唔會追問.

1. 太貴:
$130 共 30人即合共 $3900. 除了妳有點知名度外, 其餘三位相信未必及妳專業, 但是價錢好似幾貴, 車資及食物都需要攝影師自備, 而且只是影得 4
hrs. 少得太少, 咁計每個model $400.化妝師每人 $300. 餘下 $1700
再減去妳地乘車食飯 $700, 都還有$1000, 為何不可減減價, 每人 $100, 又好計, 既能帶起其餘三位model知名度.大家都得益!

人地5月份活動都係$100.00仲影一整日, 請按入黎睇睇, 仲有 CP 夏日色彩都係$100.00, 另外 andrew 個"實踐人像攝影新趨勢", 你同 talie, 都係收$68.00, 老實講, 真係貴左.

2.為何需要 ID NO?
我認為無需要. (除非你話非法入境者唔玩得啦)

3.為何要交相?
攝影師付了金錢, 理應拍攝完成後彼此交易已完結, 妳收得錢, 是否我交相也向妳收錢, 既然條文內說明不能與model有任何聯繫( 包不論電話號碼/ICQ No./Email或其它方式 ）, 這樣証明大家沒有什麼感情可言, 只是一種交易,如果model需要取相片, 攝影師收回費用都很合理!

4. 為何不可以使用攝錄機拍攝?
可用數碼相機但是又不可用攝錄機, 妳可知當今世上可拍無段 movie的相機多的是, 請問妳怎樣 handle 這一 part 問題? 感覺自打咀巴!妳認同嗎?

如果答到就最好, 答唔到就算數.

[vasco]

130蚊甘貴?夠我用成個月拉~~~~0_o

[jackngai]

咁你任何外攝活動都唔駛參加啦, 次次起碼一百蚊, 都夠你食三個禮拜, 開飯要緊, 以後都唔好洗呢d 無謂錢呀, 知冇?

[Suni]

其實呢個世界係無免費午餐，亦都無不勞而獲。
我也認同Jackngai兄的講法，以你的情況，開飯要緊呀!!

[隼佬]

嘩∼　我一日車錢都去左四草喇
而家香港地可以一日用$5呀？
我真係好羨慕你耶∼　

[jackngai]

我諗佢係二十年前o既人黎, 唔覺意黎左2003 年...
1983年o個陣, 我學校一碗雪菜肉絲米粉只售港幣1.70元, 好抵食架...

[SMM]

嘩! 時光隧道!?? 正呀! 捉佢去驗下好喎!

[ptang]

奇怪！？

『為 維 護 主 辦 人 之 利 益 ， 所 有 活 動 照 片 張 貼 於 其 他 攝 影
網 站 時 必 需 註 明 為 " www.szelam.com - 主 辦 的 攝 影 活 動 "
之 攝 影 活 動 ， 違 者 會 被 警 告 或 取 消 會 藉 。』

『參 加 者 必 需 繳 交 每 位 模 特 兒 不 少 於 ５ 張 （ 3R-4R ） 相 片
， 交 相 方 法 將 會 稍 後 公 報 ， 而 不 交 相 者 將 會 Black List
處 理 。』


比$130影相，又要至少交5張相，post相又要列明在szelam.com參加活動時拍，否則會 被 警 告 或 取 消 會 藉， Black List
處 理 ，生平第一次聽有這種規則，奇怪！！！？？？

[三失青年人]

唔知窮是否有罪的呢？窮人就不可參與攝影嗎？窮人就要比D所謂是人型物體串呢？
D成日吹水買貴器材，但又影不到好照片的人，知什麼叫做窮嗎？

咁又係!D無口德心術不正的人，見人惡D就好言解釋，在這面就第二張面串人，只懂一開聲就破口大罵的人，，在又點會影到好的照片。

[vasco]

三失青年人,你真係一個好人,而家都好少見囉..T___T..

[Digital_Magic]

我想代我自己答問題 , 不代表替任何人回答呀 !
1. 活動費要比平常時或其他會貴 , 有幾點值得考慮的 , 第一 , 這是第一次活動(吧?) , 需要多點經費去支持運作掛 ~
或者他們會用餘下的錢去買道具如反光板 ,太陽傘吧 ?
第二 , 他們好像沒有說是"非牟利"團體組織 , 所以要收多少錢賺多少都冇得過問 , 只可以說"你情我願"吧 ~第三 , 水著喎 , 唔係有好多女仔肯穿水著比一大班唔識的男人完全圍住 , 目不轉睛地望住 , 所以她們收費多少少都好合理吧 ~

2. ID NO 之嘛 , 又不是 香港身份証號碼 , 大不了咪比 "007 JB" "1997 PK" 囉 ~

3. 哩樣我都好同意 , 比得錢就無需要再規定要交相 , 如果是免費的話就唔同 , 交多多相都冇問題 , 如果模特兒真是非常需要 , 可以留下聯絡方法給交相者 , 好公平丫。萬一真是非交相不可 , 大不了咪唔交囉 , 黑名單之嘛 , 下次用另一個名參加囉 , 又唔會 check DNA 既 ~ take it easy

