有幸獲邀參與珠海ZIC 國際賽車節的攝影工作，更可以試玩下公司支新腳架，雖然有點重，不過原來幾好玩，感覺有d 似打緊WarGame。
不過今次真係幾好玩既一個體驗。是前當然是要做好準備功夫啦。
晨早流流就帶著相機在晴朗的一天出發。原來香港去珠海都唔係好耐，大約70分鐘船程左右，平均1小時會一班船，但晚上尾船就2130，趕不上既朋友仔可以選擇坐大約$40 人仔的士從"拱北"經澳門玩玩或再返香港也可以。
去到碼頭已經見到司機舉牌接小弟，同行仲有由香港過去既另一位急救隊成員。
去到第一件事係要拎證，因為對於媒體方面都幾嚴謹，檢查身份證都搞左好耐，可能因為是國際比賽罷了。
之後佢再提我一次，小心唔好行近賽道禁區，會很危險的。
由於比賽未開始，當然是四處遊走一下，
呢段時間是工作人員既工作時間，為比賽既車作試圈、調整，同樣有部份VIP 係可以係維修區參看，一睇就知道上圖既小朋友係一位VIP，而作為攝影小記既我，就要搵下位，而且每一場比賽，我們大約只能找1、2個位去影，因為唔同既比賽都好，比緊賽時間我們基本是不能換位置的(所以必須要選定外圈、還是內圈！)
大家想知道攝影師既代步工具嗎?
其實小弟都有電單車牌，係可以在內圈自己開車，不過由於未能安排電單車，而且拎住很多野，我選擇了司機！
沒有司機哥哥，我諗我要行了，哈哈。
選好位置，SET 好腳架就要準備影相了。今次首次試用呢支腳架，其實本來係公司同事要來拍野用，因為佢有一個勁有趣既設計，就係好似把槍咁，而且可以拉條線連結相機，係影賽車時Pend 鏡應該一流，因為佢Lock 死左之後，一拉手握就可以即時鬆開既設計，對於運動攝影真係好有幫助。
由於佢支援Canon 同埋Nikon 既快門線位，所以5D Mark3 及Nikon D4, D800 等既機都可以用上，而且連拍很順利，一按下唔想放手既感覺，就好似自己打緊WarGame 咁亂槍掃射，很不錯的手感！雖然支腳架係碳纖腳，不過中軸係非碳纖，所以令到腳架重量增加了。經過呢次，小弟開始留意Vanguard 呢個牌子，原來我果日用果支野，係TIPA 2013 既最佳腳架 - AEBO Pro 283CGH，真係有眼不識泰山了，哈哈 。
講番影車，好多網友會好奇，為什麼在光線充足的情況下，影高速的賽車仲要落腳架? Kenji 你一定係傻左
相信不少網友都聽過Pend 鏡呢回事，其實正是為了這回事。由於部份相片需要交大會，所以只能post 部份唔係咁精彩既相片，請見諒！
見車時，先半按對蕉"或可預先手動設定"，由於小弟用小黑五，可以按下鏡頭前的按鈕Lock 蕉，再看準時間接下快門(連拍)，如果沒有震動到腳架，應該可以得到上圖的效果，而小弟用左呢支腳，PEND 既同時可以於槍形手把按下快門，咁樣絕對可以方便到拍攝。
出彎時，同樣亦是電單車訓彎既時候，大家就要好好把握！
我覺得呢位意大利選手好有型！
如果大家係第一次睇賽車，提提你，多數中午食飯前是很精彩的，呢個時段會有啦啦隊表演、或一些飛車表演，絕對是不能錯過的環節。
在此同大家分享少少精彩畫面。
這位是飄移大賽唯一一位女選手 - 佢竟然取得 97 分！好勁！
上屆冠軍意大利選手既高速表演(好彩佢飄移3次，唔係一定影唔到！)
睇左咁耐，其實大家覺唔得好似少左D 野? 哈哈 賽車比賽當然少不了賽車女郎吧，為了廣大讀者既視覺，當然都會有同大家分享，在此也想提提大家，每一場比賽開賽前的一刻，大約有7-8分鐘時間，賽道場地是開放的，呢個時候大家可以影到賽車女郎、賽車手及賽車同時出現在賽道上！不過作為觀眾既大家，就可以考慮用長鏡大炮去影，或購買VIP 是可於此時在賽道上拍個照片留念的。
這就是VIP 的優待了！不過大家緊記，如果在場有賽車女郎舉起3分鐘及1分鐘牌，大家緊記要盡快離開賽道，否則就會很危險了。
其實影一日已經很辛苦，仲要連續影三日，所以說攝影還是興趣比工作好，但能夠同大家分享工作既點滴也是很有趣的。
最後帶大家參觀一下整個賽車場最核心既控制中心。
哈哈 謝謝工作人員唔介意我爛玩，走開晒俾我影左一張相扼LIKE ！哈哈。
如果你喜歡我的文章，可以讚好我的專頁: http://www.facebook.com/KenjiBWorld
我的新Blog: http://kenjiworld.wordpress.com/
