Kenji 工作上很多時也會接觸小朋友，攝影工作中也特別愛影小朋友，雖然這種攝影收費當然不比廣告收費來得好，但勝在很有挑戰性！
專業模特兒給你的是專業，但如果對象是不認識的小朋友，我相信絕對不易。因為你會有很多預算以外既事情令你需要處理。
今年第一影竟是小朋友......哈哈！
其實也認識不少爸爸媽媽，在生了小朋友之後就加入了單反行列，去影小朋友，不過有時也偏愛去找專業攝影影一些所謂家庭照。
小弟也曾於呢一類影樓工作一段小時間，而且也曾經從事幼兒工作接近4年之久，所以對於呢d 小魔怪，絕對有一套方式，特此同大家分享下一些小貼士吧。
首先在現場播些兒歌(如果無，建議到iTunes Store 找找 一系列叫<Kids A Song> 的Apps 好多歌仔免費的)
如何可以吸引他們是一個大主題！(有些小朋友可能對於聲音特別敏感、有些可能是大公仔)
所以為何一般影樓都有這些道具，如果去影樓的話，建議帶些小朋友常玩既玩具，因為陌生既玩具對於他們來說其實不太吸引。(特別對於年紀較細既小朋友)
現場閃光燈，最好先多閃幾次，讓小朋友有點習慣才開始，在家的話，小朋友可能會好一點。小弟曾經影過一些小朋友一閃就喊，但影過一些小朋友一影會笑！
如果想令小朋友的眼睛影來更有神，可以考慮在鏡頭前加一塊 中間有開口位的迷你返光板。
家中幫小朋友攝影的話，閃光燈緊記加上柔光，以免直接閃BB 仔！
攝影師與小朋友之間的關係更為重要，因為對於小朋友你是一位陌生人，他/ 她需要時間去與你相處，科技的進步只要有部iPAD 係手，好快可以同小朋友混熟，當然有些小朋友的興趣比較特別，圖中既小B 囡對於菲林機極好奇.....所以小弟就借出相機俾佢玩下啦！
攝影時間不能太長，如果小朋友未足一歲，建議下午時間他們會比較活躍，而且不要拍攝太耐時間，因為他/她 會扭計，有時一喊就不可收拾。嘗試低一點的角度......陪著小朋友一起"Look 地沙"，你可能會發現不少有趣的畫面及角度，因為當他們專心地玩玩具時，無論發生什麼事 她/ 他們也不會理會的。
你拿著相機叭下來，佢係會俾反應你的！
希望這一些小貼士，可以幫到想幫小朋友影相既父母啦，不過筆者也強烈建議大家，可以搵專業攝影師幫忙(例如找小弟....哈哈)，因為這樣就可以一家大細一起分享攝影家庭樂既樂趣吧，而且爸爸媽媽都可以一齊影靚相吧。
Katrina Wong 影完相幾開心笑得！
如喜歡我的文章，請給我的專頁一個讚: https://www.facebook.com/KenjiBWorld
