香港有個赤色的島嶼..
滿佈紅色既沉積岩，被稱為海上丹霞。香港紅石既第一代表，亦係香港地質公園*既一員。
*香港地質公園全名為：香港聯合國教科文組織世界地質公園／Hong Kong UNESCO Global Geopark
地區：赤門海峽，西貢以北
特點：海上丹霞(紅石)、無人島、玻璃水、地質公園
景色：10/10
難度：4/10 (大石間行走)
危險：5/10 (棧道路窄險要，畏高者不宜；礁石上岸)
路線：赤漠迷城 - 棧道奇穴 - 蚺蛇吐舌 - 赤洲洞 - 羊角頭 - 流水坑氹(小北灣) * 此為「赤洲疾走」活動路線。
如要降低難度，可選擇以下路線：
１。赤洲 赤漠迷城: 赤漠迷城 - 棧道奇穴(折返，不用走過棧道奇穴）- 紅鷹嘴 - 赤漠迷城
２。赤洲島旅 火紅海岸 (輕鬆玩水版):流水坑氹 - 羊角頭、赤紅海岸、赤洲洞、蚺蛇吐舌 - 流水坑氹；跳過棧道奇穴及赤漠迷城的路段。
抵達方法：西貢黃石碼頭租船 (Pixsoul活動目的地)
自家制赤洲地圖
【群鼠入洞】
這裡叫「群鼠入洞」，又有稱「群鼠出洞」
大家找到老鼠嗎？！
【赤漠迷城】
當年就係為左呢個廢棄海底測量儀，改變左我地平時去赤洲既行程。不過現在已經消失了..
遠眺紅鷹咀
很喜歡看到大家悠然自得﹑享受這裡的樣子，係我地滿滿地動力呀~
【棧道奇穴】
呢個就係「赤洲疾走」行程最難既棧道奇穴，唔大浪既時候都可以行水路；此外我們都有較為容易既行程，不用穿過棧道奇穴。
棧道比較矮，先傳袋去前面再行會比較好...Eric你個袋咁重有冇諗過搬運工人既感受?_?
潮漲有時會掩蓋岸邊既路
有時又會造出新既海水浴池，呢個赤洲既海水浴真係期間限定㗎!!
行完叢林山徑後既美景 - 蚺蛇吐舌，係赤洲既地標黎嫁
紅色小卧室~
赤洲洞係赤洲最大既海蝕洞
夏天吹南風既時候，經常都大浪，好難入。
當日剛好風平浪靜，就乘機入去了。
＊往赤洲洞既山徑多浮沙碎石
赤色洞穴之泉
很喜歡的一張～大家只要用心感受﹑四處探索，那裡都是拍攝的好地方
大家有留意赤洲邊到既石頭比較紅嗎?!
仲有體力既就可以行埋去【羊角頭】，玩下水，睇下魚仔
個人好喜歡羊角頭呢度～好記得呢度啲海刺郁得好快
最初搞IG就係由赤洲開始喇!! 好懷念呀～
【流水坑氹】
有多少人係為左赤洲呢個靚灘而黎，不過大潮漲既時候佢會成個冇左
P.S. 最細粒人紀錄
赤洲 流水坑氹通常都比較旱水
大雨過後先會出現既超迷你四疊潭， 就當係獎勵我地堅持既勇氣
撰文: Jowy ︳PixsoulHK 隊員: Jowy, So, Eric
PixsoulHK
本地攝影團隊
本地郊遊／探險／攝影
外地美景／攝影 Tour
Website: https://www.pixsoulhk.com
Facebook: http://facebook.com/pixsoulhk
Instagram: https://instagram.com/pixsoulhk
