[william_yeung19]

師兄們
小弟星期四要為朋友拍一段求婚過程短片
小弟全無經驗
嘗試推，但係朋友找唔到其他人幫
我已經同朋友講左可能會炒，佢這亦都明白呢點，佢話最多當冇拍過

我宜家只能係呢兩日刨說明書同練習
我希望有師兄可以分享下拍片小貼士
提升下拍片既質素

除左小貼士外
小弟仲有幾個入門級問題：
小弟用550D 有A16 tokina 124 50.8 85.8
地方會係昏暗既戶外
1 我應該用zoom定定焦？
2 係唔係用MF好d？
3 光圈應點set呢？

希望師兄可以幫幫手啦ヾ(＠⌒ー⌒＠)ノ

[Taikin]

用AF驚你迷焦果下會好怪,同埋好嘈,特別係A16
用MF又驚你擰得變焦環黎又對唔切焦.
又驚你收唔到音

不如都係正正式式請個人啦..
拍片果位仲難過影@@

[怪俠]

拍唔難，用手上面嘅器材為根底去構思整個拍攝程序，

再與你朋友商量好一個故事、內容、想表達嘅意念、場景，服飾、氣氛、及拍攝所需時間，

拍攝時要分早午晚光影，背景、打光及安排道具，

如果祇係想即興式即場拍攝，咁就祝你好運。

sorry，係祝你朋友好運！

[nwt15]

我建議用定焦用腳zoom... MF 會比AF 好少少, 不過一定要練....光圈嗰D 就真係睇你想點....

[william_yeung19]

先多謝大家既回應
我都知好難架喇~~~我亦都冇咩信心~~我已經warn左我個friend架喇~~
只係朋友佢都只係諗住柴娃娃玩下
或者我仲緊張過佢!

其實個短片既nature
有如怪俠所講既即興式即場拍攝
我朋友想拍求婚既過程
並不是拍短片來求婚用~
所以係冇固定對白, 冇排位的~

另外, 明白師兄們建議
我會係50 1.8 同 85 1.8兩支揀一支用mf 拍啦~

[nwt15]

50/1.8 我覺得易控制D...

[siubi09]

咁不如用手機拍仲好.....

[wllui]

小小心得

1. 用MF, 你要清楚順時針係向靠近的東西(或逆時針轉動向較遠的東西)FOCUS, CANON原廠鏡可能和TAMRON有別, 要留意, 因你靠近主體時, 就要下意識順時扭動對焦環, 相反亦然

2. 光圏用到最大, 唔使怕FOCUS唔夠準, 我影細路都冇問題, 唔同睇相, 睇片有少少OUT FOCUS係唔多覺, 你可一開似按下錄影, 後才FOCUS, 咁樣有少少FADE IN效果

3. 用30-50MM的焦段, 不要用鏡的變焦, 靠自己對腳來變焦, 因為係隻手用左來對焦, 冇手去變焦, 同埋咁變焦睇番好易CHOK 下CHOK下, 變緊焦時又OUT FOCUS

4. 留意手要定, 縮短D條相機帶, 機帶成45度拉"行", 咁就可形成3點承托, 減少震動

5. 動作要慢, 震得越少, 睇得越舒暢

6. 最緊要做BACKUP, FILE SIZE越大, 越易死CARD 死FILE STRUCTURE, 事先用相機FORMAT張CARD, 試拍一兩段, 試下光暗都好

7. 光源隱定時用MANUAL EXPOSURE, 因為如果場用偏暗時, 相機會谷光現場環境, ISO一過1600 NOISE就好多, 拍片保留現場氣氛較影相更重要

[wllui]

遠攝鏡錄出來其實係好靚, 但一定要落腳架, 否則你只見到男女個CHOK樣
同埋收音離太遠都係問題, 室內不建議使用

個人係建議用35F2 或 50F1.4收一級光圏來拍, 呢兩枝夠輕, 因冇變焦環, 所以你唔會扭錯野

[william_yeung19]

wllui 師兄, 超感謝!
好清楚亦好實用的心得!~~~
等我呢兩日用心練習先!

[william_yeung19]

師兄們,
Full HD有25fps同24fps分
兩者有咩分別呢?~
我只係睇說明書話 25fps for PAL 制式
咁係唔係如果我想用電視播就用番25呢?

[wesleyyau]

你會係偷拍定係明拍? 兩樣好唔同...
我習慣event 一定係zoom... 定焦要d 位好準先得... 唔係可能會主體太大太細... 定焦光圈大係好... 但係大光圈又易走... 如果你係企定... 目標又係企定定就話o者... 你話->"冇排位的"... 咁佢行近行遠... 你又跟佢行近行遠... 拍王家衛重慶森林?
你要明白... 拍片唔同影相... 係一樣可以crop... 或者可以做key framing... 但係出o黎效果... 點都冇用zoom 構圖咁好...
如果你連拍片都未夠信心... 就用定焦拍真係祝你好運x1000...
如果你夠光又會剪片... 要快o既... 你可以先用AF(雖然LV個AF幾雞吓)對一下再加少少MF(如果支鏡支持實時MF或者自己再轉AF/MF個制)... 當然有信心全MF 會更好... 不過A16低光會迷(小心)... 支鏡嘈呢樣o野睇你會唔會即時收音... 其實收音先係大問題... 你戶外用內置收音... 真係姨媽姑姐/大人細路/車聲人聲都入哂去.. 一係就用有方向性o既mic(不過550D有冇得用外置mic?)... 大風又要有防風綿... 或者你事後只加背景音樂都OK...
光圈點SET 睇你想造咩效果... 同你平時影相一樣... 你想淺景深光圈就大D... 呢樣就冇分別...
最好真係諗定哂個rundown... 早一日或一星期去rehersal... 拍一次或者幾次試o下...
p.s. 如果唔係一定要用dslr... 真係考慮o下dv 機啦... 你唔係玩景深... dv 同dslr o既full hd 片真係分得出...? XD (民用dv o係低光係多noise d呢樣真 :P)
想detail d 可能要去dvworld.com.tw... 呢十幾年我都係o係o個度索料...
希望講咁多唔會令你覺得頭暈... =P

[william_yeung19]

其實真係好感激咁多位師兄既指點 (特別係wllui & wesleyyau)
不過大部分師兄都實在係高估左今次拍片既認真程度喇~
其實我都好想我朋友自己去請d pro 人去拍
不過既然佢講得咁輕鬆我咪幫下手囉~~
我比我個friend緊張, 但估唔到師兄們比我仲緊張~~haha
反而wllui師兄個d貼士就真係arm 我用~

放心啦~ 拍衰左我唔會俾人斬死架
我只係想用我手上既器材盡量拍好d姐~

至於dv 機, 防風綿, 實在超出我(同我朋友)既預算
外置咪我都有一個, 好雞個一種, 今晚rehersal會試下效果先決定用唔用~

我昨日練習過
同之前唔同, 我應該會用A16, 因為wide d, 定焦傍身用
用mf我覺得都控制到, 因為lv af 實在唔掂

[whispermakers]

其實你有冇單腳架?
有既話應該可以幫到少少, 影既時候冇咁chok同冇咁快手軟.
支腳可以隊地又或者隊住自己個肚腩or皮帶扣 -- 其實係有隻帶係for咁用既, 不過可能依家同你講too late^^.

[petnkit]

50 1.8+腳架+mf唔會太難，放心影吧，手辦眼見功夫有幾難