攝影本身同美術設計基本上密不可分,影相靚唔靚好多時同美感有直接關係,有美術/設計底子或從事相關工作的朋友無疑會更易掌握拍攝靚相的基本條件,因為拍攝會因應不同用途係構圖同畫面設計會有相應處理,例如雜誌報導用,我們要預留位置擺文字標題,海報設計用最好預先有草稿預覽,仲有顏色字體配合等等有關嘅處理經驗會幫你更了解點樣去創作,咁一般朋友點樣接觸同攝影有關嘅創意工作?一字記之曰"扮"。
扮下影電影海報?扮下影雜誌?扮下影寫真?
今日心血來潮,想扮下幫阿女拍攝唱片封面,準備左汽球同泡泡,因為時間嘅關係只係屋企樓下嘅公園拍攝,想要賣甩樓下公園嗰陣味道,適當嘅後期處理是必須的哦~
Canon 6d + Sigma 85 f1.4 art
熱下身先,已經認真拍攝,可惜阿女表情,角度,構圖,感覺都未達標準,繼續加油先
Raw / 呢個距離角度散景很融,可惜角度不夠好看,表情唔上唔落
Btw之前都有講過下,加強方向性的光分怖有助觀賞者欣賞你的作品
Raw / 樓下公園必備的格仔網
After / 處理後格仔網bye bye,加強左散景+旋旋,但呢個構圖設計仲未做到我想要的效果
Raw / 試下大頭先,之前有講過嘅中性曝光,要嘅就係相入面所有細節同防範死白死黑
After / 表情一流,可惜大頭同感覺不是今次主題想要的
Raw / 而依... 呢張係啦!就係只有一次機會嘅氣球升空,阿女呢刻嘅凝望就係我想要的感覺!可惜後面已經係樓同地盤工地,感覺中了但味道完全不對
+
=
After / 最後用另外一張相的泡泡加強夢幻感,色用偏藍,光低對比,暖人色,頂留白,加字,完成!
後話
扮野除左有助你用更闊角度去思考點去影相,更有助你用其他元素去令作品更完整及更深入了解美感是什麼一回事,多睇雜誌,電影,廣告的攝影作品從而學習及模仿可能比千篇一律的拍拍拍更有用哦。
爹娘喜歡攝影想分享想進步可加以下group 呀親!
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/adorbyhongkong