Fever 達人文章分類

Fever 小編手記 - 影演唱會與「好」老公

影演唱會可謂易學難精,一來「皮費貴」,前排靚位有時過千元就少不了;二來響「黃牛黨」的充斥下,好多時都係一票難求,想專心聽歌而又交到靚相,個人覺得除非閣下有三頭六臂,否則就唔好隨便向高難度挑戰。小編有位由細玩到大的死黨都算係半個攝影發燒友 Jackson(化名),眼見佢 10 年前由全片幅單反玩到家下的全片幅無反,多款長短火鏡頭都有,用來影演唱會加上佢的十多年拍攝經驗,理應就「坐定粒六」,可惜早陣子的韓團演唱會,問題就出來了!事關今次負責在演唱會內「操刀」的不是老死本身,而是那位自 iPhone 推出以來,幾近連傻瓜相機亦未再掂過的「賢內助」Rose(化名)。

dcf-travel-img-33851

話說 Rose 難得可以在亞洲博覽館一睹韓團的精湛演出和舞藝,即使 iPhone 更多鏡頭,面對演唱會的環境實在無從招架,坐著山腳近臺位置,亦不會拍到「大頭相」,於是想問老公 Jackson 借相機一用。老公 Jackson 早知老婆未能邀請他做「駐場攝影師」時,就會搵他借相機鏡頭,故一早就預備已屬「半退役」狀態的 APS-C 片幅無反相機連遠攝變焦鏡頭予 Rose,並教導 Rose 拍攝演唱會的「重點」。

當然,從來都是 "Don't Think, Just Shoot" 的 Rose 對於 Jackson 的攝影速成班一於少理,只拋下一句「您較個『用得』? Settings 就可以了」......何謂「用得」?由中七已經開始與 Rose 拍拖的 Jackson 當然知道老婆的「脾性」,快門先決模式、Auto ISO、1/200 秒快門、全區域自動對焦,配上一支 55-210mm F4.5-6.3 OSS 鏡頭,心想「影唔到都應該唔關部機事呢...:-P」

滿心歡喜的 Rose 在翌日收工後,就帶同老公 Jackson 的相機前往亞洲博覽館欣賞韓國的天團演出...

同日晚上,Rose 一踏入家門,即向老公 Jackson「認低威」......
Rose:「老公,都係你啱,我一張相都影唔到,早知就聽你講唔好拎部大牛龜相機去睇 Show......」
Jackson:「其實我較好晒 Settings 俾你,衰極都係手震或者張相好暗,點解最後搞到一張相都影唔到?」
Rose:「其實......個問題響我身上,你俾我 set 機實在太重,拎得機嚟又 fing 唔到吹氣波波,對得個目標嚟又唔可以專心聽歌......而最大問題係前一行的大媽仲 high 過我,係咁 fing 支螢光棒,你話咁樣仲有咩好影呢?」
Jackson:「晨早都同你講『攝影師』筆錢係唔慳得啦,下次搶飛時記得預埋我個位,到時你有你 fing 螢光棒,我有我響人潮逢隙中 fing 支鏡頭幫你影相,一於各取所需嘛...XDDDDD」
Rose:「死佬你係咪嫌命長?下星期啲晚飯你食自己啦!你夫人我決定『罷工』7 日!」

--------
如果大家想提供有趣既攝影相關故事分享比大家,歡迎 Inbox 比小編,或者 E-mail 去 info@dcfever.com,多謝收看!

分享感想
  • Alvinaky @2018-12-31 10:34:33
    c7016144: 真係有機會架, D fans, 長短火咁, 有人夾心口, 有人夾大比... 好堅架!
    如果po文講下點運野入去中定仲精彩!
  • c7016144 @2018-12-24 17:02:48
    個故事幾有趣味性,不過資料上可以真實啲,你哋有好多會員真係影開Kpop㗎!?
    亞博影韓團第一件事應該係點樣逃過安檢,偷運部相機入場!
    睇韓團唔會有氣球同螢光棒,只會有每隊韓團專屬的應援手燈。?
    香港影韓團除咗企位用70-200mm會夠近,座位的話一定要用埋2X,或者直接用100-400mm先夠近,因為亞博個場實在太長...
  • wilsonabce @2018-12-23 17:29:20
    這是私人的回應
  • wilsonabce @2018-12-23 17:13:54
    這是私人的回應
Fever 小編手記 的其它文章
Fever 小編手記:攝影「播毒」? Fever 小編手記 .1 月 20 日 武漢肺炎似乎愈演愈熱,早前不少港人繼 17 年前的 SARS 非典型肺炎後,再次經歷「盲搶罩」和「一罩難求」的日子,而一盒 50 個裝平凡不過的外科手術口罩,有藥房竟將平時的 HK$50,搖身一變成為 HK$500 的「搶手貨... (繼續閱讀)
Fever 小編手記:斷食 21 個月 Fever 小編手記 .1 月 6 日 有日本網民在 Twitter 發文,說每月生活費只有 10,000 日元(約 HK$732,大約每日 HK$24.4)。不過,這個月的第一日,因為買了新相機,結餘便只得負 21 萬日元(約 HK$15,387)。他很希望有人能指點明燈,教他在餘... (繼續閱讀)
Fever 小編手記:最強 Timelapse 何時重見天日? Fever 小編手記 不少人都會利用 Timelapse 技巧拍攝風景,不過換在建築工程界,更多機構會以 Timelapse 來記錄建築過程,部分更會在社交媒體播放,藉以宣傳工程如何偉大。大半年前小編前往機場拍攝飛機時就發現官方安裝了一套極為... (繼續閱讀)
Fever 小編手記:玩火 Fever 小編手記 在剛過去的雙 11 和黑色星期五等等大特價日,大家有無買到便宜貨?小編不太常網購,因此有時都幾大鄉里,好彩大鄉里不止得我一個。外地有博客赫然在網店發現一款光繪套裝,有鋼絲棉一塊、打蛋器一個(用來夾住鋼絲... (繼續閱讀)
【Fever 小編手記】攝影家事丁:兩情不悅 Fever 小編手記 有女士覺得擁有一個懂得攝影的男朋友或老公是不錯的,依人覺得另一半總會覺得成日有人會為自己拍到靚相。可是,現實有更多的情況是「希望愈大,失望愈大」,這就是所謂的「期望管理」問題。     小編身邊有... (繼續閱讀)
Fever 小編手記:遠離兒童 Fever 小編手記 還記得大概在父親節前後,網上流出一組照片,影住好幾部不同類型的相機在浴室洗手盆上「淋浴」和「洗泡泡浴」,還有一對小手幫忙相機「擦老泥」,主題係「父親節幫爸爸清潔相機」,真是見者傷心聞者流淚。日前網上... (繼續閱讀)
Fever 小編手記:香港攝影博覽會 Fever 小編手記 要提每年大型的攝影博覽會,相信不少人總會想到 PMA、Photokina 或在日本本土舉行的 CES 等世界級展覽會,但香港作為其中一個先導市場(部分產品的開售日期較「老家」日本還要早),卻好像偏偏不能真真正正擁有一... (繼續閱讀)
Fever 小編手記:刀劍不離身 Fever 小編手記 閒來無事翻臉書,發現某群組有人張貼失物待領啟示,話有影友在行山時,在路邊拾獲一部全片幅無反相機連鏡頭,鏡頭蓋有蓋上。小編目測機身不算新淨,亦有一些污漬,但表面無明顯傷痕,估計係失主在路邊休息時放下了... (繼續閱讀)