最近Canon 有一個廣告，強調超輕的單反，以一位肌肉型男，再加以攀爬作為背景去指出輕量化的重要性！
說實點在上山而言，的確重量往往是一個重點，很多時我們在登頂也盡量偷輕裝備，不過今天不是探討這個問題，而且崖上攝影的分享。
一般來說香港沒太多山崖給我們去挑戰，但很多攀爬愛好者都同樣想影番張靚相去留個記念，近年更有攀岩教練開始將攝影原素加入Pre-Wedding 之中！
就小弟之前的文章所提及，其實繩索既運用，在崖上攝影真係好有大幫助，起碼可以讓攝影師既心理素質安心一點。
一般來講，教練在崖邊會企到比較出既地方去教導學員落腳，但教練同樣身上都有大量的繩索以確保安全。
但試想想，那為什麼大部份大家看到攀岩或沿繩的相片都只是在上面影落來.....
即係好似以下既作品
但係多數咁樣影既話，未必可以反映到最正既風景，多數大家會想，如果可以在側面影既話，或者會影得更好的構圖。
但作為攝影師來說，有誰會願意帶著數萬元的器材裝備到崖上拍攝?
當然除了影人之外，崖上的風景也是絕美的！(值得試試！)
事前既準備是少不了，當然攝影師們最好先接受基本既繩索訓練(可以問下小弟嫁！)，即使沒有工作需要上可以邀請相關教練協助，用器材下降！
心理素質好緊要，頭盔、坐式安全帶是基本....
但係如果諗住影得耐，我建議大家用全身安全帶，因為會無咁辛苦
請把你的相機帶解開，因為頸帶會令你有很大的危險！
在兩邊的扣扣上相機帶的位置，留意可以買一些有鋼索在中間的，2邊都要扣好，別忘了2邊都要平衡扣於自己的安全帶！
當然要再加上專業鋼扣以負擔相機既重量！<一般專業攀升的鋼扣可以負擔 22 公噸的拉力，所以大家放心點！最緊要係扣落腰要平衡>
手帶是必須的，因為可以減低大家半空脫手的機會。
手套選擇方面，可以選購開手指的，因為你按快門會方便好多！<筆者用呢一對專業手套都係 $165 好抵！>
沼繩下降到安全既位置，緊記要<鎖繩>，因為即使係器材都一樣會有危險既時候，所以要確保自己300% 安全！(點樣打結? 當然係問下我地專業人士啦！)
企定定就可以開始攝影了。記住......下次加番手帶！唔係好危險，另一方面，如果有閃光燈，建議先扣係身上，固定好自己再加閃，因為以免我們下降時大風而引致我們唔小心向岩壁"Say Hi" 咁就唔好啦！
坐式安全帶，大脾會比較疲倦，而"AB 下降器" 在吊左一段時間之後，可能會拉得太緊，鬆繩落崖時會有點難度，所以各位記住唔好吊咁耐，要休息一下去再繼續。
這是其中一位教練在崖底幫我拍攝的！
戶外活動只需要做足安全，相信可以享受更多樂趣，在崖上攝影除了挑戰自己的膽識之外，更需要有很大的能耐，在此介紹如果大家希望有呢方面既學習，請先請教專業教練的意見，從嘗試中學習，咁我們就可以繼續去挑戰大自然，拍攝更多美好的風景！
如喜歡我的文章，請給我的專頁一個讚: https://www.facebook.com/KenjiBWorld
如果大家有興趣呢一類型戶外學習及攝影主題，可以電郵與小弟查詢！
kenji@ws852.com
