[fong8281]

各位師兄：好照片是否一定後制和PS，我在很多討論區和網絡上看到很多照片都是經過後制和PS的，這樣算技術還是算藝術？我是新手一名，請多指教。

[look_yau]

技術 + 藝術

[layer]

= 錦上添花

[bho09]

化了粧的明星好比未化粧既更好看

[siunasing]

1. 好照片是否一定後制和PS ?
2. 技術還是算藝術 ?

答1 : 答 "一定" 者乃誤人子第也, 而加外框或文字可算是修飾相片, 可以理解,
而過度的修改, 會使相片失真嚴重. 也失去拍照的本身意義,
答2 : 電腦技術, 填色藝術, 與攝影無關.

以上乃本人儒見, 勿對號入坐, 就此停筆.

[nwt15]

有需要P 一P 佢冇所謂嘅

[Taikin]

月經post@@

菲林時代黑房執相, 算唔算後制?
數碼相over左/under左 , 後制加/ 減下ev先出相又o唔ok?
眼前風景壯麗, 但係相機反差表演唔好, 後制hdr又o唔ok?


我係幾鐘意後制: 執下wb,+-ev, pic sty, 有時crop下相, 加下相框加下水印

[Ref54]

我不喜歡執相, 但我不認為用PS執相就不是藝術,
菲林年代用黑房執相, 現在用"數碼黑房"執相, 兩者本質上無大分別,
而且, 假如你用picture style, 場景摸式, ....等, 其實你已經係做緊photo pre-processing
甚至你唔影Raw而影Jpeg, 其實你已經係倚靠緊相機嘅image processing engine (i.e. Digic for Canon)去"執"相, 所以對於用唔用PS我喺持開放態度,
最重要係構圖能力.

[altai]

以前菲林時代黑房都唔知玩幾多野，有啲黑白沙龍相仲專門鬥黑房工夫添。PS都係技術啫。

[毛煮食]

後制亦是一種技術，令好的相片更好，客人容易接受，觀眾看得開心，十卜

[nwt15]

簡單D 講, 其實部機已經幫你執咗一劑...

[王迦南]

師兄們說得甚對，後制是一門易學難精的技術，當然也是藝術。攝影展覽及商業廣告的作品，大都是經過精心的後制才公開示人。

一名美少女化粧(後制)後，亦會更加美艷動人。祇有極少數過份濃粧艷抹的，才會令人敬而遠之。

現補充以下4 點：

1. 每個人絕對有權是否為自己的照片後制。
2. 初學者大都不懂或抗拒後制。
3. 影齡越深、認識越多，懂後制的亦佔多數。
4. 這裏的網友不少起初都抗拒後制，現在已漸成高手。

[h0001244]

其實好多人抗拒執相係因為現今數碼年代要自己執相姐…
你唸番以前菲林年代，你攞筒菲林去沖咪又係執過晒先俾你……你試下攞去叫佢直出及執過的比較一下就知道咩事

上面師兄說得對，picture style 跟本就係pre-process，係每間廠的設定及取向，一樣係執相的一種，不過唔經你手，你以為係直出。

以前買菲林的一刻其實就係先選定picture style, 富士影landscape，柯達影portrait.........

初初DSLR無咁多機內process，D人唔懂執相的就話D機又貴又影得差，其實數碼年代黑房係在家的，生意上為迎合眾人(唔執相的人)，先攪 standard, landscape, portrait 等等mode，等你唔駛自己執，其實咪等於執過

不過一些高手可蛇頭插在香蕉上，那確是超越了現實，但我都會接受係另類創作……等同台灣那些化妝前化後判若兩人，咪一樣
你只能讚歎佢技巧超班

[王迦南]

自有攝影以來，攝影藝術一向都包括前期拍攝與後期制作。

祇是菲林年代技術與金錢所限，祇有少數專業人仕能參與後期制作，其他拍友祇能假手於人，便誤解沒有後制了；今天的數碼攝影時代，普羅大眾都有能力參與這門藝術。

[10099644]

可以咁講,就算國際沙龍都接受PS既.

如果冇PS既相冇人會拿出來比賽,當然你晤比賽晤拿出來比人睇只係自己睇自己欣賞晤PS冇問题.正如幾正的女明星晤化粧係晤會出镜.

但我個人接受化粧晤接受整容囉.