[lmichael]

我玩攝影都成二十年,由菲林玩起, 停了幾年,有單反之後又玩過. 本來捧住平有平玩既心態, 玩到2009年, 都係用緊400d+部pro 1, 以用86都可以落山賽贏到既心態去參加比賽, 大大小小都攞過十幾個獎. 呢一年, 就變成貴有費玩, 買了無敵兔同小白兔, 其實攝影, 真係平有平玩, 貴有貴玩. 平玩, 照片唔會差過人地, 貴玩, 又唔會後悔買了器材.

眼見好多爭論講什麼器材先決, 有技術唔駛要好器材, 想想o下, 都可以有o野可以分享下, 點樣平有平玩, 貴有貴玩法, 其實真係唔駛爭論, 攝影真係平有平玩, 貴有貴玩, 重點係大家首先要用心去玩.

[speedlight]

其實玩機真係貴,我又玩菲林又玩數碼,C、N、O、P、L、R、K、Cy、F、M、隻隻牌子都玩,淨係135昨,買一部留一部,足足成幾拾部,再加成百支鏡頭,成五大箱野,想死!好彩D 120機放鬼哂,唔係就連牀都放滿,老婆日日鬼刹咁嘈,我就話多有多玩,少有少玩咯~~~

[rodman911]

非常同意 "用心去玩" 這句話

我說享受攝影, 後制, 分享 的過程才是樂趣

[lmichael]

咁講o下平有平玩先啦, 平有平玩, 其實心態就真係有o的似頭文字d, 用部86玩落山賽, 一樣要贏得到, 技術最重要, 但係平玩都有好多技巧, 技術上面唔講了, 什麼用光, 決定性的瞬間.....呢o的都係留返係技術論壇講啦, 但係在選鏡頭同body方面, 又其實仲"蝦"人去玩, 因為性價比呢樣o野, 唔係你話比錢就學得到, 真係要做好多功夫先至學得到.

先講body, 其實入門body真係平靚正, 我用過人地既中級機, 自己一路用緊入門級, 老實講, 我真係覺得除了對焦快o的, 連拍快o的之外, 我真係睇唔到有什麼大分別, 但係相差幾千元, 跌價又快, 新機出得更快, 點解唔省回一些買鏡頭?鏡頭真係跌極有個普....., 人地話入門機唔實淨, 但係我老婆帶住400d去過晒南北極,上過神山, 鏡頭都跌爛, 但部機都無事, 06年買, 用到現在仲用緊.

[lmichael]

好啦, 講o下鏡頭,

要平有平玩, 其實鏡頭既選擇更重要. 首先, 副廠真係一個好選擇, 死馬, tokina, 騰龍, 呢類副廠, 係二十幾年前, 佢地既質素真係同原廠差好遠, 當時光學既"野"練技術, 又真係幾高深, 以前一塊非球面鏡, 係非常難打做, 一塊低色散鏡, 又係貴o野, 但係現在....., 納米技術都有啦, 現在o的鏡, 唔駛打磨啦, "啤"出來就得, 所以現在副廠鏡, 真係同原廠差唔到好多, 如果想平有平玩, 用副廠係一個非常好既選擇, 例如, s同t記既17-55 f2.8玩過o下, 都真係唔錯, 平有平玩既好選擇. 副廠既super wide 10-20, 11-16仲要2.8, 都係收你幾千元, 真係性價比一流, 唔能夠唔講既係, 如果以定焦計, 副廠真係同原廠分別唔大, 我覺得甚至係無分別, s記有枝30 f1.4, 幾千元, f1.4真係可以用o架, 仲幾sharp, 如果買c記枝l鏡, 真係一枝可以買你幾枝啊!!!

下次再續

[王迦南]

當然，冇錢玩Corolla一樣可以好開心，你仲可以幻想自己係滕原拓海添！

但是，如果你拎得出兩個錢嘅，玩法拉利當然仲happy！

平有平玩、貴有貴玩嘛！

[lmichael]

幻想做滕原拓海都好大壓力o架, 佢面對好多人挑戰, 要參加好多比賽.