4. 禁止錄影 , 可能怕有人做老翻出 VCD 買街掛 ~ 好老實講 , 大部份規則都是抄自其他攝影會的規則 , 點解要禁哩樣果樣 , 就真係要問訂出來的人啦 , 不過 , 好公度 , 話明" 不 可 以 使 用 攝 錄 機 拍 攝 " 即是話只係禁用"攝錄機 video recorder" ,你可以照用有攝錄功能的DC 拍攝~~
唔 ~訂哩個規定既人梗係怕有人用部 DV 當 DC 咁影相啦 , 事關現在的DV 都有百幾二百萬CCD攝影功能 , 話唔定真係有人咁做架 ~

[jackngai]

唔知窮是否有罪的呢？窮人就不可參與攝影嗎？窮人就要比D所謂是人型物體串呢？<<<<<<

窮係冇罪o既, 不過o係人地個活動公告度玩野就唔係咁好啦, 130蚊夠用成個月?? 大家問良心啦, 英鎊都未得啦下話??

D成日吹水買貴器材，但又影不到好照片的人，知什麼叫做窮嗎？<<<

咁睇黎你都知窮, 你都應受得到 130蚊用一個月係點o既景況咁喎, 俾個list 黎, 列出點130蚊過活啦, 我真係好想知呀, ............ 130蚊 用成個月呢句野, 究竟係真話, 定係要黎玩串人個topic 呢?? 請你証明一下啦.............

出面好多人買Benz 跑 架, 但都冇乜技術, 唔通你又睇唔過眼?? 憎人富貴厭人貧, 咁o既態度係唔得架, 明嗎??


見人惡D就好言解釋，在這面就第二張面串人，只懂一開聲就破口大罵的人，，在又點會影到好的照片。<<<<<<<<<<<

因為 呢次「惡人」問o既問題雖然尖銳但有point, 可以正面答 ; 但 130蚊用一個月呢.....就係一個係人睇到都知係玩野o既句子。抵俾人串丫..........

破口大罵就影唔到好相咩, 咩logic 呢, 好似你d 講野冇point o既, 都唔見得一定冇佳作o既.... 大家客觀d........你一張作品都冇post, 真係好難睇得出你係咪影得好過d 買貴器材 o既人個喎.........

黎啦, 咪得個吠字.........post 作品大家交流下先講啦.............


vasco, 你覺得俾人串錯, 你咪出聲囉, 大家都係關心你生活, 先叫你唔好參加攝影活動唶, 你冇左130蚊, 成個月冇飯開, 會餓死架嘛....

[三失青年人]

一睇就知係無品之人，大家都是人，開口就用吠字，狗眼看人低。

本人自問影出來的照片，不算佳作和大多數是，家庭生活照和友人的照片，不便上傅，但一張照片好與不好，都可以看得出來的，也無必要像其他人，什麽也貼出來，浪費此網站的資源。

vasco 想問下你居住在何地???

>>D成日吹水買貴器材，但又影不到好照片的人<<
此話是看完D"日日吹水講器材的Topic，再看他們的出品"，將D明知有明顯問題的照片上傅，表現Model不美的一面，這就是推動攝影嗎？我看了才會咁講，我從未講過話係你，又何須動怒呢??

還有"這個網站有明文規定，要有上傳照片，先可以在討論區內發言的嗎?"
難道你是這網站的站長????如果不是的，你都......

這是別人的活動Topic，不是用來合黨串人和討論個人觀點的地方，更不是搞罵戰的場地。如不是搞事者，就不必為小女子以上言論，作出不必要的回應了。

[jackngai]

邊有動怒呢, 你自己小器唶,

你講到人地點點點唔好, 咁人地梗係期待你講野係有point, 言之有物架嘛, 點知你自登記以來一張作品都未登過唶.........

既然你唔post 相o既理由咁 冠冕堂皇, 講得咁好聽, 咁大家都明o既, 以後唔迫你post 相就是啦.........

你話人浪費資源, 又的確係的, 呢點我都認同, 因為認真講, 早期好多相連自己都未識分好壞就post 左上黎, 而家見到都想剷左佢架...........難得你咁為網站著想, 一張都唔post...........


這是別人的活動Topic，不是用來合黨串人和討論個人觀點的地方<<<<<
呢點我好想好認真咁答下你, 唔該你睇清楚邊個在玩串人個 P , 邊個在搞事, 邊個開始在此批評topic 以外的人和事..........所以, 你唔可以怪我用吠黎形容你......

vasco , 你又 cp3500, 又 F100, 以為咁艱苦o既生活, 睇黎真係儲左好耐錢喎.......係咪因為儲錢買機所以先至咁慳呀............但你個興趣係 電單車喎, 咁你點算呀, 130蚊都儲起埋都唔夠俾油錢喎, 莫講話要買啦, 除非你興趣只係睇電單車啦...

你居住地方可以上到網, 照計都唔係咁落後丫, 我真係有興趣知你 130蚊點用一個月, 你講講丫, 唔好唔出聲收收埋埋啦, 分享下都好丫...