Fever 達人文章分類

無燈良車

主題全寫應該係無燈影+執優良汽車,唔知點解,男人大部分都愛車 / 愛影車,好多朋友會幫愛車影靚相但大部分都唔會用燈,上星期剛做完一個經驗對談嘅講座,第三part正正係無燈影車+後制分享。

係度要再次感謝到場支持嘅攝影愛好者同主辦單位,希望好快會再次同大家見面分享經驗!

 

dcf-travel-img-22010

十分多謝你地令我第一個講座已經坐無虛席!


係度會溫故下當日嘅知新,俾大家感受下後期處理可以做到咩地步,令本來不可能嘅變可能,例如細節、色溫、反差甚至整張相入面光嘅位置、方向同分怖都可以大大改善/變。今次就分享下我會點樣用環境自然光影車+後期處理。

因為環境同自然光嘅限制,點樣做先可以令相片比原來的更吸引眼球?第一係色,第二係光。色好大程度依賴後制,只要確保影嘅時候色溫合理,曝光正常,以能夠先做到還原人眼為前提就已經ok。而光控比較複雜,因為人眼有極優秀嘅HDR能力,要相機鏡頭只影一張就做到人眼效果現階段仲未可以,所以想要最好效果好多時都要影多過一張再合併,尤其係有大反差環境,加上一定程度對raw轉jpg嘅了解,其實識開jpg已經可以有好大分別。

 

dcf-travel-img-22008

一張過,只要對焦位置準確,f4已經有呢個效果,光暗位置重新調整,背景調色偏冷增加戲劇性效果

 

dcf-travel-img-22004

先用大光圈影人,再用細光圈影景再合併,要留意左右車因超廣角拉到變形要處理,背景色冷但人色要Keep住warm,執走車牌是常識吧

 

dcf-travel-img-22000

dcf-travel-img-22006

光差極大所以要2合1,處理光暗反差不能太小因為會唔自然,太大反差又會流失細節,背景調色偏冷增加戲劇性效果

 

dcf-travel-img-21999

dcf-travel-img-22005

擴大背景牆身,令整體空間感大增,車頭車尾反光位置要淡同暗化,車身要調光,處理好暗位同倒影嘅影響物(我),上方重新導入主光源令構圖更有方向性,最後複製出來嘅牆身最好每格做修改,如果唔係會睇到撞"格"

 

dcf-travel-img-22009

左右方增闊,highlight 車頭位,背景只保留2色突出車身,增加戲劇性效果 

 

後話

影車(靜態)要注意嘅有好多, 好似車身反光反射、泊車位置同距離,畫面受光位置同暗位等。其實仲有更進一步嘅車身後期處理去抹走反射完美化車身,但同時地此舉要用更大量時間而力量控制唔夠好仲會或多或少地製造唔自然及違和感,所以除非係有特定要求,否則都係用閃燈最簡單地解決反射問題。

雖然唔係每個人會做大幅度後制,但其實有基礎加上一定時間同訓練,可能性同進步已經可以好大!以上嘅小小心得分享希望幫到鐘意影車嘅你!

 

www.facebook.com/inghohk

www.facebook.com/adorbyhongkong

www.adorbyhk.com

分享感想
ing 的其它文章
八月七位六大一小三日兩夜@大灣區 ing  阿女要準備入小一所以無左年度旅行,但因為要去探親戚所以就一家人黎左個大灣區番禺三日兩夜,行程主要去兩個地方,長隆野生動物園同岭南印象园,阿女第一次返大陸,已經打定底同佢講會有些不文明行為會經常發生... (繼續閱讀)
你還記得夢想的樣子嘛? ing 夢想是旅程,是生命,應該要每個人都可以去夢去想,不論貧富不論美醜,你還記得你兒時的夢嘛? 作為父母我們心裡當然希望小朋友找到並擁抱夢想,可惜現實並不盡是美麗幸福而身體也很誠實地向夢説不,係滿地怪獸家... (繼續閱讀)
編輯推薦
光影中環海濱 ing 第一句要講的是最後今日去到10點!要玩6點左右到添馬公園再去illuminate玩最好,其實它只做三日有點不夠呢。 公園其實都多人,如果住新界山長水遠就不建議去因為人真的超多但設備其實好臨時性,  所以如果只為它... (繼續閱讀)
親子登登登燈@A1 ing 很久無沒有在這裡出文分享,之前因工作要開始認真用燈拍攝,今日為大家介紹一個並不太人道的親子拍攝方案,就是登登登燈!用燈影小朋友!   大家都明白跟小朋友出街玩+拍攝已經不是一件簡單事,普普通通一機兩... (繼續閱讀)
編輯推薦
Long Island 半日行 ing   祝大家狗年步步高陞,身體健康,萬事如意,心想事成! 阿女剪左新髮型又病左一陣子終於有機會可以正式出外走走!本來新年後嘅東京之旅都取消了,坐唔到飛機坐下船入長洲行個圈吧!   呢排因工作關係要操一... (繼續閱讀)
填補畫面的建築@城大創意媒體中心 ing   介紹一個有趣地方俾大家 - 城大邵逸夫創意媒體中心,係達康路由又一城行去大約十五分鐘左右,一個外表好簡約的建築物,白雪雪影相一流!附近有公園或行落石硤尾或者深水埗都得,要準備好同小朋友做乜因為創意... (繼續閱讀)
隨身黑白控@HuaweiMate10 ing   一直對華為呢個品牌無咩好感,有次意外見到朋友部華為影嘅相真係個心都離一離,甚至有少少一刻愛上,到Mate 10上市價錢公道,大電量大芒雙鏡,雖然無今期流行嘅全屏但都好近重點係機面無Logo即時Sharp醒曬,所... (繼續閱讀)
85mm的澳門 ing   感謝兄弟J先生提供住宿令我可以一邊工作一邊陪屋企人朋友過大海,但去得太多都係賭賭賭賭賭所以今次同朋友去會睇下大自然一面的澳門,btw依家好多酒店做緊優惠一千多就包埋船飛同早餐,今次我地住嘅巴黎人都有... (繼續閱讀)