[sktim]

「城市漫遊者 ─ 社會紀實攝影」
香港文化博物館
專題展覽館〔五〕及〔六〕
2010年6月20日─2011年1月3日

唔知有無C兄去參觀過呢? 小弟就去參觀過但好失望同摸不著頭腦。
作品同主題既差距好大，作品好多係藝術創作多過社會紀實。“紀實” 係記錄真實，” 社會紀實” 對我而言係記錄社會真實、人性一面。如果主題係藝術攝影展，我會抱唔同既角度同期望去參觀攝影展。係香港想睇社會議題既影展已經很少，今次展覽我諗主辦單位真係要諗諗。

[poppop8]

攝影係一個影像傳意既媒體。正如音樂用聲音，文學用文字..etc。

所謂「社會議題」，唔係去拍一堆人遊行、拍低下階搬貨、拍close up起晒角既面部表情就叫真實、人性(當然呢個可以係方法之一)。作品是否傑出，除左考驗攝影師既傳意力外，觀眾本身既修為亦緊要。

是次展覽作品之數量仍非常可觀，當然部份作品其實已係某些攝影師既代表作，見慣見熟，而且某些種別既深入度亦有不夠，但係，呢個係主題聯展，攝影師唔係特登為呢個主題去拍，所以有湊合感覺亦可體量。

就Dick Chan或Michael Wolf拍既城市景觀對急速既香港發展都帶有d深思性。尹子聰、又一山人等著名本地攝影師既作品亦非常唔錯。在我而言今次展覽屬中上。