圖片:Lukas Schulze / Getty Images for European Athletics
就算不是運動健將,都應該知道衝線係用個胸,而唔係好似呢位健兒咁,用塊面!唔通佢專登玩野?
實情不是咁的。話說呢位越野跑手 Jimmy Gressier 見終點在望,其他選手又大幅落後,一心想型到盡頭,於是在臨衝線前,好像足球員慶祝入球般來個跪地滑行(Knee Slide)。可惜他膝下是泥而不是草,滑不夠半步便被泥濘啜腳,結果整個人趴向前,狀甚似仆倒在街上。幸好他仍及時爬起身誇越終點線,冠軍力保不失,否則必然被耻笑為型到盡頭便是X。
攝影師都係普通人,不會有預知能力,能夠拍下這個精彩的瞬間,只不過憑常識:比賽得冠軍的選手,或者剛入球的球員,必定動作多多,把鏡頭跟住他,通常會有收穫。
小編之前者訪問過不少運動攝影師,聽他們講,比較麻煩的情況是,假如大熱倒灶,舉例說牙買加「飛人」保特只能跑第二,咁鏡頭應跟住冠軍選手還是保特?作為受聘拍攝的運動攝影師,交差最重要,所以答案通常是跟冠軍選手;在交差之餘還能拍到額外的有趣畫面,就要看運氣。
大家還是否記得兩年前的里約熱內盧奧運中,有攝影師影到保持在百米跑時,擰轉頭 90° 望住鏡頭笑的相片?正常情況下,試問邊個攝影師會選擇站在賽道左側?又有哪個選手會在比賽期間分心望鏡頭?種種的巧合在某一個瞬間發生,只能說影到這相片,簡直如同中六合彩般好運。
----
如果大家想提供有趣既攝影相關故事分享比大家,歡迎 inbox 比小編,或者 email 去 info@dcfever.com,多謝收看!