工作上一向都使用單反相機,影自己小朋友亦如是。主要係因為自己對器材並唔係特別追求,通常係用到壞先去買既人(甚至少少壞都照用冇問題),好少特別去買相機。直到近期,買了無反相機後,發現相片質素相距沒有想像中大(實在後知後覺)。而且實在輕便太多,所以除工作外,單反已長放防潮箱。
相片質素:老實講,我好多時都分唔到FF同無反影出黎既相。影響一張相好唔好既因素實在太多,而且現時無反影出黎既質素已經相當之好,如果影RAW 既話,寬容度已經非常不俗。
機動性:"大佬,去玩啫,又唔係去做野。下下咁樣拎真係人都癲。"以上係我以前拎單反出去玩既心聲。
配套器材:部機細左輕左,鏡頭又輕D,腳架又可以細D。加加埋埋全部其實已經輕便左好多。
反應:呢樣係同單反最大分別,時滯、對焦、連拍,都暫時同單反有一段距離。如果拍攝較動態既小朋友,單反既成功率始終較大,亦係影小朋友上最唔及單反既地方。
假日同小朋友去玩,始終享受親子時間為先,無反既重量同體積的確令人忘記頸上既重量,要兼顧既事較少。試問同小朋友出街又BB車、又奶粉尿片、又單反腳架,仲點可以投入親子既時間呢。
大家又可以估下以下既相有幾多係出自無反相機。