在書店看到這本書,當堂眼睛都突了出來,然後由心爆笑！嘩!咁都得！乜唔系＂冇着衫,妹先正＂又或是＂厠板對了，大便就正＂！再看真英文書名，其實叫… (自己睇相)！所以我相信只是台灣翻譯本的鬼馬書名而已！不過我也有打開來看，唔係睇下D光對不對，亦冇理增田賢一先生啲光對不對（之前也沒有看過增先生的著作，亦不知增先在魚生國是否神級攝影師),係睇下D妹真係正唔正先!
但世界上咁多種光源:日光,Flash, Led,燭光,iPad,火柴,電筒同埋瑩火虫等等！邊種先？
但這也是一個好問題，係咪真係光對了，妹就正先？那麼用日光影連詩雅對腳對不對？咁如果用瑩火虫影又對不對先？！點打燈先正？
所以其實光那有對不對，只有打得靚唔靚和用得適不適合！咁當然如果打燈適得其法，一定是有幫助的，如果唔係咁D ring flash ,soft light reflector , para, soft box , umbrella , diamond boxes ,strip light , fresnel要嚟做乜？
OK 講返影女,其實影到啊妺正唔正，除了lighting以外，還是有很多方面要留意的，例如makeup artist的化妝能否適合啊妹，啊妹拍攝當天的狀態，hair stylist ,styling的配合，更重要的是攝影師能否和啊妹溝通得好，拍攝時的氣氛，location的選擇，與及鏡頭運用等等成千上萬的因素.其實運用光只是一張攝影作品其中一小部份而已！客戶來找你影相也不會硬要你用什麼光源的！用不用光,什麼光是攝影師的事! 不要為打燈而打燈,飛燈而飛燈!
所以如果真的只是光對了，妹就能拍得正，那就太方便了！