再講鏡頭,
其實原廠都可以平有平玩, 不過就真係要識, c記其實都有又平又好既o野, 例如, 佢既50 f1.8, 真係平靚正, c記既長焦, 又比廣角多"平靚正"既鏡, 現在就有枝55-250 is, 其實幾十年前, 有枝70-210 f3.5-4.5都係一枝平靚正既鏡, 不過真係可遇而不可求, 我咁好彩求到一枝. 有師兄講o個枝28-135 is, 我都有一枝, 我覺得其實無想像咁好, 但都要成三千幾, 不個係aps-c機, 呢枝再加一枝10-20 死馬鏡, 就已經旅行無敵手了, 講開老鏡, 係十幾年前, 有部eos1000, 佢既kit lens, 係一枝３５－８０既鏡，又係一枝好鏡, 雖然焦距係aps-c比較尷尬, 但係係f8之後, 真係色彩一流. 有l鏡既7-8成功力. 副廠老鏡, 有時都有好多正o野, 威達s1, 佢有幾枝鏡真係唔錯, 佢有枝70-210 f2.8-4 apo, 我一手買都係千六, o個光圈真係正, 70有2.8, 210f4真係可以全開來用, o個時唔知係靚鏡, 後來跌爛o左先至知係名鏡之一, 不過買唔返了, 另外威達有枝marco 100 f3.5, 又係平,靚,正. 一千唔駛有百微用!!!

其實如果要平有平玩, 真係得閑要上既色影無忌, 睇o下佢地對o的平價鏡既點評, 真係好中肯.

[Douglaschow]

老婆日日鬼刹咁嘈,我就話多有多玩,少有少玩咯~~~
*********************************************************

你咪話老婆知,影相鬼好過賭鬼,酒鬼,眾有.................咸濕鬼!

##################################################

平有平玩、貴有貴玩嘛！
***********************************************************************
王兄,
有錢咪去北海道影也Lavender, 冇錢咪去poor lan 街影菊花!

[viovanda]

我都有支vivitar70-300 S1 ,EOS mount 的,比24-105 L ,有過之而無不及,vivitar S1 果支 90/2.8 macro ,吾好話同L 比,同菜司比都贏呀!

[lmichael]

可惜.....vivitar已經唔出鏡, 講你都唔信, 我最後既兩次威達, 係佢香港總代理買的, 當年我跌爛了枝鏡, 咁想買返, 係網到搵, 搵到威達香港總代理, 佢話已經唔再做代理了, 我想要既70-210 f2.8-4就無, 但係有o的倉底貨, 咁我買了枝70-210 F2.8, 應該係S記同佢做代工, 只係......900元, 不過佢只夾到菲林機, 數碼唔得, 另外, 仲買了枝100 f3.5. 都係900元.

[王迦南]

講真，平野同貴野肯定有分別，但買唔起或唔買貴野唔代表冇得玩，避重就輕便可：

1. 勿要求高速對焦。

2. 收細光圈拍攝，平鏡一樣可得極佳效果。




然而，網上貼文常有以下謬誤：

1. 部份貼文基本上是人芸亦芸，並無實戰經驗。

2. 價錢貴一倍而希望質素靚一倍是荒唐要求。我已多次指出：法拉利貴過Corolla何止十倍？速度快十倍嗎？

[look_yau]

最緊要影得開心

[Marksman01]

Hobby, hobby, hobby, ...... know how to make yourself and your family happy, everything OKAY!

[look_yau]

good point marksman ching ;)

[siunasing]

老鬼講攝影好正呀...... 我地呢d 窮撚真係至啱聽,

我7月開始買 550D 玩影相, 一支 Sigma 18-50 F2.8 ex dc , 另一支 canon 55-250 F4.0-5.6 IS, 玩得非常開心.
^O^!!