[jovising]

星期五上去廣州做野,其實平時都會上,但苦無機會四圍行,終於有2小時空檔,馬上鼠去大沙頭海印電器城! 形容一下果到先,基本上咩電器,電子零件,相機和配件,遊戲機都有得買,但好多間都係賣電話,相機和配件其實都有唔少間,但就唔係集中一齊,東一間西一間! 心目中想買快門線和腳架,四圍睇下,可能果日無咩人行,應該係話極少人,所以每到一間舖既門口,就會有一大班人黎招呼! 入左其中一間買快門線,佢就介紹遙控比我,開價90大元,其實我都唔知咩價,諗住係大陸買野先講一半價,我開50,擾攘一陣就50成交! 時間好快過,要閃人,最後腳架買唔到,反而睇人買野多! 回合個同事,佢係廣州人,我話佢知我去行海印,佢話係果到買野要好小心,好多冒牌貨,好彩我都係買副廠野!總結一下,有時間去行一下都唔錯,小心一d可能會買到平價副廠配件!
p.s. 今日行鴨寮街,見到同一牌子遙控只賣35大元!!!!!!!! 無盒的只賣27大元.....
平過係大陸買.....所以有心係大陸買配件,最好係香港格下價先再上去買,
如果價錢比香港貴,先殺一半價,睇下佢有無還價,心水價就入貨喇!

[x-george]

有機會你應該去海印果邊嘎盛賢攝影城睇睇，我係廣州嘎。成日都係比較廣州同hk兩邊嘎價格。有一兩間大嘎舖頭都幾有信譽嫁！

[jovising]

下次再去廣州做野時要搵ching你了^^

[Louis @ Gooner]

謝謝分享