[ivershing]

本人晚上剛去了旺角店買百微L
第一次問了位後生SALES,態度好好,話cash平d,咪走去樓下禁錢囉,
番到來個哥哥仔有客忙咪問左另一個sales,

果位sales 面目有點猙獰，頭髮稀小但又未至於完全光頭，同時手執一部潮人艾瘋,眼不離機，好不好學，細心一睇,原來係日文網站,講既係唔係日本地震定av 就唔係好清楚

但只知呢位人兄完全先天缺乏服務行業既操守,你睇鏡佢玩電話,買野唔理,一味就話係咁係咁,對話果陣完全冇當你存在,依舊玩佢部IPHONE，如果唔係之前係ＤＣＦＥＶＥＲ買開野，仲以為個個ＳＡＬＥＳ都係咁既態度對客

好啦，故事是咁的
第一支百微有幾大粒塵係入面,一問有冇第支就就不斷話唔怕唔怕,話一定係咁,

睇第2支仲嚴重,佢又話冇問題,唔洗擔心,我問佢有冇第支再睇下,佢就即刻黑晒面,亦開始唔耐煩 ,又話支支都係咁,唔洗試
我同佢講我係度買小小白ＩＳ 一粒都冇,佢話我係自己睇唔倒,推卸責任
係因為我眼有問題而睇唔倒

到第3支果陣,我一望就有3大粒塵係中間,仲要係白色果種,我問仲有冇得睇?佢就發惡咁講:"我有十幾支,你要睇邊支,塵就一定有",我同佢講D 塵係正中間,仲要係白色一粒粒,唔係要冇塵,而係唔係正中間,不過佢都係玩番佢部Iphone，
一味係度掃掃掃

到佢收番個盒果陣雙眼望左我一望，大大力拍左個盒一下,因為果陣冇咩客,間鋪入面既人都望左過來,佢身邊既同事都嚇左一嚇,望左我一望,之後又仍舊玩番部iphone,好似完全唔憂做咁既款,又再掃掃掃

我就當然冇謂同佢勞氣啦,那那臨走去第間買算數

去左第間買,試左幾支都冇黑面,又問我滿唔滿意,
價貴D 不過條氣順番晒, 值回票價


個人感覺:
同佢嘈完全冇必要,因為都聽過師兄講，呢位光頭SALES個底唔係好好
周不時都咁趕客,同佢嘈係浪費時間，影響心情


而家講番件事出來係因為希望dcfever可以正視下佢地員工既操守問題


避免因為個別事件影響dcfever 自己個名，因小失大

玩得相機就唔介紹比多３幾百去換個好服務


,順帶一提,旺角店其實印象幾好，　店長態度好好
有問必答,有足夠 eye contact,上次買既5d mark 2都好滿意

至於塵方面,大那那一支近7000蚊既 L 鏡 就當然有番咁上下要求
塵係中間就一定唔可以接受,買前試多幾支當然無妨
小弟亦都建議各位師兄下次買鏡要試多幾支,唔洗怕佢地黑面果D 技倆
EQ 高D 影相都開心D　

順祝師兄花展有好收穫　^_^

[nwt15]

旺角我去死光買仲開心, 可能平D, D sales 又好傾D...

肥花而家我好少去買嘢...

[look_yau]

肥花 CWB ok ga~

[ivershing]

其實整體印象都ＯＫ，只係有個別害群之馬係度興風作浪

[Peterpan2046]

ivershing ching,

我都有相同經歷, 比個光頭Sales串, 我有向經理投訴, 以後去MK肥花, 我只會入對面間舖, 費事面左左, 對面間舖D Sales 有禮貌, 尤其是Kevin, 買野好幫到我。所以話樹大有枯枝, 族大有乞兒。

[ic0088]

我還掛著以前Causeway Bay 的亞Joe 和 Alan。

[card74]

又係旺角光頭Sales,點解佢仲可存在,

3年前佢試過唔做我生意,and年半前 比枝有問題的死馬150我

去CWB 肥花啦,招呼比SSP and MK 好好多,如果我要去肥花買野,一定去銅鑼灣果間,一定滿意先

[Cable40D]

'我還掛著以前Causeway Bay 的亞Joe 和 Alan''

亞Joe 重係度,禮拜六岩先搵佢買左支50.4 ze

[uncleleo]

ivershing ching
請恕唐突...
請問肥花賣支EF100L幾錢？
咁最後你又買咗幾錢呢？
thanks...

[machaon]

我雖然唔係成日去買，
但去親果度睇野時，
佢比我的感覺好差。(我同佢無任何交流都感覺到)

[paperskin]

三間dcfever 我都幫襯過.....
三位sales 服務態度都好好.....
買鏡仲好細心幫我睇有冇dust....
消費得好開心.....
佢地都好細心, 有笑容......

我都知ching 們講邊位sales 仁兄....
幸好未同佢買過0野......

[ivershing]

作為一個消費者，對呢個光頭ｓａｌｅｓ既行為真係感到震驚
亦都只可以講一句啦，相由心生，下次都係搵位樣子善良既ｓａｌｅｓ買鏡啦

[ic0088]

亞Joe 又返回DC Fever 做？ 自從他掉到SSP分店後遲了工之後我就很少上肥花了, 如果真的返了DC 真的要上去走走。

[madwithstocking]

Dear ivershing Ching,

其實支鏡有塵對你影相有無好大實質影響?

why i ask coz every lens after i use or even rarely use, dust will come out,
and i dun find any problems for my photos....

did u have any painful experience before that the dust will damage ur camera or ruin ur pictures?

[wesleyyau]

其實o個位sales 我成日都見... 但係又唔覺得佢咁差... (我真係唔係識佢先咁講 :p)...
個人同朋友買鏡check鏡... 一年都幾十支... 塵呢樣o野真係睇得好化... 近幾年canon d staff 都同我講... 的確係多o左塵... 但係塵真係有幾大影響呢...?
你話毛就話o者... 塵... 唉... 都係唔再討論呢樣o野... 個個人要求唔同...
有次有人想買sigma 鏡... 呢位sales 話... sigma 鏡實走焦... 如果試鏡走焦唔買... 咁就唔好試喇...
有d 人會話梗係要一定冇走焦... 我會覺得揀得sigma 鏡就要有心理準備... 佢用re-engineering o黎整canon鏡個af... 有走唔出奇... 買到冇走焦就當然正... 唔得咪上去sigma cal 過... 當然亦可以搵間有走焦可以唔買o既鋪... 但係結果試完又試... d 鏡入哂塵... 又有d 執著ching 話唔要... 咁又何苦...
眼見依家d 消費者有點兒濫用消費者權益(唔係話樓主)... 聽過買o左機返屋企... 過幾日話cmos 有塵要換... 亦有買o左鏡返屋企... 過幾日又係話有塵要換...
消費者最重要o既權益係選擇買同唔買... 樓主做得好o岩... 買得唔開心... 就選擇唔o係呢間買去第二間...