行山輕巧之選 – Vanguard Nivelo 214

話說有老友記知小弟成日攀山涉水，早排買左支新腳借來用下。 講真對於d 唔多熟既牌子真係唔敢亂試，一陣大風吹連架帶機飛走就唔好啦，不過見到佢個樣幾靚仔，一於帶佢行下山。
老實講，上山用既腳，一向以輕巧為主，特別有時帶隊都真係幾麻煩。 所以好多時情願真是唔帶腳架，但已經試過好多次因為無帶腳架看到有"繁星"既日子，真的是刀仔插心口。 講真，呢個牌子小弟真係唔多認識，聽講係外國牌子，都係果句，唔係國產感覺可能好DD 吧。好多時上山都帶上D7000 加支死馬17 - 70，試過好多百零蚊細細支果D ，我諗真係唔敢放部機上去，個背包壓彎左都試過，真係千奇百趣。
3節扭既設計同埋反摺，令到佢細左好多，不過當然一樣有一般細腳尾節俾人唔夠力既感覺，不過在草地上用都算OK。

同一般細腳一樣，係分唔開個雲台，不過咁佢都算有良心的設計了，都好易扭(可能因為新啦。)不過放部單反落去感覺都OK 安隱，所以應該問題不大。


不過我覺得好穩健都係咁玩，因為將所有力都向下，而且有利於低角度取景，呢個設計反而值得加分，最重重點係價錢好吸引，聽呢支腳既主人講，呢支野好似唔駛$1000，官方價好似$900 幾，但明顯落到鋪頭應該都唔駛，呢個價位平成咁真係點都要推介下。

最搞笑係在山上試玩呢支野既時候，有行山愛好者走來問我係邊度買，我話其實支野我都係借人地，睇來可以叫我老友記搞番個團購都得。有好野當然係開心Share 下，來緊又係行山既季節，睇來我唔會還支野俾佢住囉！

但係我明明上官網見到有黑色，其實我覺得黑色Pro D 囉！ http://www.vanguardworld.com/index.php/en/pv/products/photo-video/detail-1-4-Tripod+with+head-896.html