[rayhkpf]

今日諗住去買5d2 body，行晒全個旺角度度都冇晒貨，本身自己都冇訂到，都係諗住碰下運氣，去左八魯會度問，個sales拎左個訂單file出來話冇晒貨，場內一部都冇，重話人地有2個已經訂左，今日下晏會「咁o岩」有三部機返，剩返一部叫我落訂留俾我。我諗住走人果陣佢即刻大大聲突然間醒起話重有一部存，重問個同事係咪o係個倉度，個同事話有，佢即刻話讓俾我先。心諗...........有就有冇就冇，使唔使咁呀.......有我都唔同你買啦........

最後走人，諗諗下之前有ching話過油麻地有間狗聾辛活有貨。去左睇下，一問之下原來大把貨，入到去果間鋪係d老字號鋪頭，sales係已經上年紀既人，睇起來好似一句起兩句止果隻，但係傾落人地不論係對相機既認識同態度都比起果d三成、連鎖店之類好得多，雖然佢地冇分期做，價格一樣，起碼明碼實價，做生意老實都o係返度。

買都買得開心d~~~~~~

[calwkf]

其實有時去呢d老舖最好既就係可以如果當你有問題可以請教下d老人家, 佢地做左咁多年, 就算冇玩相機都見過唔小問題.

[Robert Yuen]

呢位拍友... 小心百x匯嗰d大倉的故事呀, 做乜有現貨唔放係舖呢? 有人爆料話佢哋試過番pack陳列機再買!!!!!

[rayhkpf]

我見佢地咁做生意，而且我走果陣重笑我即使而家有十萬蚊o係身出面都買唔到，人地九龍生活大把貨啦

[JSmith]

display暫時都唔會有，不過好可能係俾人玩過退返既貨。點會電腦冇記錄，但又會醒起個倉重有一部，但問同事又可以即刻答到.......